حسبنا الله ونعم الوكيل - قلنا لكم لاتعطونهم الفلوس قبل النقل
8
3
إضغط هنا للإخفاء
السلام عليكم يا اخوان هذا موضوع لاحد الاخوه المساكين اللي اعطوا الفلوس للبائع قبل النقل وطلع البائع سربوت وعليه تعاميم وتفحيط ومانقلوها له ويوم كلمه بخصوصها جلس يسبه هذي قصته منقوووووووووووووووووووووووله من الموقع
بسم الله الرحمن الرحيم أسعد الله جميع أوقاتكم بكل خير وبركه
وتقبل الله منا ومنكم صالح الأعمال وجمعه مباركه علينا وعليكم أخواني أعضاء منتدى موقع حراج لكم مني كل الاحترام والتقدير الموضوع ومافيه: خدمه أنسانيه ودعوه في ظهر الغيب والله العظيم أنا رجال موكل من نااااس أييتام فالجنوب بأني أشتريلهم سيارة من نوع ددسن يترزقون الله فيها خضار ولا أي شغله راح يشتغلونها المهم يبون يترزقون الله وأنا والله العظيم أني جلست تقريبا حوالي الشهر في معارض الدمام ابحثلهم عن هالسيارة ولاتاخرت الا ابي اجيب لهم سيارة تجملني فيها ولا أبي أدخل شي في ذمتي دام أنهم وثقو فيني وشريت السيارة وفحصتها و جلست معي لاني شاريها الاربعاء والمرور زحمه ولا تنقل الا يوم السبت سجلت المبايعه وعطيت الرجال فلوسه 35500 ألف وتأمين ومعارض ونقل يعني حوالي 36ألف المهم استلم فلوسه أبو راعي السيارة لان راعي السيارة ولد شباب وسلمت أبوه الفلوس شايب كبير
ويوم جاء يوم السبت رحت للمرور أبي أنقلها طلع راعي السيارة عليه إيقاف خدمات من المرور قلت وش السالفه قالي عليه تفحيط قطع أشاره قلت طيب في هالحاله أنا وش ذنبي انا شاري السيارة من الرجال والرجال أستلم فلوسه وراح وأنا الحين وش الطريقة الي أقدر أسويه قالي يجي راعي السيارة وتحجز سيارته فالحجز وهو فالتوقيف تحجز لمدة شهر وراعيها تقريبا حوالي أسبوع المهم كلمت راعي السيارة طلع أدمي أخلاقة غير حلوه وبس يتلكم ويسب ولايتجاوب معي ولا يبي يروح التوقيف المهم كلمت أبوه وقلتله ياعم أنا ما عاد أبي السيارة رجعو سيارتكم وعطوني فلوسي لان الفلوس والله العظيم أنا صادق أمام ربي أنها لناس أيتام قلت رجع حقهم وخذ سيارتكم وتصرفو معاها تحجزونها ولا تخلونها بكيفكم أهم شي نخلص من هالمشكلة أبوه قال والله ياعلي الفلوس الي خذينها من عندك شرينا للولد سيارة وهي معه الحين ولا عندنا فلوس نردها لك والحيين والله من تاريخ 7/1/1434 الى اليوم ولاصار معي أي شي لاهم الي رجعو فلوسي ولاهم الي أستجوبو معاي
وأوراقي كلها رسميه من المبايعه وصورة البائع والمشتري والتأمين وكل شي جاهز وبس حسبنا الله ونعم الوكيل تكفوون يالي فالمرور أبي مساعدتكم ولا الي يعرف أحد دخيلكم ساعدوني ورب الكعبه لدعيله وخليهم يدعون له الي بيساعدهم ولالكم الا الاجر والثواب من الله سبحانه وتعالى وصلى الله على نبينا محمد وعلى أله وصحبه أجمعين
. أخوكم : علي الحلافي
رابط الاعلان http://haraj.com.sa/111635228/
منقووووووووووووووول
إبلاغ
سيارات للبيع
الردود
ان المعرض يحجز الفلوس ل حد ما يتم النقل ولا يسلم مالك السيارة اي ريال الا بعد ان يتم النقل غير كذا صاحب المعرض مسئول بس كيف سلمت البائع الفلوس
وكيف المعرض عطاك السيارة وهي لم تنقل شي غريب
0
0
ولا شك أن صاحب القرار بيده حل
قبل 4 سنه و 8 شهر