أضف سؤال أو موضوع جديد          

اصحاب لكزس es300 2004 يتفضلون لاهنتم

up 1 down 0
سكودر 14931
قبل 10 سنه و 8 شهر



السلام عليكم  ... منورين الاعلان  

يااخوان   سؤال عن لكزسes300  وابي منكم الاجابه وتفضلوو  

معنا لكزس es300  موديل 2004  وسمعت ان فيه سير داخلي يسمونه سير التيمن   متى يتغير في لكزس 

 لن عندنا لكزس ماشيه 200 الف ولا ندري متى يتغير    وهل هو ضروري ولا مايحتاج  وكيف اعرف ان سير التيمن يحتاج تغير   

 وفيه سؤال ثاني هل قطع الكامري والافلون تركب عليها  لكزس مثلن  مكره مكيف كمبروسر  

وكيف قطع غيارها هل هو غالي ام رخيص  وهل النهدي هو وكيل لكزس معتمد ولا فيه احد غيره 

وكيف  سياره ورساوتها  هل صحيح ان مساعدات حقتها كهربائيه وسعرها غالي وهل لو ركبت مساعدات كامري تقل رساوه 

 هل هي زي الكامري تنقص زيت 
هل صحيح مكينه لكزس تشبه مكينه  والافلون والاريون v6  
هل هي مصرفه للبنزين   وماهو نوع بنزين 91 او 95 
هل هي ارسى من كامري بخط  وعلى طرق وعره 

 وش فرق بينها وبين 2003 الى 2006 

 انا سمعت انها بخط مريحه وسمعت في واحد معه زيها انفقع  عليه كفر وماحس فيها هل هو صحيح 
 
 هل هي سياره عمليه  ولا كل يوم بورشه  

 وش افضل نوع زيت  للمحرك  
وش افضل نوع زيت للقير  

 هل ممشى كثير مضر عليها ولا اذا حافضت عليها وعلى صيانتها مايضرها   

 هل قطع غيارها غالي ام رخيص 

تكفوووووووووون نبي جواب  على كل الاسئله  والله يعطيكم العافيه والله يرحم ولديكم  

 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


النوع هذه من اللكزس يكون دفع امامي .. والمتعارف عليه انه الدفع الامامي غالبا يكون سير التايمن ربر وليس جنزير من الحديد اذا كان ماهو جنزير يعني ربر لازم يتغير


up 0 down 0



يعطيكم عاافيه ياشباب 


up 0 down 0
سكودر 14931
قبل 10 سنه و 8 شهر



^^
موفق خير ياغالي والله يسهلك امورك


up 0 down 0
الجنرال2012 6586
قبل 10 سنه و 8 شهر



أنا عندي es300   2004   
أولا سير التيمن نعم ربل ويتغير بكل سهوله ونفس قطع كامري موديل 2002 بزبط بس في وحد من الشدادات يختلف .
سير التيمن مع شدادين ب 460 ريال
سير المكينة + سير الدركسون 200 ريال تقريبا
وتركيب لا يتجاوز 300 ريال
------------------------------------
المساعدات عندك 4 خيارات
1- مساعداتها الاصليه ب1800 ريال تقريبا التشليح ب150 إلى 300 ريال طبعا هي مساعدات كامري إستخدام ياباني.
بالخيار هذا راح تنعم براحت لكزس ولو أنفجر عليك إطار ما تدري ولا تحس فيه والسيارة ثابته جدا وممتازة لان المساعدات كهرباء.
هناك خيارات راح تفقد فيها هذه الخاصية لو ركبت هذا المساعدات ( لانها عاديه )مثلا :-
2- مساعدات كامري 2002 قراندي تركب 170ريال
3- مساعدات كامري 2007 تركب 220 ريال
4- مساعدات أفلون 2004 تركب 200 ريال
5- مساعدات كامري أمريكي 2004 وهي الافضل 180 ريال
-----------------------------------------------------------------------------
بخصوص القطع جميع القطع المكانيكيه نفس قطع الكامري بزبط ولا يوجد أي أختلاف من جربوكس ومكينة وعضلات .
ملاحظة عليك تفك القطعة وتوديها أي محل تايوتا وراح يجب لك نفسها  بس لا تقول لكزس.
-----------------------------------------------------------------------------
بخصوص القطع الخارجيه والديكورات الداخلية سعرها متوسط مقارنبة بأسعار الايام هذي مثلا المرايا الخارجية 
أصلية وكالة ب450 ريال ونفس اللون
الإسطبات الخارجية طقم كامل ب800 ريال أصلي
صدام خلفي 600 صدام أمامي 880 ريال
بطانات رفرف الحبة 160 ريال الطقم ما يتعدا 350 ريال
------------------------------------------------------
لكن هناك بعض القطع وليس كلها تلاقي سعرها شويه مثل دينمو القزاز تلاقية شويه شاطح
لكن تقدر تولف علية دينمو الزجاج أفلون نفسه
-------------------------------------------------------


up 1 down 0
al_jasser22 183
قبل 10 سنه و 8 شهر



السيارة جدا عملية ولا تطلب كثير
ولا تنقص زيت لانها 6 سلندر ومحركها نعم نفس محرك الكامري والافلون 6سلندر لكن بنظام vvti
لان المعلومه صحيحه الكامري 4 سلندر تنقص لكن 6 سلندر لا تنقص
-----------------------------------------------------------------
افضل بنزين 95 وتعبي فل 38 ريال يوصلك 550 كيلو تقريبا يعني من المدينة إلى جده 400 كيلو أعبي فل توصلني جده
بسرعه 140 وهي تحت النص بشويه
لكن داخل البلد بتحس بشوية صرفيه لكن عاديه جدا
------------------------------------------------------------------
من 2002 إلى 2004 تختلف عن 2005 إلى 2006 طبعا أتكلم عن سعودي
القطع المكانيكية وحده ولا تفرق شي
لكن القطع الخارجية
2005 و2006 فيها مواصفات زياده مثل
فيها حساسات امامية و4 خلفية أما 2004 فقط خلفيه
فيها تبريد وتدفئية مراتب
تقدر تتحكم من الدركسيون بالمسجل
الإسطبات الخلفية  والشمعات الامامية عدسات تختلف فقط الشكل لكن تقدر تشتريها وتركبها على 2004



up 0 down 0
al_jasser22 183
قبل 10 سنه و 8 شهر



سؤال ابي ابدل الماكينة كاملة حقت اللكزس 300 واركب بدالها كامري 2002 يركب او لا
اتمنى الجواب


up 0 down 0
hadi.oooo
قبل 8 سنه و 9 شهر



انا معي 2004م 300 es خليجيه وماشاء الله عزالله انه يذكرني بالكابرس 90 وسبق وان ركبت لها عكوس أوريون وظبطت وزي العسل ماشاء الله تبارك الله ويكفي ان مساعداتها كهرباء يعني تحسسك
راكب كدلك من الراحه





up 0 down 0
muhamad8446 23
قبل 8 سنه و 8 شهر



انا عندي استفسار عندي زيها اكلتني اكل بالبنزين تقريبن تمشيني 350 وانا راعي خط بس معديها 140 مع العلم انو اعبيها 91يلبت تفيدوني


up 0 down 0
ا ب ج د ه و ز
قبل 8 سنه و 7 شهر



اعطيك من الاخر انا معايه 2006 على يدي من الوكاله السياره لاتعوض ولي يمتلكها يستخصر بيعها وتجبرك على احترامها
حبيبي اتوكل على الله وماراح تندم انشاءالله
والف مبرك .


up 0 down 0
yassin 991
قبل 5 سنه و 8 شهر



أبي اسطبات زاوية أمامية يسار للكزس 1999 es هل يتولف عليها مثلا كامري أو آوريون
علما أنها موجودة بس القزازة منكسرة أبيها للفحص بس


up 0 down 0
أبو صبا 2020
قبل 3 سنه و 3 شهر