أضف سؤال أو موضوع جديد          

قبل تظلم جارك أو الشخص اللي موقف سيارته حول بيتك

up 9 down 4
speed for ever 3705
قبل 6 سنه و 11 شهر



السلام عليكم ورحمة الله وبركاته

بدخل بالموضوع على طول عشان اوفر وقتكم ووقتي

فيه ناس تتضايق اذا احد وقف سيارته حول بيتهم .. ويتسرعون بالحكم .. وممكن يسون شيء للسياره

أولا : يمكن الشارع اللي عند بيتهم دحديره .. ويبي يعاير زيت المكينه أو القير .. لكن ما يقدر لازم أرض مستويه تماما عشان يقدر يعاير الزيت .. وقال مالي إلا أوقفها حول بيت جارنا فلان لأنهم طيبين ونعم ولو يصير شيء للسياره ما راح يخلونها ... يعني فزعات ويثق فيهم

ثانيا : الشوارع والأرض اللي حول بيتك ماهي مكتوبه بأسمك .. يعني لا تقعد تزعج الناس وتأذيهم على الفاضي

واذا هي مكتوبه بإسمك مثلا .. وره صك الملكيه .. وما راح يوقف مره ثانيه

ثالثا : قبل تسوي شيء للسياره كلّم الرجال وجه بوجه .. وقله أنك تضايقنا بالمواقف وسياراتنا كثيره والخ ...

أو على الأقل اكتب ورقه وثبتها زين بالسياره

وانا أبصم لك بالعشره انه بينحرج و ما راح يوقف مره ثانيه


اللي مب رجال يسوي شيء للسياره .. لأنه خايف يواجه وجه بوجه .. جبان

والله أنها مب مرجله أنك تحك السياره وتنحاش .. وبيدعي عليك ليل نهار .. والله بياخذ حقه منك بالدنيا والآخره

وكما تدين تدان .. يعني يجيك يوم مثل ما حكيت سياره فلان .. بيوم من الأيام يجيك احد يحك سيارتك


انا كلامي للي يوقف قليل جدا حول بيتكم .. عشان يعاير الزيت

لكن اللي دائما يوقف قدام بيتكم بالضبط ويضايقكم بالمواقف .. ما يستحي على وجهه

أحاديث صحيحه :

من كان يؤمن بالله واليوم الآخر فليحسن إلى جاره

من كان يؤمن بالله واليوم الآخر فلا يؤذِ جاره

{ حَدَّثَنَا قُتَيْبَةُ بْنُ سَعِيدٍ حَدَّثَنَا أَبُو الأَحْوَصِ عَنْ أَبِى حَصِينٍ عَنْ أَبِى صَالِحٍ عَنْ أَبِى هُرَيْرَةَ قَالَ قَالَ رَسُولُ اللَّهِ صلى الله عليه وسلم مَنْ كَانَ يُؤْمِنُ بِاللَّهِ وَالْيَوْمِ الآخِرِ فَلاَ يُؤْذِ جَارَهُ ، وَمَنْ كَانَ يُؤْمِنُ بِاللَّهِ وَالْيَوْمِ الآخِرِ فَلْيُكْرِمْ ضَيْفَهُ ، وَمَنْ كَانَ يُؤْمِنُ بِاللَّهِ وَالْيَوْمِ الآخِرِ فَلْيَقُلْ خَيْرًا أَوْ لِيَصْمُتْ . }








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بعضهم يكتب لك برقيه ويحطها على القزاز وانت اول مره توقف عندهم 


up 6 down 0
اهمد 1202
قبل 6 سنه و 11 شهر



والله انا عايدي 
واقفه مرسيدس حق جارنه له سنه 
وماقلتلو شي اشان عارف انه خربانه 
بس جاء قلي 
والله مره مافيه شي 
بس فيه  ناس اخلاقه تجاريه 


up 4 down 0
التـاجر الكـبير 503
قبل 6 سنه و 11 شهر



^^
عز الله ونعم بعتيبه .. بخصوص الموضوع وكلامك على متمه يَآصاحب االموضوع لكن فيه ناس ثقيلين دم لدرجة انهم 
يوقفون على بايكة البيت وعند الباب انا اكثر من مره القى سياره واقفه على باب البيت يعني بالله المره الاولى اعديها المره
الثانيه اكون سَمح وابلعها لكن السالفه كل يوم والثاني واقفين على الباب نفسه واحد من اخواني قام يحط اوراق على السياره
ممنوع الوقوف بس والله مافي فاايده المشكله انهم ضيوف عند جارنا ومهيب مره ولا مرتين داايم الدوم وليتهم يوقفون على
زاوية البيت او حول البيت لا على الباب،، هذا شيء يرفع الضغط لكن من الحيا الواحد يسكت وعلى قولة الشاعر
( الـجـار لا بــدّه مـقـفـي عـــن الـجــار   ... كــــلٍ بـجـيـرانـه يــعـــد الـوصـيـفــه ) يعني لابد من يوم بتفارق جارك وودك
بالسمعه الطيبه ..شكرآ ع آلموضوع +1


up 6 down 4
الالنتراوي 5152
قبل 6 سنه و 11 شهر



اهمد ههههههههههه حلوة البرقيه 



شيخ المعارض 40 ولد الله المستعانىلازم تنظيم النسل 
من وين ياكلهم ويسكنهم ماشاء الله عليه باين عليه انه 12 سلندر وتيربوا بعد 

اما الموضوع اخوي 
عندي في السكن اوقف سيارتي في نزله قوية اصحى صباح القى سيارتين ملحمة فيني من ورا وقدام ودي احتفل فيهم لكن ماباليد حيلة 


up 2 down 0
راااضي 2525
قبل 6 سنه و 11 شهر



والله انا مااشوف فيها شي عندي اخوي الكبير يسوي رجه لاشاف سياره قدام البيت انت اعطي اسباب انه وقف قدام البيت 1-يمكن شاف ضله بيستضل فيها سيارته 2-احتمال انه مافي سياره قدام البيت ووقف يحسب اهل البيت مسافرين ومافي سياره بتوقف 3-يمكن الرجال قال هذولي جيراني طيبين لو وقفت سيارتي عندهم مابيصير لها شي 4- يمكن كانت الحاره مزحومه ومايمديه يوقف سيارته الا قدام بيت جاره واللي بيتضايق من الموضوع على قولت اخوي اهمد يحط ورقه على القزاز ويحاول مايجرح صاحب السياره بالكلام انا قبل كم يوم كنت مستعجل وعندي مراجعه في المستشفى وقفت بموقف ودخلت شوي على الموقف اللي جنبي لقيت ورقه على القزاز مكتوب عليها(صفط السياره زين ياحيوان) هيا بالله عليكم هذا اسلوب !!


up 2 down 0
ينبع الصناعيه 106
قبل 6 سنه و 11 شهر



الي يضايق لما جارك عنده كذا سياره ومايبي يوقفها كلها عند بيته ويوقف بعض السيارات امام بيتك لكي تكون واجهة بيته مفتوح ب
دون سيارت هاذا الي يقهر لما تجي بتوقف سيارتك تحصل الموقف فيه سياره وتنجبر توقفها بعيد 


up 3 down 0
princ 18864
قبل 6 سنه و 11 شهر



احنا الحمد لله عادي تبي توقف امام بيتنا حتى اخواني الصغار متعودين  يارجال وش تبي ينقص منك اذا وقف امام منزلك والحين الناس اخلاق اذا شافك يقول اقدر اوقف يعني يأخذ اذن منك اذا شافك, س فيه قضيه ثانيه مثلاً اذا مريت من عند شارع سكني او حاره مره او مرتين الا تشوف المريض يوقفك يقول وش عندك تلف هنا هههههههههههه ليش حضر تجول ولا ممنوع منطقه عسكريه يعني هذا شارع وش عليك من اللي رايح من الجاي , مره كنت ابي اخذ صاحبي من عند بيتهم وعاد انا اعرف ان حارتهم وجيرانهم نفسيات الله لتبلانا المهم جيت وقفة عند البيت قال ان الحين مشغول 10 دقايق واخلص المهم خذيت لفه حول البيت الا النفسيه يأشر اتوقعه يبي مساعده شي اوقف الا يقول انت ايش عندك تلف اكثر من مره ههههههههههههههههه قالة نعم  ليكون بعد ازعجتك بتفحيط ولا شي  المهم امشي عنه واخليه هههههههههههههههه لاحول انا الصراحه اكره النوع هذا...,,,,,,,,,,,    


up 2 down 0
خطاي الشوق 2530
قبل 6 سنه و 11 شهر



بس بعض الجيران يتمادى مره على مره خوفك تجي يوم تلاقيه موقف بالحوش !


up 2 down 0
ريان-الجهني 736
قبل 6 سنه و 11 شهر



طيب واللي جنب بيتة دائرة حكومية وكل يوم يجي من دوامة مايلقى مواقف خير شر لا جنب البيت ولا حولة ؟؟!!!!!


up 1 down 0
ما بنكسر صابر 2689
قبل 6 سنه و 11 شهر



يعني اذاا وقف جارك قدام بيتكم بتنص منك يد ولا رجل .. والله حنا عندنا تقريبا 4 سيارات .. والمواقف قدام البيت على عدد السيارات
ومع كذاا جارنا مادري وش يبي هههههههههه لازم يوقف معانا قدام البيت ههههه

ولوو انوو فيه مواقف قدام بيته وشجر يستظل فيها وكمان صدم سيارتي قدام بيتنا
بس نتغافى من باب توصيه الرسوال صلى الله عليه وسلم
وصانا بسابع جار


والله الموفق





up 1 down 0
شسيبلاتنمكط 186
قبل 6 سنه و 11 شهر



لا والله خليه يوقف واذا ماوسعه الموقف افتح له الباب حق البيت .. بس للي يستاهل اما اللي مايستاهل والله لاحرقه اهو وسيارته


up 1 down 0
aboamani 1147
قبل 6 سنه و 11 شهر



وش صار اذا وقف جاري عند باب بيتي 
حياه الله واي وقت 
مافيها شي يوقف 
مع ان بعض الاحيان ما القى موقف للسيارتي 
بس عادي جاري وحياه الله اي وقت 
ما اشوف انها مشكله قويه
خله يرقد  عندي في البيت عادي 
بس اخلاق مهي زينه والله لاخليه يعرف ان الله حق 


up 0 down 0
sehly11 644
قبل 5 سنه و 12 شهر



اهم شي الاخلاق والاحترام

اذا كان جارك محترم ما عندك مشكلة


up 0 down 0
كيف الحااااال 103
قبل 5 سنه و 5 شهر



ياحبيبي الناس الحين صارت ماتستحي علي وجهها عندنا واحد موقف قدام مدخل البيت  وش اسوي فيه هذا صدق ناس ماتستحي علي وحجهها انا المشكله استحي اوقف عند بابهم حتي لو فيه زحمه اوقف بعيد 


up 0 down 0
2444
قبل 4 سنه و 7 شهر



المشكله توقف امام البيت سياره مجهوله تجلس اسبوع 
فلازم تبلغ عليها 


up 0 down 0
RoNyy 50
قبل سنه و 3 شهر