عندي مشكلة بالتأهو

هلا أخوي بالنسبة للرجة هذي لها إحتمالات كثيرة ممكن عندك فلتر الهوا , أو البواجي , و في إحتمال قوي من البنزين !! لأن ولد عمي كان معاه يوكن و يعبيه 95 و كان في رجة بالموتر و العزم ضعيف وكان بيبيع الموتر , بس قلت له : يشوف الكتالوج و يناظر وش بنزينها؟ و طلع بنزينها 91 و فرًغ الموتر من البنزين القديم و عبى فل 91 و عقبها الموتر زي الحلاوة , طمًنا وش يصير معك

يمكن يكون عندك ضعف بالكهرباء فشيك على الدينمو والله أعلم ؛؛؛

شيك على حساس الهوا الموجود في تيوب الفلتر وجرب تنضفه بخاخ اكترونيات بدون المس فقط اخراج الحساس وبخه وتركيبه وبعد نص  ساعه شغل السياره 

اخوي مشكلتك من منظم الهواء 

يبي لك تشتري بخاخ اسيديلكو وتخلي الميكانيكي يفكه ويبخه ويرجع يطبقه كويس وبتنحل مشكلتك اهم شيء تروح لواحد ممتاز وتثق فيه 

موفق يارب 

عموما قبل تشوي شي بالسيارة جرب هالطريقة وهي تعيد لك برمجة المصنع على حد علمي

1-فصل إصبع البطارية السالب فقط لمدة نصف ساعه ثم تركيبه في البطارية.

2- يتم وضع المفتاح في السويتش وتحريكه على وضع ON (بدون تشغيل) لمدة 10 ثواني ثم إرجاع المفتاح على وضع OFF لمدة 10 ثواني

3- الإنتظار 5 ثواني ثم تشغيل السيارة لمدة 5 دقائق ومن ثم إطفاؤها.

4- الإنتظار 5 ثواني ثم تشغيل السيارة مرة أخرى والتحرك فيها لمدة 10 دقايق بدون إشعال المكيف ، ثم بعد ذلك تقوم بإشعال المكيف، وبعدها إن شاء الله نقول رجعت السيارة لضبط المصنع.

ويمكن هالحركة تفكك من الخساير

ولو كان عندك اللمبة مولعة بالطبلون حقت الفحص فلزوم تفحص كمبيوتر لو جربت الحركة السابقة ومانفعت

وياليت تعلمني متى بدأت معك هالمشكلة

هل مثلا بعد تغيير البطارية !!!

آمل تزويدنا بالمستجدات وآسف على الإطالة

طيب منظم الهوا انظفه عند ميكانيكي ولا كهرباء ولي يعرف ورشة شغله كويس في صناعية ا لحمام ولا هنتوا