بخصوص الزنن - تفضل يَ المزيون ..

الزينون الصيني ما يدوم .. بعد سنه أو ازود شيء يمكن يخرب .. على حسب نوع وجودة الزينون والاستخدام
أهم شيء ركب كتاوت وفيوز للزينون .. الكتاوت ينظم الكهرباء والفيوز يحمي السياره من الإلتماس أو الإحتراق

اذا تبي تقوي نورك ركب ( ظفيرة كتاوت صفراء تايوانيه بمحلات الزينه بـ 45 أو 50 ريال + فيوزات + شمعات ألمانيه 70WATT للواطي )

لكن ترى الشمعات اللي واطها عالي جدا مثل 100WATT تأثر على الأسطب .. بسبب حرارتها الزائده
ممكن تخلي البلاستيك الشفاف حق الاسطب يذوب من الحراره


نجي للشيء الثاني ..

لا تنسى تلمع وتنظف أسطبات نورك .. واذا فيها غبار من الداخل فكّها ما أدري اذا فيها غراء حراري تقدر تفكه بإستشوار أو مسامير

لكن بعد ما تفكها أغسلها بماء بس ثم امسحها بمنديل ناعم مثل كلينكس .. عشان ما يخرب عاكس النور

وبعد ما تنتهي حط غراء ممتاز وقوي ويتحمل الحراره وخله ينشف لساعات .. اذا نشف ركبها بالسياره

وتأكد أن مافيه تهريب غبار من عند الشمعات أو الربلات اذا فيه ربلات


لأن لو تركب أقوى شمعات نور أو زينون .. واسطبات نورك مغبره جدا وحالتها حالها .. ما راح تستفيد من كامل قوة النور أو الزينون

يعني تنصحني اركب كم واط ؟؟

انا موب راعي خطوط ولا ابي ازعج احد بس نوري اصفر وضعييييف .. وعاجبني الزنن الابيض ..

انا مالي خبره بالطرق اللي قلتها .. توي جديد وعمري 17 ض1 ..

ولو يقعد سنه عـآدي بس عـآدي .. و ترا عليه ضمان سنه ..

وعليه مخالفه الزنن الواطي ؟

اذا تبي تريح راسك من وجع الراس

ركب زينون + فيوز وكتاوت + تلميع وتنظيف للاسطبات ( النور ) + يفضل توزن النورالواطي و تخليه فارش على الخط .. عشان تشوف الطريق زين ويكون واضح

اذكر اخذت مره ماركيز قديم 97 من واحد .. لكن تفآجأت ان النور العالي والواطي .. بمثل نور سيارتي الواطي ( أكورد )

والله العظيم أن كلامي ليس تعصب .. و عانيت من نور الماركيز لأنه ضعيف جدا

من ناحيه المخالفه .. ما أدري والله

طيب انت الحين تقول 100 واط يعدم الاسطب .. وش اركب 55 ولا 35 ولا كم ؟

أخوي اذا تبي تركب زنن ركبه في العالي يعني تشغله وقت الحاجه موب تركب العالي وتاذي الناس 

وبلنسبه للزنن خذ البوش الالماني ما بعدة الالماني 

 يكون بعلمك وتراه ممنوع 

طيب انت تتكلم عن العالي انا دآري انه ممنوع ..

بس الواطي ممنوع ؟

وماودي اركب الماني لان السياره بمشي فيها الحال لمدده سنه لانها اول سياره لي ..

واذا تبي تركب نور أصفر قوي

ركبت كتاوت صفراء تايوانيه زي ما قلت لك قبل + شمعات ألمانيه 70 واط للواطي واذا مالقيت 80 واط مع أنه كثير على الواطي

والعالي 90 أو 100 واط بالكثير ..

ظفيرة الكتاوت الصفراء التايوانيه .. تجي أفياش فك وركب يعني مافيه تقطيع ولا تجريح ولا شيء
وتشبك على البطاريه و يسحب الكهرباء منها .. أهم شيء نظّف أصابع البطاريه .. عشان يقدر يسحب الكتاوت كهرباء بشكل ممتاز ويعطيك اضاءه ممتازه

ولو تبي تفك الكتاوت بعدين .. تقدر تفكه بدون مشاكل .. لأنه بدون تقطيع وتجريح أسلاك


سعر ظفيرة الكتاوت الصفراء التايوانيه 45 أو 50 ريال

شمعة النور الواحد الألمانيه الأصليه 100واط أو 70 واط .. الحبه بـ 25 ريال تقريباً .. هذا بالنسبه للأكورد ما أدري عن الماركيز لأن شمعاتها اتوقع تختلف

التركيب يمكن 10 ريال أو 15 ريال


ولا تنسى تدعي لي ,, اذا اعجبك النور

الله يخليك لنـآ والله افدتني كثير بس آنـآ مصر ع الابيض ..

مشكور آخوي ..

اذا انت بالرياض روح الغرابي فيه محلات تركب لك عدسات وزينون أصلي ( هيلا )
بحدود 1300 ريال الى 1500
بس يطلع معك نوور يفرش الخط ومايعمي العالم زي حق المحلات

يعطيك العـآفيه ..

بس الحين ودي اعررررف كل انواع الزنن العالي والزنن الواطي عليه مخـآلفه ؟؟

سؤالي ذا لان ما معي رخصهه ..

لاتنسى وانا اخوك اذا يبي يعطيك ضمان سنه خلها ضمان 6 شهور على المحول و6 شهور على الشمعات

أبو عدسات ما عليه مخالفة لانه يطلع معك النور زي نور السيارات الفخمه لكن الزنن العادي عليه مخالفة 

انصحك بالعدسات احلي شكل وازين لك لان النور يتوزع 

طيب كلكم نصحتوه ب العدسات واهو مايعرف الفرق بينها وبين العادي نبدأ ب العادي
العادي يبث النور في كل مكان خاصة الزنن 
العدسآت والله ياخوك هي تجمع النور تجميع ممتاز تخليه سيده و فمكان محدد وزين لسائق السيارة اما على المخالفات الي هو يجهر الناس ويعميهم لكن انا ماقد شفت احد موقف ابوي لانه مركب زنن الماني بوش ممتاز جدا على سوناتا 2011 لكن الزنن افضل شي ابيض ثلجي نفس جيب اللكزس عسى الله يرزقنا واحد مثله واتمنى اني افدتك ياخوك واني ماكون كثرت عليك مع السلآمه 

صح كلام الأخ راكان
العدسات تجمع النور 
وترى الفورد من وكالته نوره ضعيف

العدسات ابيض ؟ وكم يكلف ؟

اول شي السلام عليكم 
انا ركبت عدسات لسيارتي وعلى حسب السياره اذا هي شمعه وحده خطين بيكون احسن انا ركبتها ب٥٠٠ مع زينون ٢٠٠ كلها ٧٠٠ مع التركيب وتضبط وياليت تحدد الموديل