السياره وسيلة سير لا اكثر ولا اقل

الحمد لله على نعمه التي لاتعد ولاتحصى
الأجواء اليوم في الرياض جميلة وتشرح الصدر وملاحظ الناس كلها مبسوطة وهادئة في قيادتها للسيارة
أثر الحر لاعب في النفسيات لعب.

لقد تم تقيم الجميع بلايك

انا المتعصب تدري ليه

لان الرجال اخذ اوروين وقلتله ليه ماتاخذلك غير الاوروين   لانك انت  تكره تويوتا  !!!

هههههههه  

بعدين الرجال شرى وخلص والمفروض تبارك له مو تجي تقوله فيه احسن من سيارتك

وان ماخاب ضني انه زعل لانك ما اظهرة له فرحك تجاه وتجاه سيارته لو من باب المبالغه  لانه قد شرى خلاص  

كلن حر بحلاله
وجهت نظر يالغلا

بقول شغله

اللي متعصب على السياره ووكيلها ويشوف انها الافضل ومدري ايش ومن هلخرابيط اقووووله مع نفسك كل وحررر برايه يعني انا معاي التيما يجي واحد يسبها بسب معاه واقول شينه ومال اومها داعي ويلعن وكيلها الحمراني الكلب ابن الكلب صحيح فيها ايجابيات بس فيه سلبيات ليش ازعل حلال ابوي على غفله واتمنى التعصب هذا يختفي عند البعض لان صراحه بعض الناس مو كفو يمسك طاره خل باقي تتناقش معاه

انا ما سبيتها 

انا سالت لييه حددت الاوريون با الذات 

طيب وش المشكله اذا كان مقتنع بسيارته ما راح يهمه كلام الناس 

وبعدين هاذي هي المشكله الي يسمع كلام الناس الله يعينه

معليش بس انا ما اقوول الا الصدق 

الله لا يجعل الدنيا أكبر همنا ولا كل آمالنا .. مثل ما قلت أخوي دحيم: السيارة وسيلة نقل وليست غاية أو طموح .. والله أنا أستغرب من بعض الآباء الله يهديهم إذا جا ولده بيشتري سيارة ما عنده مشكلة لو يدفع له 150 ألف و إذا ما كان ما معه يقسط له , لكن إذا كان وده يتزوج و يستر على نفسه من (بلاوي هالوقت) قال له: إعتمد على نفسك !!! يا أخي السيارة وسيلة و ليست غاية على قولة (ميكافلي) , لذلك أذكر لمًا كنت صغير شرى لي الوالد سيارة (هايلكس 92) طبعاً هالكلام عام 2000 , المهم ما أعجبني الموتر و قلت للوالد: ما راح أستخدمه لو إيش .. قال الوالد: على هواك بس ترا ما في إلا هي .. قلت: لو ما يبقى إلا هي ما راح أركبها .. طبعاً مراهق ما أنلام كان وقتها عمري (17) .. و بعد فترة مليت و زهقت من الليموزينات و من كثرة ما أتطلب ربعي يمروني و يودوني , قلت للوالد: عطني أبجرب الموتر إن جاز لي أخذته , و يعطيني المفتاح و أسحب عليه , قال: هاه جاز لك الموتر؟ قلت: والله أزين من الليموزينات !!!  لو هو قير و مكينة بس , تحياتي لك أخوي دحيم و شاكر لك على الموضوع الجميل ولايك حلو لك .

انقلب السحر على الساحر ض1 ..

انا وجهة نظري   اركب  سيارة  الماني   ادور  القوة والثبات  والامان    وفيه ناس تقلي  ليش ما تاخذ تيوتا او هونداي 
اقوله  يا عمي  بس الله يرزقك وتجرب  الالماني  ما راح يعجبك  شي  بعد الالماني   لاني جربت الياباني و الامريكي 
وكل شي  بثمنه 

دحيم ... جعلك تدحم وتدحم لين تدخل الجنة ... واللي تشوفه يزعل عشان سيارته ... عطه القـــــاز 
عالم نفسيات 
 (( أهم شي لايكون توه مطلعها خله يستانس )) هههههههههههههههههههههههههههه
 

صادق الجو خيال بس انتبهو اليوم انكرفت من الحوادث بسبة ان الجو حلو روقو شوووي

اما انت حطمت الرجال حتى يمكن يفكر بكلامك وهو نايم هههه 
وانا عارف انك تسولف معه وتدور له الشي الزين بس جت متأخره .. 

كلها سيارات وانتهى الموضوع ، واللي يتعصب عشان سياره خبل .. بس انت المفروض ماتقوله فيه سيارات افضل
خلاص الرجال اشترى اللحين وانتهى ويمكن حساس

كلها سيارات وانتهى الموضوع.. وكلن يختار اللي يبي..... وكه