أضف سؤال أو موضوع جديد          

خلصنا تمرين السياره وهذي النتيجه

up 29 down 26



اليوم خلصت تمرين السياره وتعديت ال 1000 كيلو وهذي التجربه ونتايجها


طبعا من الرياض الى الخرج لحد حرض ورجعت


السياره غير راسيه والهوى يلعب فيها اذا مرت من جنبك شاحنه


الطريق اذا كان سيد واحد وجيت تتجاوز تاكد انه مافيه عزم ولازم تشد لحد ماتفجر المكينه عشان تلحق التجاوز قبل ماتجيك سياره مقابلك


الكل يعرف طريق الخرج الى حرض فيه اوصال لازالت سيد واحد ومكسره ومحفره وغير مستويه وكانت النتجه طلعت حذفيه خفيفه فالسياره بسببها !!!


السياره وقت السفر تكسر الظهر كسر


الانوار اضائتها ممتازه جدا جدا خصوصا العالي ماشاءالله تبارك الله


انصح بالسياره للاستخدام داخل المدينه فقط


اكسنت 2013 مكينه 1.6







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شاقح صدقت 

 وانا جربت السكودا فابيا ، طبعا السكودا تشيكيه ولكنها تحت مظلة فولكس واجن من التسعينات 

 سقتها والى الحين مندهش ، مكينة ١.٤ لكن نشيطه ، شكلها نظام بخاخ مباشر والله أعلم  
رااااااسية وممتعه ، ومتينه  

 الياباني صار ميزته مجرد كرف فقط ط ط ط 


up 1 down 0
فكوك 1684
قبل 8 سنه و 11 شهر



أنا معي كورولا 2003 وولد عمتي معه رنج سبورت 2011 , وقررنا نروح مكة كلنا مع الشباب , انا بالكورولا ومعي كم واحد وهو بالرنج , نمشي 180 وماشاءالله سيارتي رغم انها ماشية 350 ألف وكسور , ومعي 3 اشخاص اثنين اوزان ثقيلة ماشاءالله الا انها بسم الله ماشاءالله تجيب الـ 200 بالراحه وكنا نمشي 180 وهو قدامي بالرنج 180 , لكن لا جت أم قريح ( بوز مرسيدس ولا اي تريلا ) لازم اهدي للـ 120 اقل شي عشان أسلم من دقة الرقبه اللي تسويها الكورولا يوم اتجاوز اي تريلا , لكن الرنج ماشاءالله مثبت سرعه لا عليه من تريلا ولا من طيارة .


طبعا ما ابي الموضوع يتشعب لعنصريات الياباني والكوري لكن ابقول شغله .


الياباني من 2000 الى 2006 فئة الكورولا , جودة وأداء المكينة عالي ماشاءالله ولو هي ماشية 500 الف الا انها تعطيك السرعه المطلوبة في الخط .


الكوري أعتقد والعلم عند الله انها راح تصير مثل الياباني اللي ذكرته من سنة 2000 الى 2006 من ناحية قوة وأداء المكينة رغم ظروف الكد اللي كدته .


وحاليا الكل يعرف ان بورصة الاسهم بالنسبه لجودة الشركتين تويوتا وهونداي , التويوتا سهمها أحمر وبقوة ! والهونداي أخضر وفي ارتفاع .



بارك الله فيك أخي شاقح , وربي يرزق كلن ماتمنى




up 1 down 0
أبو سـيـف 214
قبل 8 سنه و 8 شهر