جمس vs 454 بورش ؟ من يطلع تتوقعون

ماشاء الله تبارك الله
المواتر ذي عززز بس مالها قطع

راكب اللي يقرب البعد لا منه زمى             جمس شكمانين توه من امريكا ورد 

كن حس بلوفه مناقشة حزب علمه             يدرسون محاضرات بجلسات جدد 

فزته لا فز كانه بيصعد للسما                 مثل حر مطلقات سبوقه للهدد 

كم فزيزه منرمي رمي لكن مانرمى          فزه المطفوق واخطاه وارتاع وشرد 

لا عطا حزم الجلد ارتكز عجه كمى         كم فر من زمى في مقاديمه برد 

الفطور شريق ما بين شقرى وضرما       والغدا في حزم جاسم لا سابق وعد 

هذي قصيده في الجمس وانا من عشاقه ( وسلمت يداك اخي على هالموضوع الممتاز اللي يوسع الصدر )

مع تحيات عاشق الجمس 

موفق حبيبنا ولا تحرمنا جديدك يالغلا 

ي لبيه , لحد يفهم غلط تراني اعشق جمس نوعيه هذا لشكله فقط , موب راعي تهريب :)
لو كان لونه احمر فاتح زي وكاله يطلع شكله اليم , ما شاء الله

والله الجمس ذا رهيب ووقفته هيبه.. بس لا تزعلو علي ترى واضح التعديل ..لان اصلا السرعه 200

ومافوق

في ايام هالموديلات كانت سرعه خياليه لا تفكر الشركات فيها اصلا . بس صراحه والله اشهدله انه مبدع اللي

معدله لان ضابط شغله ميه بالميه وهالشي يوضح في عدم تفاوت عزم الموتر بين السرعات البطيئه والعاليه

ان مااخاب ظني سوبر تشارج او دول سوبر تشارج .. التعديل ابداع ياناس وفن يخليك تتفوق حتى سياره

اسطوريه مثل البورش.. بخفه وزنها وقوه مكينتها الفريده من نوعها بالتصميم....لايك لك يا صديقي علئ المشاركه..

صباحو للجميع
يااروووووووووووووووووحي يابو رفرف يا البهبهاني 
بصراحه فقع وجه البورش وطيح هيبته 
هذي المواتر العدله ما اعتقد انه معدل 
لان كان عندنا واحد 454 ومشينا مع كامري 2002 في عزه او ما طلع
والكامري في6 بعد وخلينها يطلع وحسبنا له 5 دقايق وبعدين تحركنا ويعلم الله ان جبناه
ومرينا يمه كن هو واقف ولما وصلنا نقطة الوصول قال لنا معدلين الموتر ولا صدق ليه ما شاف الماكينه بلد 
يا حبايبي النظيف نظيف 

وتحياتي اخوي ع المقطع ولا تحرمنا من ابو رفرف ومن هالزين

تحياتي

انا مع رورو اعتقد معدلها والله اعلم لان زمن اول ماكان في سرعات اكثر من 220 والله اعلم
لكن سيارة فضيعة الله يحفظها لصاحبها

الجمس موتر وهاذا اما معدل او 511 مكينه مثل الطراد الي كان سابق يستخدمونه امن الطرق اقوا من 445 لنه مستحيل 445 يجيب فوق 245 ثاني شي قيره 3 نمر كلها ومع ذالك ملعونت والدين تسحب بالخط 
تعرفون انه الجموس ذي على ايامها وقت البنزيل في رصاص كان مع الخط تشوف الشكمان اشقر مولع 

الله اكبر ,, اش ذا بس اكيد راكب مكينة فورتيك مع سوبر تشارجر4000 -توصل قوة المكينة 550 حضان

مشاءالله تبارك الله 

هذا مكينتة 511
على فكره 
الجمس هذا طبلونه ياخذ لفه ونص من القوة الي فيه 

وكل سيارات جنرال موترز موديلات السبعينات تسويها خصوصاً الكوابرس والبيوك

واحد من الشباب في الديرة معه بيوك 79 فاك الطبلون وشايل (حاجز الامبير)
والله العظيم يوصل 160 ويتعداها ويوصل للـ 100 من جديد 
سيارات الثمانينات ما ورد مثلها في القوة 

ماشاء الله 
والله الجمس مافيه زيه هيبه ورزة وراحة وفخامة ويكفي انه جمس 
وأحلى لايك للجميع

ياسلام 
ماوده يعطين اياه وياخذ اجري

يخوان ماافي مكينه 511 وهذا كلام الوكاله كثير اسمع عنها لكن مااااااااشفت واناا اتحدى لو فيه في مكينه 350 ومكينه 454 ومكينه 572 . امااا مكينه 511 هذي لا تووووجد .. الا في حاله المكينه 454 وتم تعديلها الي 511 هذا شي ثاني . اما من الوكاله لا توجد... الا اذا اهل الجزيره العربيه ادرى من الوكاله هذا شي ثاااني ههههههههههه . واللي يجب يتاكد يدخل موقع جنرال موترز.. وموفقين دوؤم

هذه مو 2012 كارير ... يستهبل راعي المقطع البورش كارير 2012 طبلونها 330 مو 270 هذه قديمة البورش او يمكن يكون مجرد طبلون يعني توليف على سيارة ثانية لان صاحب المقطع مصور فقط الكبلون ماصور الديكور الداخلي للتأكيد أنها بورش 

الشعب عنده أفكار ويقدر ينتجها بس وين اللي يسمع 

أول شيء لو البورش داعس له كان وصل الـ260 بأقل من دقيقه .. حتى لو كانت أخس نوع
ثاني شيء مقصوده .. والدليل :
واحد أعرفه معه كابرس إل إس 2013 .. جابت الـ220 بـ 24 ثانيه
معقوله بورش بـ 51 ثانيه تجيب 260 ؟
هذا شكله ناوي يبيع الموتر ..

مستحيل  انا معي بانميرا اقوم من الاشاره ماكمل  دقيقه الا واصل ١٨٠ مستحيل السياره بورش 

عادي جدا الجمس مليون بالمئه مكينته 454 أو الي أعلى منها 
وربي يشخط ببسيارات أقوى من البورش