مهم وعاجل للي بيجدد أستمارة السيارة أو على وشك التجديد .

مشكور على الخبر المهم
والله يعين

اخوي الكريم التامين صار له اسبوعين ب 400 ريال
 وانا متأكد من ذلك لانهم جيراني انا معرض بالرياض 

طلال الجنوب كيف حالك
توني انتبهت للقلب
تذكر افدتني بصوره افادت موضوع السرعه كانت شبح مقصوصه بيومها
والف اخذ عبره وكنت كاتب انك انت من جاب هذي الصوره 
تحياتي 

d-mexem  ... العفو ياغالي ..

السهل الممتنع ....

ياهلا وغلا ياغالي ، وهل يخفى القمر .. أكيد فاكرك ، وفاكر الموضوع الله يجزاك خير على هذاك الموضوع القيم .
وأنا بخير أبشرك أشكرك على سؤالك .

بخصوص التأمين خذ العلم .. رحت اليوم أجدد أستمارة السيارة ومريت على شركات التأمين وكانت التعاونية وميدغليف وشركتين ثانية 
نسيت أسمها المهم الشركتين اللي نسيت أسمها قالوا لي في تحديث في الأجهزة ومانقدر نسوي لك شيء اليوم 
ورحت للتعاوني وقال لي التأمين ب 395 ريال ورحت لميدغليف وقالي 399 وأمنت عند ميدغلف لأنه كان فاضي محلهم 
وقلي الموظف حقهم كويس أنك جيت اليوم لأنه من يوم السبت بيصير التأمين من 500 وأنت طالع ، ماعاد فيه تأمين سيارة أقل من 500 ريال
وهذا طبعاً أقل تأمين اللي ضد الغير .
بعد ماخلصت من عنده رجعت للمحلين الأولى اللي قالوا لي في تحديث وسألتهم قلت ليه التحديث اللي تعملوه قالوا لأن الأسعار 
من يوم السبت بتتغير ، ومريت على محلات التأمين كلها وقالوا لي نفس الكلام أنه التأمين من يوم السبت الجاي
بيصير من فوق الـ 500 ريال 

طيب ليه يغلوها ؟؟؟؟

سؤالك في محله ... مافي أي سبب يخليهم يرفعون اسعار التأمين إلا أنهم ممن أمن العقوبة فأساء الأدب ....
 ماحصلوا أحد يحاسب الشركات اللي قبلهم لمن غلوا أسعارهم فقالوا نسوي زيهم .
والشعب عندنا ميت .. يدفع وبس زي جهاز الصراف لافيه تعاون ولارحمة .
الله يصلح الحال .

تصدق الغلط اصلاا منا احنا من الشعب الي دايما ساكتين كل واحد يقول يله مشيها ماني
 فاضي شكاوي وتعب راس غيري بيشتكي وحتى لو اشتكينا ماعندك احد 
لقد أسمعت لو ناديت حـــيا *** ولكـن لا حــياة لمن تنادي
ولو نارً نفخت بها أضاءت *** ولكن أنت تنفخ في رمادي

كلامك سليم ، أحنا بسكوتنا أعطينا التجار الضوء الأخضر للأكل من لحومنا يوماً بعد يوم .
صرنا زي الكيكة والتجار كل واحد بسكينته يقسم فينا .

طيب اللي يعرف ابواب المحاكم ليه ما يبدا يروح ولاايش رايكم نسوي حملة هنا في موقع حراج ونروح مررة على المحكمة ونشتكي ؟؟؟؟؟؟؟؟؟

الأخ أحب الحبيب 

المحكمة مالها علاقة بالمواضيع هذي ، تقدر تتصل على حماية المستهلك وتقدم بلاغ فيهم بالجوال وعلى الرقم المجاني 8001241616
ويعطونك رقم بلاغ وتابع معاهم ، إذا كثرت البلاغات يمكن يتحركون . على فكرة أنا مبلغ عن صيدلية رفعت أسعار حليب الأطفال
من 42 ريال إلى 63 خلال يومين ولي شهر والوضع على ماهو عليه ، يعني حتى حماية المستهلك مالها أي دور يذكر
لحمايتنا فعشان كذا التاجر يرفع الأسعار ولافكر في أحد في البلد ، وخصوصاً أن الشعب ميت ولايبدي أي ردة فعل
على الصفعات المتتالية اللي يحصلها من التجار.

أخي العزيز إبراهيم التركي

شركات التأمين لاتساهم في مثل هذه الأمور ولا لها علاقة بها . الزيادة سرقة جديدة تدخل لجيبوهم بدون أي مقابل .
الصفعة اللي ممكن تجيهم أن الدولة تخلي التأمين أختياري مو أجباري ، وبعدها تشوف أسعار التأمين الحقيقية 
كيف تصير .

يا أخواني الكرام هذا حال البلد دائما لوتلاحظون ارتفاع اسعار الكثير من السلع بدون سابق انذار
وبدون رقابة من الجهات المختصة وعلى عينك ياتاجر مثل اسعار الدواء والكماليات الضرورية وخذوا مثلا لو اي شخص لاسمح الله تضررت سيارته من جراء حادث بسيط واتكسرت الشمعات الامامية واردت استبدالها فأنك ستجد السعر خرافي لأنك لايمكن ان تسير بالسيارة بدون مصابيح امامية او انك تدفع القيمة وانت ليس راضي وحصل هذا مع احد اصدقائي عندما اشترى سيارة من نوع جي ام سي اكاديا وكانت الشمعه الامامية مكسور جزء بسيط منها واراد ان يفحصها لدى الفحص الدوري لكي ينقل الملكية ولكن هيهات ان يتم فحصها فرجع صاحبي لكي يشتري شمعة جديدة وهنا المفاجأة حيث وجد سعرها بعد الخصم ومن الوكلاء الموزعين وليس الشركة ب 3570 ريال بالله العظيم هل هذا معقول قطعة من البلاستيك بهذه القيمة ؟ ولم يجد امامه الا ان يبحث عن سيارة مماثلة ويسعير الشمعة من صاحبها لكي ينهي الفحص الدوري

الله يصلح الحال ... والله سكوتنا وخضعونا للتاجر من أهم أسباب أفتراء التاجر علينا ، أذكر قصة حصلت في الأرجنتين وهي تعطيك 
مثال جميل للشعوب الحية .. تجار البيض رفعوا سعر البيض في الأرجنتين وقاطع الشعب بأكمله البيض الغني والفقير لدرجة 
أن التجار رجعوا سعره لما كان ولم يرضى الشعب بهذا وبقي مقاطع للبيض فأنزلوه قل من أسعار الأصلي ولم يتارجع الشعب
الأرجنتيني ، حتى قام تجار البيض بإنزال السعر للحدود الدنيا ونشر أعتذار للشعب مع وعد بعدم تكرار ذلك !!

ما أجمل أن تكون الشعوب حية ومتكاتفه مع بعضها البعض وهذا مايدعونا إليه ديننا الحنيف ، ولكن نحن مسلمين بالأسم
 وهم من يطبقون تعاليم ديننا .

الله يعين ...





اذكر مرة ابغى اغير زيت السيارة عند بنشري المهم يوم جيته الا والسعر عنده مرتفع اكثر من غيره تقريبا بعشرة اوعشرين ريال يوم سألته قال : ياخي وش نسوي سعر الرز ارتفع هههههههههه يا سلام وهي لعبة اذا ارتفع سعر حاجة يرفعون الأسعار كلها؟؟؟؟ وفي النهاية راح فيها المستهلك ....... ما نقول غير الله يعين

مآحد مجبور يآمن على موتره آنآ آمنت على آلددسن رغبة من ـآلوآلد لو على ـآلكيف 
مــآئمن مـآشوف منهم آي شي ؟ 
آلله يعين