أضف سؤال أو موضوع جديد          

الوكالات و إستغلال رغبة الشراء

up 14 down 4



مسًاكم الله بالخير حبايبي .. كيف أحوالكم يا حلوين ؟ أموركم طيبة ؟ الله يسعدكم و يسًهل دروبكم .. اليوم جايب لكم موضوع هام و خطير !!! طبعاً موضوعي يتكلم عن الوكالات بشكل عام لأنهم للأسف ؟؟ يتفننون في إستغفال العميل .. و محاولة (إستحلابه) بشتى الوسائل و السبل .. ولكن الواعي (فايق و رايق) لهم .. طبعاً أبتكلم عن قصة حدثت لي شخصياً في أحد فروع (مازدا) اللي على طريق خريص:

المهم أنا زرت الوكالة و قابلني بايع سوري (بياع كلام محترف) .. أهلين عمي , اؤمرني , شرفًت و نورًت !!! يا إبن (اللذينا) لو إني أخوك ما تحفيًت فيني كل هالتحفًي !! سألته عن CX9  ؟ و مواصفاته و حجم مكينته ؟ و أخذني بالكلام المعسول (إنتا واحد مزوء) !! يعني (ذوووق) .. يبي يغريني في الموتر !!! .. قلت طيب الأسعار .. وبدأ عاد يرفًع في مازدا و إن مازدا سياراتها يابانية  100% و يسفًل في سيارات (تويوتا) و (نيسان) .. عشان لمًا يقول لي السعر ما أستكثرها !!! قلت خير إن شاء الله !! طيب الألوان المتوفرة ؟ على طول تذاكى علي و قال (شو بتفضل) ؟؟ قلت ما عليك وش أنا أفضًل قلي وش الألوان المتوفرة ؟؟ قال: (كل الألوان متوفرة إن شاء الله) !! قلت طيب أبي لؤلؤي بكم تحسبونه ؟؟ قال اللؤلؤي موجود بس يبغى له فترة على بال ما يجي .. (شو رأيك بالنحاسي أو السلفر ؟) ألوان جديدة و حلوة كتيييير .. أنتوا يا السعوديين بس يا (أبيض يا إسود) ما عندكن حل وسط .. قلت مو إنت تقول اللؤلؤي متوفر ؟ قال إيه (بس اللؤلوي بدك تدفع مصاري أكثر) !! عشان الكمية المتوفرة بالمستودع بسيطة !! قلت طيب أبشوف أسعار قطع الغيار ؟؟ قال خلاص (روح عند الشباب بيفيدوك) , و أروح لم (قطع الغيار) و أقابل السعودي المحاسب .. أهلين كيفك ؟ حمدالله طيب .. لو سمحت أبي ورقة أسعار قطع غيار CX9 ؟؟ قال لي معليش ما أقدر .. قلت ليش ؟؟ قال هذا تعميم علينا من الوكالة عشان ما يقدر العميل يثبًت علينا سعر معين لقطع الغيار !! قال اسئلني عن القطع و أجاوبك  .. قلت كذا ما ينفع ؟؟ يعني أنا اللحين ابسألك عن الفحمات بتقول لي مثلاً (500) ريال , و بعد ما أشتري الموتر بتقول لي (800) ريال مثلاً !!! لأن الوكالات معروفة برفع أسعار قطع الغيار من حين لآخر بسبب أو بدون سبب .. طيب أنا ليش ما أعرف أسعار قطع الغيار ؟؟ هذا من أبسط حقوقي .. بس لا حياة لمن تنادي .


المستفاد من القصة يا شباب نقاط هامة جداً:

1/لا تشتري سيارة من (بياع كلام) فقد يغريك كلامه في إقتناء السيارة , و بعدها (تعض أصابع الندم) !!

2/لا تلتفت لمديح السيارة من البائع , فهو مجبر على فعل ذلك لأجل (كسب عيشه) !! و حتى لو كانت السيارة التي يسًوق لها من اسوأ السيارات .. فسوف يمتدحها حتى يرفع المبيعات و يزيد (عمولته) !!!

3/ لا تخبر البائع بلونك المفضل , حتى لا يجعلها وسيلة للضغط عليك ويقول لك: بأن اللون الذي ترغبه لا يوجد منه في المستودع , إلا عدد بسيط جداً , حتى يجعلك تسرع في عملية الشراء !!! (لا تخاف المستودع مليان و بحلانين بسياراتهم) !!!

4/ لا توافق أبداً عن زيادة السعر في لونك المفضل , لأن هالشي من أبسط حقوقك !!!

5/ يجب أن تعرف (average) الأسعار (المتوسط) لأسعار قطع الغيار , حتى تكون على بيًنة عن السيارة التي سوف تقتنيها .


أخيراً

6/ لا تحرموني من دعواتكم , أرحبً بالمشاركة و الإضافة , أسعد الله أوقاتكم بكل خير , ولا تحرمونا من طلتكًم البهية , و آرائكم النديًة .








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


موضوع جميل ومفيذ وتسلم أخوي على نصايحك .... وتستاهل لايك .


up 2 down 0
مستر بن . 10375
قبل 6 سنه و 11 شهر



موضوع جميل ومفيذ وتسلم أخوي على نصايحك .... وتستاهل لايك .


up 6 down 0
ماهر القميشي 49
قبل 6 سنه و 11 شهر



السلام عليكم ورحمة الله وبركاته :
اخوي كلامك صحيح .. وزد على ذلك .. ان جميع الوكالات حاليا .. نصابه نصابه نصابه .. يعني لازم الواحد ياخذ حذره ولا يروح فيها ... يازين ايام اووول .. كان يقول الشايب الله يطول بعمره ... كنا نشتري السيارات في الثمانينات .. ولا صيانه ولا شي .. يقووول الموظف يعطيني المفتاح ويقول ان شاء الله مانشوفك الا بعد عشر سنوات .. يعني ضامنين سياراتهم .. مو الحين .. صيانه وتشييك وماادري ايش .... الله يعين بسس مشكور اخوي وعساك ع القوه ... تحياتي ..


up 3 down 0
عاشقـ الماركيز {1991} 3502
قبل 6 سنه و 11 شهر



هههههههههههه حلوه ياماهر ناسخ ردي هههه عايدي خذ راحتك .


up 1 down 0
مستر بن . 10375
قبل 6 سنه و 11 شهر



شكراً على النصائ من ذهب


واحب اضيف عليها بنقطه بهمه ليس لها علاقه بالوكاله انما لها علاقة بالمشتري

حاول تستأجر سياره نفس اللي بتشتريها.  جرب سواقتها وعزمها وانطباعك عنها

افضل من انك تحط مبلغ ١٠٠ الف وبالاخير يا انك تبي تتنازل عنها او تبي تبيعها بخساره


up 4 down 0
شكلين مابحكي 3158
قبل 6 سنه و 11 شهر



السلام عليكم
انا كنت مسؤول مبيعات بشركة سيارات يابانية
لاتضغطوا على الموظفين والله مساكين وانواع التسفيل من المدراء الاجانب والموظف اللي مايجيب المستهدف (عادة 30 سيارة وحولها) لمدة ثلاثة اشهر في العقد السنوي يتعرض للفصل والإقالة
اذا كانت سياسة الشركة تمنع معرفة الألوان المتاحة او اسعار القطع فلا ذنب للموظفين الذين هم في وجه المدفع للعملاء
السيارات المتميزة تتحدث عن نفسها فالموظف مهما بلغت خبرته لايمكن حتى ان يفصح عن العيوب او المشاكل لأن وظيفته البيع فقط !!

بخصوص حقوق العملاء هذه اختصاص وزارة التجارة في فرض تجربة القيادة قبل الشراء لجميع الوكالات والسيارات وتحديد بورصة لأسعار قطع الغيار والسيارات المستعملة
اضافة الى تنظيم مبيعات المستعمل حيث يهدف كبار التجار الى احتكار انواع معينة للسيارات ورفع قيمتها بالسوق او تخفيض موديلات معينة للإستفادة من مبيعات القطع الاستهلاكية ...


up 6 down 0
ماك عزوز 63
قبل 6 سنه و 11 شهر



كلام سليم الله يجزاك خير , فعلاً فيه امور يبغى لها تشغيل مخ علشان ماتعض اصابع الندم


up 2 down 0
r4rec0in 1444
قبل 6 سنه و 11 شهر



بيض الله وجهك وماقصرت


up 2 down 0
المسعف خالد 1145
قبل 6 سنه و 11 شهر



انت رجل لاتقدر بثمن في كلامك لكن ماقريت الموضوع 


up 2 down 0
فهد4950 2541
قبل 6 سنه و 11 شهر



شاكر لكم كلكم يا غالين على  المرور الجميل الذي عطرتم به صفحة موضوعي ( مستر بن , ماهر القميشي , عاشق الماركيز (1991) ,شكلين ما بحكي , ماك عزوز , r4rec0in , المسعف خالد , فهد 4950 ) كلكم بدون إستثناء منوريني و مشرفيني , الله يحفظكم و يرزقكم ضعف ما تتمنون و يخليكم لعين ترجيكم .


up 1 down 0



أخوي ماك عزوز .. أنا أتفق معاك في إن (target)  بعض الأحيان هو اللي يضغط على الموظفين .. و لكن ليس معنى ذلك إنه يتودد لك قبل الشراء و يسمًعك أجمل الكلام .. و بعد ما تشتري و ياخذ (commission) العمولة يعني !!! يسحب عليك ولا يرد على إتصالاتك و لا كنه أمس (ناشب بحلقك) يبيك تشتري بأي وسيلة !!! لازم التعامل يكون مبني على ثقة و إحترام .. مو ينظر للزبون على إنه (هدف) و لازم يخلصه .. شاكر لك مرورك حبيبي و لك أحلى لايك على كلامك الجميل .. و مبروك الزواج مقدماً و ب(الرفاه و البنين) .


up 1 down 0



عسى الله يكفينا شر احتيالهم ، اغلب الوكالات والشركات الكبيره حاطين لك هاللبناني ولا هالسوري على اساس انه يجذبك
للسلعه او السياره اللي تبيها ولو على كيفهم حطو لك بنت لكن مب على سعودي :) هههههههههههههههه ذكرتني بسوالف
شركة stc والله مسخره حاطين لك بنات يتصلون عليك اذا عندك مديونيه عندهم تطالبك البنت بالسداد مع الغنج والتميلح
بالصوت على اساس انها تخققك :) موضوع جبار ولافض فوك ،،،،،


up 0 down 0
الالنتراوي 5152
قبل 6 سنه و 11 شهر



أجل حق قطع الغيار يقول ماراح يعطيك برنت !!!
 
 والله حقارة من جد 

 يعني نفهمها أنه يمكن بأي لحظة يرفعون الأسعار والسبب هو أرتفاع سعر الطماط ( :


up 1 down 0
فكوك 1684
قبل 6 سنه و 11 شهر