أضف سؤال أو موضوع جديد          

...................

up 19 down 0
غريباوي 714
قبل 9 سنه و شهر



..................................................







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك صح بس تبي الصراحه الوقت هذا ما فيه امان يعني بتوقف لاحد تحمل اللي بيجيك لانه اذا صاحي فهو حظك واذا مهبول بتاكل هوا ويبلاك بنفسه وانا صار لي موقف بس الحين بذاكر عندي اختبار دعواتكم :)


up 5 down 0
المدووور 367
قبل 9 سنه و شهر



الطيبين موجودين في كل مكان والحمد لله..والله لا يخلينا منهم..
وأولاد الحرام كذلك متواجدين..الله يكفينا شرهم..

وشكراً على الموضوع..ويا المدووووور الله يوفقك في اختبارك


up 5 down 0
sultan-07 2445
قبل 9 سنه و شهر



ذكرتني بالكابرس 89

الله يسعدها من سيارة

قلبت المواجع



up 6 down 0
ls caprice 2078
قبل 9 سنه و شهر



انا اذكر لكم موقف حصل لي ,
طبعاً اكثر من مرة اسافر مسافة 1600 كيلو متر تقريباً من الشرقية إلى الجنوب ,
المهم مشيت ذاك اليوم من الجنوب للشرقية لحالي , يوم وصلت خط الطائف الرياض الي هو تقريباً 700 كيلو او ماشابه ,
كنت اجاري شباب في الخط اكثر من سيارة , لكزس ES و اكورد الشكل الجديد و غيرها من السيارات , يعني يمشون 140 و اتعداهم بـ 160 و اهدي و يمشون 160 و اهدي و امشي 140 و هكذا ,
المهم اشوف واحد يكبس لي من بعيد كبس غير صاحي , انا قلت في نفسي " يمكن علق المثبت معه " ,
ياولد انا ماشي 160 و ازيد السرعة إلى 180 وافتحه له الخط يوم مر من جنبي الا وهو اكورد 2006 و يضرب الكفر الأيمن حقه و يطير الصدام و يطلع شرار بالارض و يكسر ام الطارة على سيارتي يمين , و ينزل على الردمية و انزل معه على الردمية ,
و اكبس العالي على سيارته على سأس اشوف جاها شيء و الا لا ,
المسكين راحت فيها سيارته , ضربة الكفر هذي دمرت له الأنوار الأمامية و الصدام تكسر و الجنط انعفط شيء بسيط و الزوائد الجانبية فيها سواد . . الخ
قلت له ياولد ايش العلم تبي تطلع معي نغير لك الكفر عند اقرب بنشري و بعدين ارجع بك نركب الكفر و تمشي والا كيف ؟
قال لا الله يعطيك العافية اهم شيء انت سلمت و كذا , قلت ابد ماجاني شيء و سيارتي ماجاها شيء ,
و قمت اعطيه نصائح بإنه مايمشي بكفر معدوم مثل الكفر الي مركبه و حتى لو بغى يمشي فيه يمشي بسرعة معقولة , و انه مايكبس للناس بهالطريقة المزعجة الي احياناً تربك السائقين . . الخ من النصائح ,
فهذي من ضمن المواقف , و حط في بالك اي خط مقطعة مافيه احد و مكان مظلم لا تنزل الا وانت مسلح بسلاح مخفي لإن ماتضمن الناس الي تمر بالخط , فيه احياناً عصابات تمر بخط فلاني تعرف ان الخط الفلاني ماعليه امن طرق ولا عليه ناس كثير و تعرف انها ربما تحصل اشخاص معطلين او شيء فتستغله يمكن تسرقه و تسرق سيارته و ممكن توصل للقتل إذا ماتجاوب الضحية معهم ,
اشكرك على طرحك للموضوع و فعلاً مثل هالمواضيع تفتح لك ابواب من المواقف الي مرت عليك ,
و الله الموفق ..


up 5 down 0
r4rec0in 1443
قبل 9 سنه و شهر



الله يعطيك العافية كلام جميل جدا الحمد لله على سلامتك ومشكور ياطيب .


up 4 down 0
مستر بن . 10377
قبل 9 سنه و شهر



قصتك ينفع نسوى له فلم يوتيوبي 

ههههههههههههه

والله المقطعة شينه 


ولك احلى لايك 


up 3 down 0
عاشق خيالك 4801
قبل 9 سنه و شهر



الله يجزاه الف خير والله انه كفو يعني معه اهله بعد يبي يوقف ويخدمك الصراحه ذا ملاك موب  انسان 




up 3 down 0
أستشاري الحب 6468
قبل 9 سنه و شهر



وبعدين ونت وشفيك اخلاقك شينه مصمم تترك السيارة ههههههههههه


up 3 down 0
أستشاري الحب 6468
قبل 9 سنه و شهر



المدور 
سلطان 
ال اس كابرس 
مشكورين على الرد
r4rec0in ياخوي اسمك صعب والله ماعرفت اقراه نسخته نسخ 
وفعلا تراى الواحد مع السفر الطويل حتى لو مهوب راعي سرعه يتجشع اذا الناس حوله يمشون 
عن نفسي اقول بمشي على مهلي 120 او 140 لكن بعد نص ساعه مع الخط ما انتبه إلا وانا 180 ههههههههههههههه
خاصه اذا كان الطريق يساعد والموتر مشيك عليه 
بالنسبة للحوادث في السفر أخطرها فالليل ماحد يشوفك الله يكفينا الشر حنا وجميع المسلمين 
استشاري حب لا والله مهوب ملاك إلا رجال له خشم وعيون ههههههههههههههههه 




up 1 down 0
غريباوي 714
قبل 9 سنه و شهر



عاشق خيالك 
ترى والله تصير مواقف تصلح افلام بس شوفوا اللي بيسوي شخصيتي لا زم بطل حلو ههههههههههههههههههههههه
ومشكور يابعدي


up 1 down 0
غريباوي 714
قبل 9 سنه و شهر



مره احتر موتري بالخط من الرياض للدمام ونزلت اعبيه ووقف واحد راعي جيب رجال كبير بالسن
قالي تبي شي محتاج مويه اجيب لك . قلت له ابد سلامتك
وبعدها مشيت تقريبا 100 كيلو وتفاجأت انه صادم هندي يمشي على رجوله وماتوا الاثنين .. تأثرت من الموقف والى يومك هذا !! الله يرحمه


up 2 down 0
عـادل عبدالله 4751
قبل 9 سنه و شهر



مايفقع مرارتي وقلبي ويجيب لي الغم والهم والحزن والكآاااابه والقهر والضغط والسكر الا من اجي امشي سرعه معقوله واهي 140 على خط الرياض الدمام او خط الرياض الطائف ويجيك واحد ماشي الطبلون ويكشخ بالزنون من وراي وانا متجاوز سياره ويريت يصبر علي لي ما اتجاوز

بالعكس الا يمسك الخط الاصفر ونص الموتر بالتراب والنص الثاني بالزفلت بس اهم شئ يتجاوز يلعن اهله ياشيخ ودي لو معاي بازوكا وافجرررررررررررره اهو وقرنبعه


up 1 down 0
aboamani 1148
قبل 9 سنه و شهر



شكلين مابحكين 
سبحان الله يمكن تكون حسن خاتمة له الله يرزقنا حسن الخاتمه 
ابو اماني 
الطريق مكان عام .. يجيك الصاحي والمجنون والمتهورين هذولا ما يخلوك تستانس او تاخذ راحتك يعني شغال رادار
على الطريق وعلى المرايات الواحد يخاف يجيه من ذا السواقين اللي مسوين فيها ويشيله .... وبالنسبه لي
ادعس فووووق 140 لكن لازم اعطي الطريق حقه واحترم غيري فيه ناس تحس فيهم كسل غير طبيعي مايبي يهدي
دعسته ويشد مره ثانيه كأنه يسوق ديزل يبيله مسافه عشان يرجع لسرعته ههههههههههههههههههههههه



up 1 down 0
غريباوي 714
قبل 9 سنه و شهر



ما اقدرت اشارك بالكلام
لكن ما نسينا اللايك


up 1 down 0
b or not be 1422
قبل 9 سنه و شهر



^^^ ياخوي اسمك والله صعب شفيكم على الاسماء هذي ترونا شيبان يالله يالله ههههههههههههههههه
وحياك الله انت ولا يكك هههههههههههههه لبى قلبك بس يكفيني ردك والله عن ألف لايك


up 1 down 0
غريباوي 714
قبل 9 سنه و شهر



مره كنت مسافر لعمان ولحالي وتعبت من السفر لحالي وانا داخل الامارات الا عند منفذ الحدود يناظرون فيني الاماراتيين قالوا انت لحالك ؟


قلت ايه قال طيب معانا واحد كبير فالسن توصله على طريقك !!!


قلت حياه وركب معاي وانا اصلا تعبان مامشيت 20 كيلو الا قلت انت تعرف تسوق معك رخصه ؟


قال ايه قلت طيب تعال كمل انا تعبان بجد وقدامي طريق ومسك الطاره وكبستها نومه ماصحيت الا وواحد من عياله فاتح الباب ومصحيني وموقف السياره داخل قراج بيته !!!!


قلت قسم بالله اني رحت فيها شكلهم خطفوني هههههههه


قالي انزل قلت والله اني بمشي بس افتح الباب وخلوني ارحل النوووم راح يارجل ابي اهج عادي لحالي وداخل بيتهم هههههههه


اصرو علي اني ادخل وجابو فطور افطرت وسولفنا وقلي الرجال انت شلون تنام وتخلي غيرك يسوق وخارج بلدك ولحالك !!!


قلت النوم ذبحني ومن بعدها صارت بينا رفاقه وصحبه وتعرفت عليه وعلى عياله وصار كل سنه يجي السعوديه يزورني وانا ذا جيت الامارات ازوره ومن بعدها صارت صحبه بينا



^^ شفت شلون فائدة الصديق في السفر ؟؟ بس لاتعيدها هههههههههههههههههههههههههه
انا من النوع القلق مع السفر مستحيل انام لو بنقل جماعي والسيارة تمشي 


up 1 down 0
غريباوي 714
قبل 9 سنه و شهر