أضف سؤال أو موضوع جديد          

موضوع عن برمجة حساس الإطارات لليوكن والتاهو والاكسبلور

up 9 down 1
ماكسيما 2008 6739
قبل 6 سنه و 4 شهر



بسم الله الرحمن الرحيم

السلام عليكم ورحمة الله وبركاته

كالعادة وأنا أتصفح الويب وجدت عدة طرق لبرمجة حساس الكفرات وحبيت أنقلها لكم لعل وعسى أحد يستفيد منها

نبدأ:-

*** طريقة برمجة حساس الكفرات يوكن او تاهو2007 - 2012 :-

الطريقة الأولي:-

1- القير يكون في n

2 - ترص على الزرين في الريموت اللي يفتح الأبواب مع اللي يقفلها راح تسمع البوري ...

3- اول ما تسمع البوري ابدأ في الكفر الأمامي الأيسر اللي عند السواق ... طبعا تنسمه او تنفخه لين تسمع البوري ..

وبعدها باقي الكفرات على شكل عقارب الساعه يعني تبدأ من الأمامي الأيسر بعده الأمامي الأيمن وبعده الخلفي الأيمن واخيراً الخلفي الأيسر

ونفس الشي لازم تسمع البوري اربع مرات مره من كل كفر ...

اللمبة راح تظل شغال معاك بس انت عشق القير للـd واتوكل على الله وامش اذا كملت 3 الى 4 كيلو ما طفت اللمبة كل اللي عليك وقتها انك توقف وتطفي السيارة وتشغلها ....

الطريقة الثانية:-


لا تشغل السيارة بس فر السويتش لما يشتغل مركز معلومات السايق ..تضغط على الزر الثاني لما توصل لجملة ( اعادة ضبط الاطارات ) او tire relearning

عقب تسمع صوت الهرن ( البوري ) مرة وحدة .. تنزل من السيارة و تروح ( الكفر ) اليسار الامامي و راح تلاحظ ان لمبة السكان اليسار البرتقالية شغالة ( هذي علشان تعلمك اي كفر تبرمجه ) نفـّس على التاير او زيده هوا المهم ان في هوا يدخل او يطلع من البلف تقريبا من 15-20 ثانية لما تسمع صوت البوري ..

بعدين تروح للكفر الامامي اليمين و هم راح تشوف اللمبة اليمين شغالة و تكرر نفس العملية .. و بعدين الكفر الخلفي اليمين و بعدين الكفر الخلفي اليسار ..

اذا سمعت صوت البوري مرتين معناه العملية نجحت . بعدين تشغل السيارة و تتوكل على الله و طبعا لا تنسى تتأكد ان الهوا مضبوط ...

ملاحظة :-

حاب اوضح نقطه اليوكن slt يكون البرمجه نفس الطريقه ولاكن يكون بحركه x يعني تبداء بالكفر الايسر الامامي وبعدها الكفر الايمن وراءبعدها الكفر الايمن الامامي وبعده الخلفي يسار .

***طريقة برمجة من 2006 وتحت كالتالي

تطفي النور وتولعة بسرعة 3 او 4 مرات حتى تسمع دقت بوري وبعدين تعبي او تنسم الكفر الامامي يسار حتا تسمع صوت رنة بوري و بعده الكفر الامامي يمين وبعدة الخلفي يمين واخيرا الخلفي يسار كلها نفس الطريقة حتى تسمع رنة بوري بعدين تطفي السيارة وتشغل وتمشي مسافة حتى تُعاد قراءة الحساسات.

ملاحظة :-

إذا حساس الكفر خربان ماراح تختفي اللمبة

ـــــــــــــــــــــــــــــــــــــــــــــــــ

***برمجة حساس الكفرات لسيارات الاكسبلور من موديل 2005 ونازل:-

السيارة وهي بوضع الوقوف مطفيه نضع المفتاح ونديره الى وضع on قبل تشغيل السيارة وبشكل سريع ثلاث مرات

وبالرابعة دعسة على الفرامل 3-4 مرات تلك الطريقة ينطلق بوري عندئذ نترك المفتاح على الوضع on تظهر رسالة

بشاشة الطبلون معايرة حساس الكفرات لمدة 3 ثواني ثم تظهر رسالة أخرى بعدها ابدأ برمجة حساس الكفر الامامي اليسار

نأتي بمغنطيس يفضل كبير ومدور ونضعه حول بلف هواء الكفر حتى نسمع صوت بوري يعني ان برمجة حساس الكفر قد تمت بنجاح

بعد ذلك تاتي رسالى بالانتقال للكفر الامامي الايمن نقوم بنفس الخطوات السابقة ثم الخلفي الايمن حتى الكفر الخلفي اليسار

وفي كل مرة يجب ان ينطلق بوري وفي حال عدم سماع صوت البوري يكون حساس الكفر فيه مشكلة وحلها تبديله فقط واعادة خطوات

البرمجة في حال الانتهاء من الكفرات الاربعة تظهر رسالة ان عملية برمجة حساس الكفرات تمت بنجاح وفي حال وجود اي مشكلة

بأي حساس كفر تظهر رسالة عملية المعايرة او البرمجة فاشلة .

ــــــــــــــــــــــــــــــــــــــــــــــــ

وفي نهاية الموضوع أن آمل أن يستفيد الجميع ولاتنسوني من دعواتكم











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تسلم يا ذووووووووق ، الله يسعد ايامك


up 1 down 0
aziz..747.. 2421
قبل 6 سنه و 4 شهر



اخ ماكسيما عندك فكره عن برمجة الحساس للبليزر موديل 2007 فل كامل ؟


up 0 down 0
kaiser007 628
قبل 6 سنه و 4 شهر



مشكور يا المكس ولك احلى like ..


up 0 down 0
bassam alruwaili 150
قبل 6 سنه و 4 شهر



الله يعطيك العافية 


up 0 down 0
moohtaram
قبل 6 سنه و 4 شهر



مشكور والله انك ريحتني كنت شايل هم اللمبه لاني غيرت حساس جديد وباقي والعه الله يعطيك العافيه ويكثر من امثالك ولو تشوفلنا حل لمشكلة لمبه الايرباق 


up 0 down 0
sayeghim
قبل 4 سنه و 9 شهر



جربت الطريقتين مع السييرا 2011 مانفع 
عداد القراءة للكفرات بالطبلون مصفر


up 0 down 0
dos2000 1
قبل 4 سنه و 8 شهر



سلام عليكم
ياخوان عندي تاهو ٢٠٠٧ مشكلته يطلع في الشاشه يجب اصلاح مساعد التوقف واللمبه abs شغاله مالها برمجه ولكم جزيل الشكر


up 0 down 0
الجنوبي-07
قبل 4 سنه و 4 شهر



سويت الطريقه لكن تطلع لي رساله يجب تصليح مراقبه الإطارات وسويت الطريقه عند اول كفر تبرمج وبعدها ما نفعت معي الخطوات اذا في طريقه احدد اي حساس خربان 
تحياتي للجميع


up 0 down 0
al 3oomda 75
قبل 4 سنه و 4 شهر



شباب انتظر ردودكم


up 0 down 0
al 3oomda 75
قبل 4 سنه و 4 شهر



al 3oomda 

آخر حساس وقفت عنده هو الخربان.

أول حساس كويس لكن الثاني خربان، والثالث والرابع ما راح تتبرمج حتى تصلح الثاني.


المرسيدس بانوراما وشلون البرمجة


up 0 down 0
rashed100
قبل 3 سنه و 11 شهر



فعلا نتيجة البرمجة صحيحة ميه بالمية جزاك الله كل الخير 


up 0 down 0
الدكتور الحسامي
قبل 3 سنه و 6 شهر



يعطيك العافيه..  بجرب هالطريقة وان شاء الله تنفع 


up 0 down 0
almzn3e
قبل 3 سنه و 4 شهر



                                                                                                                                                                                                                               


up 0 down 0
ابو يوسف ومريم -2
قبل 3 سنه و 4 شهر



سوال لاهنت
الطريقه الاولى السياره تكون شغاله او طافيه او شغال الناريه بس يعني دقه وحده

ويعطيك العافيه 


up 0 down 0
abo_wlid -3
قبل 3 سنه و 3 شهر



اذا صار الجمس ماله ريموت ؟
عندي حوض ستاندر بدون ريموت ولا شاشة معلومات تظهر معلومات الكفرات .. هذا كيف اقدر اطلع ضغط الاطارات او اربط الحساسات في الشاشة الصينية بالطبلون ؟


up 0 down 0
رحـ العاصفة ـيل 63
قبل 2 سنه و 6 شهر



طريقة الاولى جربتها وضبطت مشكووور يالغالي 


up 0 down 0
ahmed alshammari30
قبل 2 سنه و 4 شهر



عندي صوت في الكفرات واذا لفيت يمين او يسار يروح الصوت علما توني مغير الكفرات


up 0 down 0
رياض شاهر
قبل سنه و 9 شهر



عندي صوت في الكفرات واذا لفيت يمين او يسار يروح الصوت علما توني مغير الكفرات


up 0 down 0
رياض شاهر
قبل سنه و 9 شهر



اخوان طريقة برمجة الهوندا اكورد ٢٠١٧غيرت جنوط وولعت اللمبه


up 0 down 0
ابوحمد999 100
قبل سنه و 8 شهر