أضف سؤال أو موضوع جديد          

اصدم وهج ياولد

up 15 down 2
أبوكفاح 245
قبل 7 سنه و 5 شهر



السلام عليكم
يا اخوان انا الصراحة اشوف في مشكلة كبيرة الصراحة بين الشباب او بدون تعميم اغلب الشباب في حال صارله حادث ولو بسيط تلقاه مايوقف يعني ما ادري وش يكون تفكيره انا الصراحة صار مع شخص اعرفه نفس الموقف والرجال كان في قمت الاسف لان السيارة كانت تسوا ويوم صدمه الطايش وهج طاحت من قيمته كثير غير قيمة التصليح هل هو يضن انه شاطر في فعلته او قوي مثلا لما ياذي الي صدمه ويخرب سيارته انا فعلا اتظايق اذا شفت الموقف ياخي وقف وتاسف يمكن يقبل الرجال اسفك واذا ما قبل هاذا غلطك وتحمل بس تاذي خلق الله وتهج هاذا مايجوز ابد ويمكن يرجع عليك بمصيبه فيك او بسيارتك فارجو ان الناس ما يتهاونون بالموضوع لانه فعلا فيه اذا للناس وفيه غبن وفيه خساره واتاسف على الاطاله وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يمكن يحسبونها اللعبه اللي بالملاهي ..

سيـآرآت صدآم .. هههههههههههههههه ||


up 5 down 2
برينسيزو 541
قبل 7 سنه و 5 شهر



((في بعض الشباب يخاف من المرور _ او يحسب انه احسن وااحد اذا انحاش 
الله يهديهم ))


up 3 down 0
املاك الخير 1861
قبل 7 سنه و 5 شهر



الله يخليلنا ساهر بس لو يكثروا شوي كان المجتمع تربى والحوداث قلة


up 3 down 14
البطش 3585
قبل 7 سنه و 5 شهر



يمكن عشان مامعه رخصه زي مثل عمري 18 ومامعي رخصه


up 6 down 1
mission 846
قبل 7 سنه و 5 شهر



الهروب اغلبه
1-عدم وجود استمارة
2-عدم وجود رخصة
3-عدم وجود تأمين


up 7 down 0
ما بنكسر صابر 2688
قبل 7 سنه و 5 شهر



الله يكفينا شر الحوادث بصراحة يمكن يكون شاب عمره صغير ويوم شاف الحادث خاف وارتبك ونحاش


up 1 down 0
ســامــر 1055
قبل 7 سنه و 5 شهر



ينحاش من كل الناس الا من ربه وين يهج منه


up 3 down 0
المسعف خالد 1145
قبل 7 سنه و 5 شهر



والله يا أبو كفاح أنا أوافقك إن في شرذمة للأسف زي ما قلت (إصدم و هج) لكن كل شخص و تربيته , و اللي يهرب هذا ما يهرب عن رب العباد !!! , و زي ما يقولون (ربك يمهل ولا يهمل) و الله يا اخوان ما تسوى عليك دعوة صادقة لمظلوم على قولة حبايبنا المصريين (توديك في داهية) !!! يعني أنا و لله الحمد حالتي ميسورة لو واحد صدمني و قال ما معاي تأمين ولا أقدر أصلح لك !!! ما راح أسجنه على ألف أو ألفين ريال حتى !!!! راح أسامحه و أقدًر بأنه إحترمني و ما هرب مثل (الحقيرين عديمي التربية) , عالعموم هذا اللي في خاطري و منًور المنتدى يا حلو . 


up 5 down 0



صدقت ومدري من اللي اعطاك ديس لايك


up 0 down 1
شليطيح 5019
قبل 7 سنه و 5 شهر



^^^^^^^^^^^^^^^^
الي عطاه دسلايك اكيد مسوي هالحركة من قبل ..


up 1 down 0
c7ec7e 638
قبل 7 سنه و 5 شهر



عليك بدعاء الليل فإن سهام الليل لا تخطئ ولكن لها أمد


up 1 down 0
عبدالله الشهري96 1535
قبل 7 سنه و 5 شهر



واحد البارح صدم سيارة لواحد من اخوياي من ورى عند اشاره وانحاش سيارته هايلوكس الضربه قويه من الخلف وصدمه بدون لايمسك فرامل
ف سبحان الله طاحت لوحته الاماميه والرجال خش حاره وانحاش وخذا خوي اللوحه وبلغ عليها مااخذ ساعه الا جات دوريه امنيه عند مكان
الحادث وينادي خويي قال اللي صدمك مسكناه لكن الرجال سكران ومرح تآخذ منه لاحق ولاباطل وشوي الا يجي خوي صاحب الهايلوكس اللي كان راكب جنبه
قال لخويي انا اتكفل فيها ومن هالكلام ومعنا تأمين وجاء المرور وسأل عن الحادث المهم حطوا نسبة الخطأ 100% على الطرف الثاني لكن السالفه فيها
شيء مهب معقوله على طول امسكوه؟؟ اللي جاء فبالي ان راعي الهايلوكس يعرف صاحب الدوريه وقاله عن الموضوع
عشان ماينبلغ عليه بعدين وينمسك قال ادق على خويي بالدوريات وهو راح يدبرها طبعآ الرجال لا سكران ولا شيء جاء يسلم على خويي ويقول الحمدلله
على السلامه والحمدلله انها بالحديد والرجال صاحي وطبيعي ولو ان لوحته مهيب طايحه مااظن راح يرجع سكت خويي عن الموضوع
مب عشان سواد عيونه لا وآلله عشان معه تأمين ولا كان يبي يطالب بتسليم الرجال للقسم سكران ؟؟؟!! بس بعدين فكر
مرح يستفيد شيء يومين بالكثير ويطلع بكفاله بعدين رح ناقز ورا المحاكم !!


up 2 down 0
الالنتراوي 5150
قبل 7 سنه و 5 شهر



والله يا أبو كفاح كلامك عين العقل .. و الصراحة أهنيًك على إختيارك هذا الموضوع لأنه للأسف راحت الذمة و راح الضمير .. عند بعض الناس للأسف !!! يا أخي مثل ما قال الأخ / عبدالله صالح الإبراهيم وأشكره في الحقيقة على كلامه الموزون : لو إنه واقف و معتذر , والله الواحد ينحرج يكلبش عيال الناس و يوقفهم عشان ألف أو حتى ألفين , تقبل تحياتي ولايكاتي أستاذ أبو كفاح . 


البعض يسويها عشان يلاقي سالفه يقولها عند اخوياه
ما يصير كل يوم يجي واحد بسالفه الا هو ما عنده هههههههه


up 3 down 1
b or not be 1436
قبل 7 سنه و 5 شهر



سببه عدم الانظباط وفساد رجال الامن والا كيف يعرف واحد في المرور ويمرر الموضوع


up 0 down 0
Abu-Nawaf 338
قبل 6 سنه