زيت 5W20 غير مناسب للشرق الأوسط .. من الكتالوج

12 4

لايمكنك التصويت حتى الحصول على 20 نقطة على الأقل
إضغط هنا للإخفاء

speed for ever 3708
قبل 11 سنه و 4 شهر

السلام عليكم ورحمة الله وبركاته

الموضوع مهم وفيه :
* استخدام زيت 5W20 في الشرق الأوسط .
* سبب استخدام زيت 5W20 أو الزيوت الخفيفه عند الأجانب .
* تأثير لزوجة الزيت على صرفية البنزين .
* السيارات القديمه أو اللي ماشيه كثير هل ينفع لها زيت خفيف
* والخ ...


نصيحة لوجه الله .. يا أخوان لزوجة 5W20 ما تنفع للشرق الأوسط ( واذا ما صدقتني أقرأ كتالوج سيارتك .. مكتوب لا تستخدم زيت 5W20 في الشرق الأوسط )

5W20 يستخدمونها في المناطق البارده جدا جدا ( ثلوج ) .. أو عشان يقللون صرفية البنزين قدر الإمكان

الناس اللي يشترون سيارات من امريكا .. يكون مكتوب على غطاء الزيت 5W20 وبالكتالوج 5W20 .. لأن لزوجة الزيت الخفيف تقلل صرف البنزين .. والبنزين في امريكا وغيرها من الدول الأجنبيه ( غالي جدا جدا جدا جدا جدا جدا والله العظيم ما أكذب عليكم ) ..وحنا الحمد لله على نعمة رخص البنزين ( حماية المكينه أهم من صرف البنزين لأنه رخيص جدا جدا جدا جدا )

ترى الزيت يخف و يسيح مع الحراره ويثقل وممكن يتجمد في الدول اللي فيها ثلوج وبارده جدا جدا جدا
يعني لو تستخدم زيت 20W50 في منطقة بارده جدا وثلوج والخ ... ممكن يتجمد الزيت أو على الأقل بيصير ثقيل جدا جدا جدا ويتأخر ما يتوزع على المكينه

اذا مكينتك نظيفه استخدم بالشتاء 10W30 وبالصيف 10W40 أو 15W40 أو 20W50 < اذا مسموح بلزوجة 20W50 بكتالوج سيارتك

لزوجة 10W40 ممتازه جدا شتاء وصيف ولكن المشكله أن اللزوجه هذي غير منتشره

والسيارات اللي ماشيه كثير جدا ما ينفع لها الزيت الخفيف 10W30 .. لأن المكينه متوسعه وفيها فضاوة بسبب كثرة استخدام السيارة ( السبايك وغيرها ) وجلد البلوف تكون منتهيه .. والزيت الثقيل يملىء هذا التوسع والفراغ ويخفف من المشكله .. ويخفف من مشكلة جلد البلوف ويمكن تروح المشكلة باستخدام الزيت الثقيل .. ولو عندك انخفاض شديد بضغط الزيت ( الزيت الثقيل يرفع ضغط الزيت لوضعه الطبيعي ) .. ايضا اذا تشتكي من نقص الزيت بشكل كبير مع أن ما عندك تهريب أبداً أبداً ( زيت 20W50 يحل المشكلة )

اللي سيارته شاريها من أمريكا يكون مكتوب على غطاء الزيت لزوجة 5W20 أو غيرها .. مناسبه لأجوائهم وظروف القياده عندهم + تساعد على توفير البنزين لأنها خفيفه جدا + يهتمون بصرفية البنزين بشكل كبير جدا

لكن السيارات الثانيه مثل اللي عندنا مافيه لزوجه مكتوبة على غطاء الزيت .. أقرأ كتالوج سيارتك واختر اللزوجه حسب حرارة الجو

رجاءاً لا يجي احد يتفلسف علي وهو ما قرأ كتالوج سيارته و يقول حرارة الجو مالها دخل
طبعا لا تجيب كتالوج سياره مشتريها من امريكا .. لأنهم يستخدمون لزوجه معينة بسبب سعر البنزين الغالي جدا جدا جدا بالدول الأخرى مثل امريكا وغيرها .. ويحاولون يقللون صرفية البنزين بكل الطرق والوسائل

اللزوجه الخفيفه جدا مثل 5W20 حمايتها للمكينه أقل بكثير من 10W30 و 10W40 وغيرها

لكن كل ما كان الزيت أخف .. تقل صرفية البنزين

وصرفية البنزين عندهم أهم من المكينه .. لأن البنزين عندهم غالي جدا جدا جدا جدا جدا

حنا الحمد لله سعر البنزين رخيص جدا جدا جدا جدا جدا .. ويارب يدوم عندنا رخص البنزين .. والمكينه عندنا أهم من صرفية البنزين

ترى مواتر وسيارات الناس مب لعبه .. وأي معلومه خاطئه تضر بها غيرك
بيحاسبك الله عليها .. وبيدعي عليك فلان وعلان لأنك وهقته بالزيت
واذا الواحد ما يدري يبري ذمته ويقول ما أدري

وأنا أعطيكم معلومات صحيحه بعد بحث طويل ( تجارب - مواقع انجليزيه وعربيه - الخ ... ) .. ولا لي أي مصلحة سواءا إستخدمت زيت ثقيل أو زيت مناسب أو زيت خفيف جدا أو الخ ...
وكتابة الموضوع أخذت من وقتي الكثير .. لكن اهم شيء أوضح الحقيقه وأفيد أخواني الأعضاء والقراء

تخيل تعبي بنزين فل بـ 350 ريال أو أكثر !! مع الوقت بتجيب لك مكينه نظيفه جدا جدا من التشليح .. وبتقول طز بمكينتك الحاليه .. أهم شيء تقلل صرف البنزين بكل الطرق والوسائل ( زيت خفيف جدا جدا - والخ ... )

والأجانب يحسدونا على رخص البنزين

نصيحه :
الوسوسه الزائده والمبالغ فيها تؤدي إلى نتائج عكسيه .. مثلا تمشي 20 بشارع سريع يجي واحد مسرع ويصدمك

والله العظيم يا أخوان أني أبي لكم الخير .. ومكاين سياراتكم أعتبرها مثل مكينتي وأهتم به و أخاف عليها .. وكتبت الموضوع هذا لأن فيه أعضاء ينصحون بزيت 5W20

إبلاغ

الردود