أضف سؤال أو موضوع جديد          

وش تستخدم بنزين 95 أو 91 ؟ شاركنا

up 19 down 7
speed for ever 3705
قبل 6 سنه و 11 شهر



السلام عليكم ورحمة الله وبركاته

الموضوع باختصار وش تستخدم بنزين 95 أو 91 ؟ وياليت تذكر نوع وموديل السياره

واذا كنت تستخدم 95 .. ليش تستخدم 95 ؟؟ هل تعاني من مشاكل مع بنزين 91 مثلا تفتفه أو تكتكه .. أم مجرد وسوسه وخوف وحرص زائد ؟؟

طبعا اللي يستخدم 91 .. معروف ليش يستخدمه لأنه أرخص .. أو سيارته ما تحتاج أكثر من 91 .. يعني ما يبي لها سؤال أو ذكاء

انا اعبي احيانا 95 من باب الوسوسه واحيانا 91 .. فرق السعر بينهم تقريبا 9 ريال في كل تعبئة بنزين .. وفرق السعر يختلف حسب سعة تانكي بنزين السياره

فيه ناس ما تفرق معهم الـ 9 ريال

وفيه ناس تفرق معهم :

مثلا تجيب له ( 2 شاورما + 2 بيبسي = 9 ريال )

أو أو أو الخ ...

شاركنا ... هل تفرق معك 9 ريال ؟ و وش راح تسوي فيها ( وش تجيب لك الـ 9 ريال ) ؟


خل نفكر بطريقه اقتصاديه :

تقريبا كل فل تانكي يمشيك 500 أو550 كيلو اذا كنت راعي سرعه ودعس .. و تمشيك أكثر اذا سواقتك هادئه .. طبعا الكلام هذا اذا كنت تسوق داخل المدينه
الخطوط أقل صرفيه يعني تمشيك أكثر

بنزين الأكورد 4 سلندر :

سعر فل بنزين 91 .. 23 ريال .. اذا كان التانكي فااااضي ومولعه لمبة البنزين وحول تطفى السياره
سعر فل بنزين 95 .. 32 ريال .. اذا كان التانكي فااااضي ومولعه لمبة البنزين وحول تطفى السياره

فرق السعر 9 ريال

لكن خل نحسب كل 500 كيلو .. عشان يكون أسهل بالحساب ويصير الناتج أسهل .. لأني ما أحب الرياضيات

يعني كل 10 آلاف كيلو .. تقريبا تعبي بنزين 20 مره

9 ريال × 20 = 180 ريال < فرق السعر عن 91

وكل 100 ألف = 1800 ريال < فرق السعر عن 91

وكل 300 ألف = 5400 ريال < فرق السعر عن 91

يعني اذا مشت سيارتي 300 ألف كيلو .. وانا استخدم 91 .. بيكون مجموع سعر البنزين 13800 ريال

واذا 95 .. بيكون مجموع سعر البنزين 19200 ريال

الفرق 5400 ريال .. ممكن تجيب مكينه مستعمله و نظيفه من التشليح

يعني بعد ما تكرف سيارتك لمدة 300 ألف مع استخدام 91 .. فرق السعر بين 91 و95 يجيب لك مكينه مستعمله ونظيفه .. وتكرف السياره أكثر وأكثر وأكثر .. يعني تكمل مسيرتك معها

انا اتكلم عن المكاين الصغيره 4 سلندر .. المكاين الكبيره V6 و V8 .. والمكاين القويه مثل فتك الباترول .. اتوقع أغلى بكثير من الـ 4 سلندر








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يا اخي الموضوع بعيد كل البعد عن 9 ريال الموضوع علم كل واحد يشوف ايش نوع سيارته والا بيدفع تغيير طرمبة بنزين وبيتعطل ع شان يوفر 9 ريال واهم شيئ ما يروح للميكانيكية بها البلد لانهم بالنسبة الي اسوء من اليهود ولا واحد فيهم بيخاف ربه ومن كل الجنسيات فلا تخالف تعليمات صانع السيارة وافتك من الصيانه كان معكم اخوكم دكتور سوري وسيارتي مرسيديس C240 مديل 2001 وانا لن اسمح لاي كلب من الميكانيكية بها لبلد ان يلمس سيارتي لا بارك الله لهم واعذروني لاني ملدوع منهم


up 1 down 2
lourance alhameed 10
قبل 6 سنه و 9 شهر



الخلاصه شف كتالوج سيارتك وش يقول واتبعه  وانت والميكانيكي مو راح يكون افهم من الشركة المصنعه لسيارة 


up 0 down 0
ابو علي 1 1010
قبل 6 سنه و 9 شهر