ابي اشتري سياره

الله يوفقك وتشتري الطيب اللي خاطرك فيه

حبيبي لو عجبتك سياره تكلم راعيها تطلع تجربها معاه ولو عجبتك مبدئياً وارتحت للسياره تتفق معاه على السعر وتتفاوض لين ماتتفق وتطلعو للفحص وتتفق معاه لو طلع شي بالفحص يعيب السياره نلغي البيعه او نتفق على سعر الاضرار

وتأكد دامك شراي ودافع فلوس لك كامل الحق بالتجربه والفحص طبعاً معاه عشان ماتحرجه ولا تحرج نفسك

ودعواتي لك بالتوفيق ياغالي.......

الله يوفقك دنيا واخرهـ ي غالي

بس بغيت اعرف كم سعر موستنق 2005 يعطيك العافيه

أول شي إذا ماتعرف بالسوق وإسلوب الشريطيه وأصحاب المعارض لاتروح لحالك وخذ معك واحد من أخوياك أو أقاربك يكون له

أسلوب ومعرفه بالناس وخاصه بعض شريطية المعارض وثاني شي حل كل شي يتم من طرف أحد المعارض من توقيع وإستلام 

ولاتقرب الموستنق ال 6 سلندر كثير من الناس يشتكي من ندرة قطع الغيار أذا جازم عليها خذ 8 سلندر وأكثر قطعها الميكانيكيه 

نفس قطع الكراون فكتوريا وبالتوفيق مقدما

خطاء مطبعي حل      خل 

تخبر اللي يكتب وهو فيه نوم

والله انا اخوك توقعت انو 6 سلندر ارخص ..من 8

ف عشان كذا ..فكرت ب 6

مشكور حبيبي ع النصيحه ..والله يوفقك

لا والله ياغالي مالي علم بأسعارها نهائيا
يجوك الاعضاء ان شاء الله يفيدوك

اخوي 
لاتروح لوحدك نصيحة 

 خذلك ثمنية سلندر افضل من السته لانه قطعه متوفرة عكس السته سلندر ممكن تتعب في بعض القطع ثاني شي السته عزمة ضعيف مرة في الموديل ذا فا يستحسن تاخذ الثمنية وترى مو ذاك الفرق بينهم في السعر ويستحسن انك تشوف واحد فاهم في الموسنق تخاويه على المعارض وتشوف والله يكتبلك اللي فيه الخير وموفق يارب 

تفضل هنا تجد أسعارها التقريبية :
http://haraj.com.sa/tags/%D9%85%D9%88%D8%B3%D8%AA%D9%86%D8%AC+2005
http://haraj.com.sa/tags/%D9%85%D9%88%D8%B3%D8%AA%D9%86%D8%AC+2006
http://haraj.com.sa/tags/%D9%85%D9%88%D8%B3%D8%AA%D9%86%D8%AC+2004
http://haraj.com.sa/tags/%D9%85%D9%88%D8%B3%D8%AA%D9%86%D8%AC+2007

و نصيحة لوجه الله دامك ماتعرف بالسيارات خذ معك واحد رزين و فاهم بالسيارات

يعطيكم العافيه ي شباب ماقصرتوا