وش افضل وظيفة في السعودية ؟؟

ههههههههههههههههههههه شريطي.   

أرامكو ارشحها لك لا ني اشوفها الأفضل

أفضل وظيفة هي اللي تكون فيها مرتاح نفسيا وحابب جو الشغل 
 
 وتحس أنك تنتج وتفيد الناس 
 
  

أفضل شي التاجر وبعدين الخمس الي ذكرتها أنت لأن رواتبهم عاليه .

ولد خالي ملازم اول ويستلم 18 الف راتب ورحيمي مهندس ويستلم قريب 20 الف واعرف دكتور يصك 30 الف

والله كريم .

ههههههههههههههههههههه
ابراهيم التركي :)
+1

ارامكو فلوس بس كرف .. افضل وظيفه صنفت بالعالم هي كابتن طائره او امتع وظيفه

ارامكوا في الرواتب عاليه جدا لكن فيها ضغط حتى حارس الامن في ارامكوا راتبه يوصل ل10 الاف الله يزيديهم

الضابط مو افضل من المهندس, 
اتوقع المهندس المفروض يكون أول واحد ﻷن سوق العمل يطلب مهندسين بكثرة 
بمختلف تخصاصتهم,  هذا غير الراتب , المهندس الكيميائي يستلم أقل شي 15 ألف غير البدلات 
والتأمينات.

على حسب طبيعة العمل اللي تشتغل فيه
عندك شركات تقولك نعطيك راتب مبلغ وقدره وبالاخير داوم 12 ساعه وكرف وشفتات وفي مكان بايخ وطبيعة عمل ممله ومتعبه وفيه وظايف رواتب عاديه بس دوام ثابت وساعات قليله وراحه .

واحد اعرفه اشتغل بشركه من زمان براتب 4000 وجلس معهم 9 سنوات ماطلع من عندهم الا وراتبه 18 الف
وجاه عرض وظيفي مستشار مالي + سياره فخمه براتب 25 الف وجالس في مكتب ومرتاح ماشاء الله وللحين فيها.

لازم بالبدايه تتعب وتمشي ماينفع تتشرط من اول شي محد بيعطيك وجه الا اذا كنت خبره طويله في مجال معين
بعدها راح تصير من احسن للاحسن ، الواحد يشد حيله بس . عليك بالشركات الكبيره والله يوفقك

أرى إن أفضل وضيفة إمام مسجد 

العمل الحر و الإبداع افضل من كل ما ذكرت

اما الوظائف الي ذكرتها جميلة لكن بالنهاية تبقى أجير

الان صار فيه تقارب بالنسبه لرواتب 
الوظايف المدنيه بالعسكريه
انا اشوف العسكريه اسقرار وظيفي 
عيبه ان راتب العسكري بدلات 
ارامكو اذا فيه ضغط عمل في القسم الى انت فيه
يعني واحد من اخوياك مستاذن  واحد ثاني اجازه
يجي العمل في ظهرك واحد وقت الاجازات يسلتم ١٢ 
ويرتاح ١٢ لين يرجعون اخوياه من اجازات الصيف 
معيد الجامعه اذا تخرجت لازم معدل فوق ٤ وتكون
ماحملت ولا ماده توقع معهم اتفاقيه وعقد انك تدرس عندهم
٥ سنوات بعد الابتعاث تدرس ترم في السعوديه ويبتعثونك برا
تكمل ماجستير 
انا اشوووووف افضل مكان لتوظيف حتى لما تنكرف تحصل مقابل
هو ( الهيئه الملكيه في الجبيل او ينبع ) 
سكن مكان عمل مرتب ومنظم

أفضل وظيفه من ناحية الرواتب ؟ والا من ناحية الراحه ؟
لأن: أرامكو + مهندس + طبيب  = رواتبهم عاليه لكن يكرفونهم كرف يحللوو كل ريال ياخذوه 
أما : ضابط+معيد جامعي = رواتبهم أقل لكن عملهم راحه ومافيه ضغوطات 

احسن عمل هو اللي تحبه عشان تبدع فيه .. الواحد ما يفكر بالوظيفة والشغل عشان الفلوس فقط 
اعرف دكتور بالجامعة يحب شغله ويمكن عمره 70 وما زال يسوي ابحاث ويفيد الناس والمجتمع 

احسن عمل اللي تخلص فيه و الله يبارك لك في الرزق حتى لو راتبك 3000 ريال 

السنوات الجايه تزداد احتياجات الشركات للكمبيوتر والاجهزه حتى تخصصات الحاسب مهمه ومطلوبه في ارامكوا 

والشركات وهندسه الحاسب مطلوبه في المستشفيات في مبرمج يعرفه صاحبي يشتغل في شركة في الدمام يستلم ٢٣الف 

وصعوبه الحاسب تقارن بالهندسه اذا ما كانت اصعب اتفاجأت لما شفتكم ما ذكرتها في الردود