الحل الجذري لمشكلة الدفرنس وسبب ظهور صوت الونه

10 1

لايمكنك التصويت حتى الحصول على 20 نقطة على الأقل
إضغط هنا للإخفاء

شاقح بن مشقوح الشقيحاني 22707
قبل 11 سنه و 11 شهر

السلام عليكم ورحمة الله وبركاته :


جمعه مباركه إن شاءالله


ورمضان كريم وشهر مبارك على الجميع


نبداء في موضوع الكرونه وما أدراك ما الكرونه


بداية خراب الكرونه ظهور صوت ونه خفيف يستمر حتى يزيد لدرجة مزعجه لحد ماينفرط الدفرنس


البعض يستخدم حلول لكن هي ليست حلول في نظري لانه ترقيع لكتم صوت الكرونه فقط وليس لحل المشكله


صوت الكرونه بسبب إختلاف تلاصق تروس الكرونه مع الترس المقابل له


بعضهم يستخدم معالجات احتكاك مع خلطات ثانيه ويقولك تخلي الصوت يروح ؟؟

لكن هل حليت مشكلة إختلال وزن التروس ؟

بالطبع تبقى المشكله موجوده لكن بدون صوت

الحل الجذري :


يا انك تشتري دفرنس كامل (( الكرونات لها احجام وتختلف بعض الاوقات فتاكد من حجم الكرونه اللي فالدفرنس )) بس ماتوقع تلقى نظيف وبيعطيك عليه ضمان شهر تشليح بس لو خرب بعد شهر بتكون دفعت 2000 يال تقريبا وترجع مره تدور لك على غيره

وبنفس الوقت انت ماتضمن ان الدفرنس ماتعرض لمشاكل قبل


هذا حل لكن يخوف ماتضمنه


الحل الاخر والمضمون واقل تكلفه ماديا لكن يحتاج الى دقه وخبره كافيه (( وساعه خاصه لوزن الكرونه ))


الكرونه فالوكاله يمكن قيمتها حدود 950 مع التركيب والزيوت تطلع عليك 1400 تقريبا


لكن المشكله وين تلقى أحد يوزن الكرونه بشكل صحيح ويجعل التصاق التروس مطبوق في منتصف تروس الكرونه ؟؟ (( الورش مالقيت اي ورشه توزنها صح ))


كلهم يقولون نركبها لك وعليها ضمان شهر !!! لانهم مب واثقين من شغلهم وانت وحظك


عندي لكم مقطع فيديو يوضح كيفية وزن الكرونه تحت أيدي ناس خبره ولاحظ إنهم ركبو الكرونه وعملو لها وزن وحطو صبغه صفراء اللون من أجل التاكد وتحديد مدى التصاق تروس الكرونه في المنتصف وماضبطت معاهم لان التصاق تروس الكرونه كان في الجزء الاخير وهم يبغون نسبة التصاق التروس تكون في المنتصف

وفكو الكرونه مره ثانيه ورجعوا سوو لها وزن وضبطت معاهم وطريقة الوزن تبداء من الدقيقة 3.45 ثانيه للي مستعجل يقدم المقطع


مع العلم انهم قامو بتنظيف الدفرنس كامل ووضع بعض الشحوم والزيوت على الرمانات الداخليه كلن حسب حاجته


اخليكم مع المقطع


http://www.youtube.com/watch?v=AWbQpsLMDlQ

إبلاغ

الردود