أضف سؤال أو موضوع جديد          

نصيحة أخوية لمن يرغب بالشراء من صالة

up 7 down 3
naac 2388
قبل 6 سنه و 4 شهر



السلام عليكم ورحمة الله وبركاته 

ما داعاني لكتابة هذا الموضوع هو اعتقاد بعض الناس بأن السيارات المستوردة في الصالات نظيفة 
وللأسف هذه النظرية متفشية عند ناس كثيرين 
والسبب الثاني هي الأسعار الفلكية في هذي الصالات مما يشعرك بأنك مقبل على شراء سيارة
جديدة وليست مستعملة 

بعض الناس عنده استعداد يزود على قيمة السيارة الفعلية 10000 أو أكثر لمجرد
انها معروضة في صالة بحجة ان الصالة ما تشتري الا نظيف ؟؟؟؟

وقفت بنفسي على سيارات البيان الجديد 
سياراتهم بنسبة 95% غير سليمة وفيها رش وبعضها تحس انهم مسوينها عند "مليّس" مب ورشة من
كثر مافيها من معجون

طبعا الصالات تشتري من مزادات كوبارت وغيرها من المزادات والكل يعرف موقع كوبارت وشو ؟؟
موقع كوبارت ما يبيع الا سيارت مصدومة أو متعطلة أو غرقانة أو مسروقة وتم ايجادها
وطبعاً الاسعار رخيصة يعني مثلاً سيارة مصدومة أو متعطله في المزاد بـ 6500 (تقريبا 25 ألف ريال)
 دولار والسليم منها يسوى 50 ألف أكيد راعي الصالة بيشتري المصدومه ويصلحها ويبيعها بـ 60 ألف
 لأنه هو تاجر في النهاية تهمه مصلحته، وفيه في المزاد سيارات مخبطة قيورها ومكاينها وتباع برخيص 

وبما ان الغرقان والبوليسي مايدخل صاروا حقين الصالات يكبون علينا
من المصدوم المصلح في الامارات وامريكا وفيه بعض الصالات يشترون السيارة في امريكا
ويصلحونها هناك ويدخلونها عن طريق الدمام أو جده

واغلب الصالات يستوردون سياراتهم للامارات لأن الامارات تسمح بدخول السيارات المصدومة 
ويصلحونها في الامارات تصليح أي كلام وتدخل السعودية وبعدين يودونها لورشهم الخاصة

الي يبي سيارة امريكية يستوردها بنفسه أو على الاقل من شخص يعرفه يستوردها له 
واتركوا عنكم نصب الصالات والشريطية 

لا أعمم على كل الصالات ولكن للأسف الغالبية الساحقة منهم على هالطريقة 

لذلك أنصح من يريد الشراء من صالة يرووح للمعارض لأنها نفس الشي
الي بتلقاه في المعارض بتلقاه في الصالات بفرق سعر كبير 

ولا يغرونكم بالضمان "الوهمي" الي ما يشمل شي 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وربي كل كلمه كتبتها صادق فيها وابشرك معجون صلصال


up 5 down 0



فيه بعض الصالات اسعارها معقوله وفيها ضمان 3 سنوات على القير والمكينة والدفرنس.


(البيان الجديد) دورت تاهو لأخوي اسعارها جداً معقوله قدام الموقع والشريطية .وعلى الضمان


up 2 down 0
راااضي 2528
قبل 6 سنه و 4 شهر



من يخاويني نهاجر من هالبلد  خلاص يبلادي بنقطع عليك عهد  عقب ماكنت عايش فيك اسد  صارت القطاوه  تلعب فيك يابلادي   صرنا نشتكي من الضلم والناس تقول عادي  لا بيت وﻻ وضيفه واﻻجنبي سار تاجر في البلد   اسلم يراعي الترحال دربك طويل ولتعلم بدربك احد 
مع تحيات مواطن سار تحفه في البلد


up 5 down 3
اهمد 1206
قبل 6 سنه و 4 شهر



اخوي راااضي

نصيحة 
اغلب سيارات البيان الجديد مب نظيفة 
فيه واحد كان يبي يشتري اكسبدشن منهم 

رحت شفته له والله العظيم فيه معجون في التنده فوق القزازة لو طقيته كنك طاق بلاستك من كثر السماكه الي فيه 
غير الرش الي في الكبوت شغل عليمية 

واغلب الصالات ضمانهم اي كلام 
والدليل لو قلت لهم مابي ضمان شوف كم بينقصون لك من السعر 

500 ريال فقط ان كثرت 

يعني وش هالضمان الي على الجير والدفرنس بـ 500 ريال 


up 3 down 1
naac 2388
قبل 6 سنه و 4 شهر



كلامك صحيح فيه النظيف وفيه المضروب والقانون لا ....

شريت فورد 2000

ماركيز 2007

ماركيز 2006

ماركيز 2007 لخوي

فورد 2006 لصاحبي  وكل الي شريته نظيف ومحد شكى منه 

وانت بنفسك قلت انها غاليه وتفرق عن السوق ب 10 الالف وهذا دليل انه السياره المستورده غاليه لانها نظيفه

لان النظيف فامريكا غاااااالي وانا متابع للمواقع الامريكيه سواء المصدوم او النظيف

ووجدت انه النظيف غاااالي حيل  والمصدوم اسعارها طايحه حيل 

لذلك التاجر يوم يجيب مستورد نظيف اكيد بيرفع السعر عشان يطلع حق مكسبه ومستحيل يطلع مكسب  2000   !!

وانا قبل فتره كنت افرفر قالمواقع ولقيت فورد نظيف وسئلت احد المستوردين قلت لو تجيبه كم يطلع لي  ؟

2008   مع التكاليف وكل شي واصل السعوديه طلع ب73 الف !!!

لذلك اذا لقيت سياره مستورده غاليه جدا وطلب تقرير الكارفكس والاوتو شك وفحصت على الطبيعه وطلعت نظيفه

اعرف انه السياره ورده

اما اذا لقيت سياره مديلها حديث وسرعها رخيص ابتعد عنها

وللعلم الرجال اللي يستورد وقالي الفورد ب73  !!!

قلي بنفسه عندي فوردين مديلات احدث وارخص ومن ضمنها مديل 2010 فحدود ال 65 

يعني الرجال كان صريح معاي وقلي تبي فوردات من اللي عندي تراها ارخص ومديل احدث


تبي سياره نظيفه  ادفع الفرق ياحبيبي والنظيف قيمته فيه

الكلام هذه قبل فتره قريبه جدا ولازال رده موجود عندي




والله ماعاد في ثقة حتى في الماء اللي نشربه لكن الشكوى لغير الله مذله والشريطية عليهم غضب الله


up 4 down 0
كبار الشخصيات -16
قبل 6 سنه و 4 شهر



اخوي شاقح 
انا ما عممت على كل الصالات

لكن نقلت لك تجربتي في صالة البيان الجديد 
ومعروف ان النظيف في امريكا غاااالي 

لذلك الي يفهم في السيارات ويبي يشتري بيقدر يخارج نفسه ويحصل موتر نظيف حتى لو كان غالي 
لأن الزين يستاهل 

لكن الغير مقبول ان الشين يصير بسعر الزين هذا اعتراضي 
وانا قد شريت من رجال يستورد من امريكا فورد صحيح غالي لكن شريته على نظرتي وقناعتي بان الموتر نظيف
والموتر كمل معي خمس سنوات بلا مشاكل 

لكن المساكين الي ماشين على السمعة بيطيحون في سيارات مضروبه

ولعلمك اخوي شاقح 
الصالات الي تشتري السيارات الامريكية من بائعين عاديين أو معارض في امريكا قليلة لأن المكسب راح يكون 2000
أو 3000 ولا تنسى وراه مصاريف 

لكن الي تشتري من المزادات أقل مكسب ممكن يتحقق 8000 وهنا المشكلة 
أشتري موتر شييين بسعر موتر زيين 



up 2 down 1
naac 2388
قبل 6 سنه و 4 شهر



والله هذه مشكلتنا شعب غريب اذا السعر غالي قلنا نظيف واذا السعر وسط او رخيص قلنا مهو نظيف والشريطيه استغلونا أسوأ استغلال كم من واحد اشترا غالي وانضحك عليه وطلع مو نظيف الحل انه حتي لو تاكدنا بعد الفحص انه نظيف يجب علينا ان نشتري بالسعر المعقول الي يتناسب مع الموديل والممشى والمواصفات لا احد يلعب علينا بمقولة النظيف غالي وسعره فيه. 


up 0 down 0
ban123 898
قبل 6 سنه و 4 شهر



بس ترى مو كل المعارض في معارض راقيه و سياراتهم ممتازه 


up 0 down 0
salmanalotaibii 1155
قبل 6 سنه و 4 شهر



اللى اشوفه غباء من الشعب اذا مافتحوا عيونهم يستاهلوا ينسرقوا بصراحه ..خلاص داخلين 2013


وعادهم يشتروا سيارات امريكيه بدون تقارير ..

عاد وشنقولهم اكثر من كذا ..قلنا بدل عشره ..مليون مره فيه تقارير لكن مايفهموا
والقانون لا يحمي المغفل




up 1 down 0
عاشق كولا 302
قبل 6 سنه و 4 شهر



والله اللي يشتري فورد 2008 ب 73 الف ريال اسمح لي اطلق عليه لقب مغفل سلامات وين عايشين ووين العقول؟!


up 1 down 1
ماكسيما 2008 6739
قبل 6 سنه و 4 شهر



اللي بيشتري سيارة مستوردة أنصحوا ياخذ رقم الشاص ويروح موقع كارفاكس ويطلع تقرير عن السيارة عشاان يتأكد من سلامة السيارة 
ويتجنب الاستغفال من أصحاب السيارات المستوردة سواء صالة أو معرض أو ملك لشخص 


up 0 down 0
ماكلارين 663
قبل 6 سنه و 4 شهر



ياكثرررررررهم ياخوي تفتح الباب تلقى اللون اسود والسياره كحلي ...!! سلامااااااااااااااااااااااات ويقول مو مرشوشة

ومره شفت ماركيز 2004 يحلف بالله ويكرر حلفه ان ماجاها رش والكبوت والشنطه كلها مرشوشة رش محسوس وواااااضح

والقهر كان سعر ال 2003 بالمعارض 30 وبالصاله 45 .!!

واخوي احد ضحايا الصالات بسلفرادو شراه بحدود الستين
كان يبرق برررق ويقولون لنا ان القزاز اللي ورا معلق بس

الزبده

بعد سنة وشوي

بدا يتقشر لون الطبلون وطلع الطبلون مرشوش ومرمم بالفيبر قلاس

والسياره مقلوبة على جنبها الايمن والتنده ماتعدلت زي الناس

والحين لو ينباع مايجيب 20 الف "


up 1 down 0
YASSER505 4165
قبل 6 سنه و 4 شهر



شوف ياغالي الصالات كان الربح فيها زمان يوم كان اغلب الشعب السعودي مغفل ويشترون من عندهم وكانو الصالات يجيبون سيارات مصدومه ويصلحونها بالامارات ويجيبونها ومازالت بعض الصالت على هذا النظام وبعدها اتجهو الصالات الى تغيير العداد بحيث ان السيارات في امريكا اللي ماشيه واجد اغلبها لسيارات تكاسي مشاوير بعيده هاي ويي وسعرها طااايح حيييل وهذا اللي شغال فيه السلام الان واغلب الصالات والدليل تلقا المواصفات عندهم استاندر اذا تبي مستورد استورد بنفسك او خذ ولكن على الفحص وتقرير الكارفكس لكن حط ي امريكا في بالك مثلاً الفكتويا في امريكا 2011 يوصل عندك مثلاً 65 واذا بالصاله بتلقاه ب 70 فكذا كويس لازم يكون عندك وعي بالسعر في امريكا وبين السعر هنا بالصالات


up 0 down 0
شكلين مابحكي 3156
قبل 6 سنه و 4 شهر



حالياً في كارافكس يبين لك اذا العداد ملعوب فيه او لا . ثانياً يوضح الولايه المصدره للسياره ( وهذه مهمه جداً حيث تبين هل هي قريببه من اجواءنا او لا) وعموما معظمهم متعاملين مع الديلرز ثابت لديهم في ولايات معينه
ثالثاً تستطيع فحص السياره ب١٠٠ ريال يوضح الرش والسمكره رابعاً ضمان وما ضمان شخصياً مانصح فيه اذا مشي الموتر اقل من ٥٠ الف ميل
سادساً اشتري من صاله ولا اشتري من معرض لان الصاله خبره طويله في هالشغله
خامساً الناس تطوروا وخلاص الصالات بدت تفهم اللعب ولا زمانه وصاروا يحاولون تكون سياراتهم نظيفه
واخيراً سلامتكم جميعاً


up 0 down 0
ls400_2000 1
قبل 6 سنه و 4 شهر



وبعدين عن تجربه فورد٢٠١١ كراون فكتوريا نفس اللون ونفس المشي بنفس السعر في الصاله او المعرض
من ٧٣ الي ٧٥ 


up 0 down 0
ls400_2000 1
قبل 6 سنه و 4 شهر



رد اخوي شاقح عين الصواب وازيدك من البيت شعر اتحداك تحصل معرض او صاله تعرض فورد كراون فكتوريا ب ٧٥ الف الا ويكون سياره تاجير وافحص كارفكس ويبين كلامي
اما سيارات استخدام شخصي في امريكا اغلى من عندك بشكل فضيع وغير كذا شوف كل الكراون فكتوريا في السوق هنا ماتتعدي مشيها ٣٣ الف ميل 
ومشيها تقريبا متقارب ماذا تفهم من ذالك؟
ولماذا الماركيز والجموس مشيها مختلف عن بعضها نفس الموديل
لماذا الفكتوريا الوحيد اللي مشيها تقريبا موحد؟؟
اتمني من كل عاقل يحاوبني


up 0 down 0
ls400_2000 1
قبل 6 سنه و 4 شهر



تعديل من الشعر بيت وليس من البيت شعر ههههه اسف جداً


up 0 down 1
ls400_2000 1
قبل 6 سنه و 4 شهر