منو يقدر يطلع لي رخصه قياده ولها اتعابه

كم عمرك ؟  واذا 18 قدم عند دله

 عمري 21 

المشكله انا ادرس بالمعهد وما اقدر اطلع 

بس اذا خويك بيطلع لي الرخصه بدون اختبار وقروشه عادي بدفع اللي علي 

واخذ الررخصه بس المهم ما تطول 

اخوي دله سالفته سالفه يبيلي واو

السلام عليكم اعطيني تفاصيلك العمر- المدينه - الجنسيه

العمر 21 

انا من اهل الجنوب وادرس حاليا بالدمام 

الجنسيه سعودي 

اخوي هستيريا 

والله كلامك علي عيني وراسي 

بس الحاجه هي اللي حدتني 

المدينه هذا وين بالضبط 

هستيريا الله لا يهينك 

وانتظر ردك 

انت ما فيك ثقه بنفسك
او ما تعرف تسوق عليمي وخايف مثل اخوي
لكن
نصيحه لوجه الله روح لدله ماعندهم سالفه وادرس كم يوم واختبار واختبار واختبار مع رسوم بسيطه جدا ومنها تتعلم 
اما سالفة ادفع قروش والقاها جاهزه هذي امانه يسأل عنها من يستخرجها لك ولا يعلم عنك شي واذا فيها دفع فهذي رشوه ملعون طرفيها
حنا شعب كذا للاسف

والله ما ادري وش اقوالك بس نصحتك حلوة 

وكثير سمعتها من ابوي واخواني حتى اخوياي 

بس والله مجبور اشوف واحد يقدر يسساعدني ويساعد اخوك 

الله يهديك ويصلحك
يعني المشكلة في الرسوم حقت الدراسة ماتقدر عليها والا ايش بالزبط
لازم تتعلم وتسوق
لانه السواقة مو بس تحريك السيارة كم متر
السيارة اداة للنقل وممكن تسير للقتل البعيد
دحين الاجازة تجي وروح قدم برااااحتك ازا هادي الفترة عندك اختبارات
اما تجيك الرخصة لحد عندك وانت غير ملم بالسواقة هادي خطا الله ينور بصايرك

تصدق اخوي مثلك تمام
الان رخصه واخذ اسبوعين عند دله وكل ما سولفنا يحتقر نفسه لضعفه ذاك الوقت فالشخصيه تصقلها التجارب بالحياة والوالدين لهم دور كبير خاصه الاب
وفيه شباب انطوائيين والسبب الاب ... لا يخرجهم ولا ياخذهم ولا يعطيهم شغله ويعتمد عليهم مهمل لابعد شي والنتيجه حتى رخصه ما يقدر يروح يخاف من المجتمع والاختبار والروحه والجيه
يدور شي جاهز لحده وبدون ما احد يحس كانه يسوي شي حرام او خجلان او مدري

الثقه بالنفس نجاح اي شخص لو ما يملك ريال على وجه الارض
واهم اساسيات الثقه ذكر الله والصلاة وبر الوالدين وصلة الرحم والتواصل مع المجتمع اذا فقدت هالاشياء ماراح تتقدم خطوه
لانك انطوائي وابسط شي يهزك
توكل على الله وروح لدله وارسب واختبر وارسب واختبر خذ لك سنه لكن خذها من تعبك وشقاك لا تتكل على الناس وتشحدهم وتذل نفسك وانت عزيز
ارفع نفسك واصلك ولا تتبع شهوات النفس خلك حكيم عقلك يدبرك لا عواطفاك وامانيك واحلامك ولا مالك ولا منصبك ولا اصلك تعلم وخذ عبره قبل تكون عبره لغيرك

ياخوي والله أنا مثلك أول كنت أدور أحد يطلع لي رخصة لو بفلوس كنت أسأل هنا وهنا واحد قال أبد ازهله اعرف لك
واحد بالمرور يضبط أمورك ويجيني واحد قال أبد ماعليك المصري الللي بدله ساكن جنبنا أكلمه لك وكلـه طلع خرط فاضي ..
ويجي ذاك اليوم وتطق براسي ليش ما اروح أنا بنفسي وانا اروح للمرور طبعا قبل روحتي للمرور رحت للمستوصف خاص وعرفت فصيلة دمي وعلى طول للمرور وادخل على دكتورهم فحص العيون وطلع كل شي تمام
واطلع لدله ونآخذ لنا درس عن الاشارات نص ساعه تقريبآ ويعطينا المصري كتيب فيه الارشادات وقال تجون بعد ثلاث أيام تختبرون وطبعآ حفظت الارشادات من النت هي اللي تجيك أكثر من الكتيب اللي يعطونك وأجيهم بالموعد ونسوق السيارات أول ماركبت سميت بالله وربطت الحزام ومشيت
والله السيارة اللي ركبته أنا القيرنمرة الواحد بمكان الخامس فضاوة مو طبيعيه هههه ومشت أموري تمام وأختبرت ونجحت وكل هالشغلة ماخذت مني أسبوع والرخصة بجيبي بلا منة فلان وعلان
أنت بس توكل على الله وامورك كلها بالسليم أن شاء الله ..

 النظام ما يمنع احد يطلع رخصة إلا اذا ما يعرف يسوق او ما يحفظ قوانين المرور أو غير مؤهل للقيادة لاسباب طبية.
إذا انت سليم و سواقتك زينه روح لهم و الامور سهاله وانا اخوك مو عيب إذا رسبت مره او اثنين او ثلاث.


يا اخوان.. الي يطلعون رخص بالواسطة خافو الله! ارواح الناس مهي لعبة