ايش تجيب خمسين الف سيارة

هلا أخوي , والله الخمسين على حسب هواك , إذا أنت هاوي أمريكي تجيب لك كراون فكتوريا 2005 زي الحلاوة , و إذا أنت هاوي ياباني تجيب لك أوريون 2007 و 2008 حليوات , و إذا أنت هاوي كوري تجيب لك سوناتا 2011 نص فل نظيفة ,و إذا أنت هاوي ألماني تجيب لك فياقرا 2003 و 2004 نظاف , أما عن الرنج السوبر تشارج سعره بحدود 220 أو 230 تزيد أو تنقص على حسب النظافة

الخمسين تجيب لك هوندا 2007 او ماركيز 2006 

طبعا هذي السيارات اللي انصحك بها 

اما اذا تبي كوري فيه السوناتا 2011 نص فل بتحصلها بحدود الخمسينات يعني اكثر شيء 56 اذا هي نظيفه 

والالماني انصحك به اذا كان عند دخل ممتاز وتشتري من واحد تعرفه او من برا المعارض ويكون نظيف 

والفياقرا حلوه ورسميه بس مو شبابيه السياره 

موفق يارب

تجيب ٢٥ الف علبة حمضيات ابو ريالين

تجيب لك لانسر الشكل الجديد

تجيب لك خير 
بس لا ترفع راسك واجد  
بعلومه من اخوك الصغير 
جميع السيارات  بالعالم   
هي وسيله 
يعني الي ٣٥الف والي٣٠٠الف 
واحد 
اقترح عليك  اكسنت   عمليه  وسعرها مناسب  ولا تصرف بنزين  وشكلها مقبول 

ههههههههههههههههههه والله ردودك ترفع الضغط أنت وش دخلك انت وياه يطقطقون ع الرجال يا ترد مثل الرجال ولا قفل الصفحه وتوكل ع الله 

واحد لا تشتري سيارة غاليه والثاني خذ اكسنت والثالث حمضيات وش هلردود عيب انت وياه 

رجال ربي رازقه ويبي يعيش حياته وش هلحسد طول عمرنا بنتم ع هلحال اذا هلعنصريه فينا تعلمو شوي من الامارات ماشاء الله عليهم 

مالهم الا كم سنه وصلو القمم وحنا حتى كلمه ماشاء الله ما نقولها 

اتمنى من كل شخص يضبط نفسه 

الفورد قراند ماركيز او كراون فكتوريا  سيارات عمليه لراحه البال طبعا بشرط انك تشتري سياره نظيفه ولا تستخسر في الفحص افحص في احسن مركز تخسر ٥٠٠ ولا تنغش  وال٥٠ اذا بتنزل لساحه المعارض في الشفا وعندك صبر بتاخذ ٢٠٠٨ وكاله  وبالتوفيق انشاء الله