قديمك نديمك لو الجديد أغناك

غرك جمالك يا خسارة حلاتك 6900
قبل 11 سنه و 4 شهر

السلام عليكم و رحمة الله و بركاته ,, في البداية أحبً أمسيً عليكم بالخير, على اخواني و حبايبي أعضاء المنتدى الجميل, بصراحة أنا ملاحظ في الآونة الأخيرة و طبعاً كلكم ملاحظين ولا يخفى عليكم (جشع الوكالات) و المبالغة في رفع أسعار السيارات, وأيضاً رفع أسعار (قطع الغيار) طبعاً كل ذلك بحجة (الإرتفاعات العالمية) و (إرتفاع أجور الأيدي العاملة) و (إرتفاع الين و اليورو و إنخفاض الريال) و (إرتفاع أسعار الطماطم) !!! إلخ ... من المبررات و الأسباب , طبعاً في أسباب منطقية و واضحة مثل: (إرتفاع تكلفة المواد الخام) و (و إرتفاع التقنية المستخدمة), ولكن وكالات السيارات العالمية ما قصرًت فتحت مصانع في (الصين) و (فيتنام) و (تايلند) لخفض التكاليف و الأجور التشغيلية , اخواني أنا مو هنا كلامي , أنا كلامي على الاخوان اللي مشجعين الوكالات عندنا على رفع الأسعار , اللحين (الإكسنت) وصلت قيمتها بالوكالة 52 ألف !!! بينما كنت تاخذها جديدة عام 2003 و 2004 ب 23 ألف !!!! شوفوا الفرق فرق 100% تقريباً , لا و أبشركم الإرتفاعات متوالية إذا ظلينا على هالنحو و الإستهلاك المُفرط , و تعبئة (كروش) أصحاب الوكالات لدينا!!! والله يا اخوان على سبيل المثال الكامري عام 2002 تاخذها جديدة بقراطيسها ب 46 ألف , بينما الآن (الستاندر) ب 76 ألف!!! و غيرها و غيرها , أنا عتبي على بعض الاخوان اللي معاه مثلاً 100 ألف و يروح يشتري سوناتا فل كامل!!! حرام عليك , تقدر تاخذ لك بهالمبلغ سيارات كثيرة و حلوة مثل: (لكزس , مرسيدس , بي إم) طبعاً أنا أقصد إنها سيارات مستخدمة لكن نظيفة , ولا يجيك واحد معاه 50 ألف يروح يشتري يارس أو إكسنت جديدة!!! بينما يقدر ياخذ بهالمبلغ سيارات أحلى و أوسع و أريح مثل: (كروان فيكتوريا , لنكولن , جراند ماركيز) صدقوني يا اخوان حنًا اللي نشجعً الوكالات على رفع الأسعار و الدليل على ذلك أتحداك الآن تروح وكالة و تطلب سيارة و يوفرونها لك على طول , تاخذ فترة على بال ما يوفرونها , لأنهم ما يلحقوًن يجيبون كميًة إلا و تخلص , و ينتظرون دفعة ثانية و ثالثة و رابعة من الميناء إلخ ... و هكذا !!! لكن لو الواحد يشغلً مخه شوي !!! يلقى في مبالغات غير معقولة بتاتاً ؟؟ أجل الإكسنت (الفطفوطة الصغيرة) ب 52 ألف !!! و اليارس (قوطي الصلصة) ب 56 ألف !! و غيرها من الأمثلة , لو تسمعون كلام الناس اللي يقولون لكم , ما في أحسن من الجديد و موتر صغير أنت تستخدمه من البداية أحسن من موتر كبير و زين مستخدم , طبعاً اللي يروًج لهالكلام (الوكالات) و بعض الناس الغير واعية للأسف , وش فيه الموتر المستعمل ؟ أنا كل عمري أستخدم مستعمل ولا قد طلعتً موتر من الوكالة وإستخدمت سيارات كثيرة: (ألمانية , أمريكية , يابانية , إلخ ...) كلها مستخدمة و نظيفة و لله الحمد , و اللحين اللي يتحجج بأنه ما يعرف السيارات النظيفة من عدمها , مراكز الفحص اللحين منتشرة و تقدر تفحص السيارة من الصدام للصدام .

أخيرأ: لا تحرموني دعواتكم , أرحبً بالمشاركة و الإختلاف إن وُجد , و لا تنسى التقييم سواء كان سلبأ (ديس لايك) أو إيجاباً (لايك) و شكراً .

إبلاغ

سيارات للبيع

الردود

كلامك صح 100% ولكن كل شخص وذوقه وصعب انك تقنع الناس بفكرتك

في بعضهم يحب الجديد ويعضهم يحب المستعمل وكل واحد عاد وتفكيره وحسب الفلوس اللي معه هي اللي تحدد

العامري دوت كوم 138
قبل 11 سنه و 4 شهر

والله ياخوي ماندري الحق مع من الناس تقول اللي رافعينها الوكاله والوكاله تقول من الشركه والشركات يقولون من أسباب إرتفاع

النفط إرتفع كل شي مثل شركات الشحن والخامات المخصصه للصناعة السياره مثل الحديد والبلاستيك والمطاط وغيرها

ويمكن بسبب التقنيات الحديثه والأنظمه مثل كمبيوتر السياره ونظام الفرامل والإيرباق والحساسات وهلم جراء من الحديث

لكن للمعلوميه القطع الكهربائيه للسيارات أغلى بأضعاف من القطع الميكانيكيه ومعروف السيارات الجديده لاتخلوا منها

ابــو ســنــد 10639
قبل 11 سنه و 4 شهر

والله كلامك ميه بالميه وانا كان تفكيري كذا لو معي مبلغ اخذ سياره مستخدمه افخم من سياره وكاله اخر مديل مثل ماقلت لو معك 100 الف بتاخذ لك كامري ولا وش نقول اوريون او افلون طبعاً بالميه ذي افك لي فكسار نظيف ماجاه طقه مسمار بحدود المبلغ ذا موديل 2005 او 2006 طبعا اتكلم عن اسعارها فالسوق ما اتكلم عن الشريطيه الذي ينطبق عليهم الكلام ذا ياخذ موتر مثلا فكسار و يطلب فيه اعلى الاسعار تقدر تاخذه من رجال مستخده ويبي يبيع بالسعر ذا و تحصله كانه وكاله واكشخ على جيب بدل ما اطلع كامري حرام والله سعرها مبالغ فيه مره 93 على ما اضن 2013 والله فيه سيارات افضل من الوكاله ولا تقارن فيها زي الجيب ماتقارنه بكامري ولو ذا 2005او 2006 والكامري 2013 لان المبالغه بالاسعار ذي غير معقوله ولا الجيب الفكسار 2012 طلع فوق 230 الف مع ان في عام 2008 و 2009 اقل اتكلم عن الفكسار فيه بديلات كثيره بسرعه اخذ جيب لكزس ياشيخ ولا يقارن بالمركب ولا الخط فيه بديل لك سلعه والبديل افضل منها بس تفرق الموديل اللي للاسف يهم الكثير يعنى اكسنت 13 افضل من كامري 9 فيه ناس يهمهم ان الموتر وكاله والله مو ضروري المهم الموتر نظيف واخو الوكاله انا معك مليون بالميه في طرحك وموضوعك ولو اقدر اعطيك لايك عطيتك بس يقول لازم يكون عندك اكثر من 12 لايك بس مني تستاهل مليون لايك

love9iiiiiiiiih 27
قبل 11 سنه و 4 شهر

السباق المرثوني الي كل سنة يسير من الناس للوكالات هو السبب .. لو كل واحد خل سيارتة معه 10 سنوات والله تنزل الاسعار 50% ، بس المظاهر هي الي وصلتنا لكذا ..

aziz..747.. 2421
قبل 11 سنه و 4 شهر

في قانون في الاقتصاد ينص على أنه كلما زاد الطلب على السلعة زاد من سعر السلعة (تناسب طردي ) والعكس صحيح ، صحيح
في عوامل كثيرة تأثر على أسعار السيارات مثل ما ذكرت في موضوعك و أنا أزيد أن من تلك الاسباب زيادة تقنية و مواصفات
السيارة مثل وسائل السلامة والرادار وتسخين وتبريد المقاعد وغير ذلك من المواصفات والمميزات ، لكن هذا ليس سبب مقنع
لزيادة الاسعار 100% .

زيادة أسعار السيارات مبالغ فيه بشكل كبير ، السبب الرئيسي والاول المستهلك ، أنا شخصيا أستخسر أشتري هونداي 100000
أو هوندا أقل نوع 80000 أو زود .
وفي نقطة أحب أوضحها بخصوص السيارات المستعملة في بعض المعارض أسعار مبالغ فيها وسيارات معدومة وغير قابلة
للاستخدام الآدمي يعني لو تزيد 10000 اخذت الجديدة ، ولا الشخص اللي يجيك سيارتو مرشوشة وفيها بلا ويبغى يبيعها بنفس
سعر مثيلاتها السليمة من الرش (تناقض غريب !! )

في النهاية المشتري (المستهلك ) لازم يفكر كمل لايشتري أي نوع سيارة ...

ماكلارين 666
قبل 11 سنه و 4 شهر

موضوعك جميل جدا وصحيح الواحد لو يشطف جدار بالسيارات الجديده على طول تشليح لاكن شف القديم لو تكرفه سنين ماظره من الحديد اللي فيه

ابومحمد ااا 277
قبل 11 سنه و 4 شهر

قسم بالله لو معي مبلغ كاش اني لادخل بنصه في مشروع يدخل لي ارباح والباقي اشتري فيه اسهم او ذهب وشهوله اخذ سياره اكسنت او يارس مافيها ذرة امان وامسك فيها خط وتروح علكه من ادنى حادث .؟

هذا نسيبي بالمستشفى بين الحياه والموت والسبب من هونداي اكسنت لا ايرباقات ولا هم يحزنون وقيمتها طقت 46 الف لابوها ولا ابو وكيلها الخايس حتى وسائل امان مافيها

aboamani 1148
قبل 11 سنه و 4 شهر

في نوعين ارتفاع اسعار اليارة
1نصب من الوكيل علشان يكبر الكرش
2رفع سعر السيارة بسبب الاقتصاد لان اسعار تحويل العملة يختلف كل سنة
والريال في تدني كل سنة مثال للتوضيح
وكيل اشترى 50سيارةمن الخارج ب300الف اوكي
السنة الجاية بيشتري خمسين بنفس السعر يجي يقوله الشركه سعر التحويل اختلاف وفي هاذي الحالة الوكيل ماعنده حل غير انه يرفع السعر ويشتري ب350الف ويزيد سعر السيارة عندنا فهمت يرفع سعر السيارة علشان هم رفعو سعر التحويل في الخارج

رايق السيارات 588
قبل 11 سنه و 4 شهر

حكاية رفع الاسعار بسبب جشع التجار :

هذا الموضوع يا اخي ليس من التجار وانا راح اثبتلك هالشي

عندك سيارات غير مرغوبه فالسوق وسمعتها طايحه وماعليها اقبال زبائن وفوق هذا ارتفع سعرها مثل ( سوبارو 2002 كانت ب55 الف والان صارت تبداء من 80 الف الى 125 ) وخذ بالك هالسياره مبيعاتها ضعيفه وغير مرغوبه

عندك البيجو عام 2002 واشتراه واحد من الجماعه فول اوبشن ب 59 تقريبا والان صار الاستاندر من 80 الى 115 وهي سياره غير مرغوبه وماعليها طلب كبير

ممكن تضوح سبب ارتفاع مثل هالسيارات اذا ماكان عليها زبائن وغير مرغوبه ؟ هل تتوقع الوكيل رفع سعرها لانه عليها اقبل مثل باقي السيارات !!!

هذا اثبات انه رفع الاسعار ليس من عندنا ولكن المصنع نفسه

اما اللي معاه 100 الف وتبغاه يشتري سياره مرسيدس او بي ام دبليو فهل تتوقع انه قادر على صيانتها واصلاحه وقطعها !!!

اللي معاه 100 الف يبغى سياره جديده تحت استخدام ويحافظ عليها وتعيش معاه

انا حاليا بعت فوردي واخذت اكسنت اقساط وبعد فتره راح اعطيها اخوي اذا توظف وبرجع اشتري فورد

لكن هل تدري انه هالاكسنت قطعها رخيصه وصيانتها رخيصه وتنفع لا احصاب الدخل المحدود

بدل مايشتري سياره ب50 الف مستعمله والمستعمل لابد من تغيير قطع استهلاكيه وغيره

فليه مايروح يشتري فيها اكسنت جديده تاخذ لقدام 5 سنوات مايصلح فيها شي ومعروف الاكسنت حقت مكده ولو انها كرتون لكن مد رجلوك على قد لحافك

ويعطيك العافيه على موضوعك

شاقح بن مشقوح الشقيحاني 22707
قبل 11 سنه و 4 شهر

اخواني و حبايبي شاكر لكم كلكم على التفاعل و الردود الطيبة و مثل ما قال المثل: (إختلاف الرأي لا يفُسد للود قضية) منوريني و مشرفيني والله .. أما بخصوص رد أخوي شاقح , أول شي أرحبً فيك و أبدي إعجابي الشديد فيك و فيما تسطره أناملك الذهبية , أنا متابع لواضيعك بشكل عام , ثانياً أنا لم أخفي بأن لإرتفاع أسعار السيارات أسباب مقنعة و منطقية , بل ذكرت ذلك في موضوعي لأسباب (إرتفاع التكاليف التشغيلية , إرتفاع التقنية , إرتفاع أجور الأيدي العاملة) و غيرها كثير !! و لكن أنا ذكرت بأن الوكلاء لدينا للأسف (محتالين) من الدرجة الأولى , و سآتيك بالدليل , أولاً إختلاف المواصفات بين الوكلاء لدينا و وكلاء دول الخليج , التباين بالأسعار بين الوكلاء في الخليج , عدم وجود خدمة ما بعد البيع في أغلب وكلاء المملكة !!! يعني أشياء كثيرة لو تبي تحكيها عن (جشع) و (طمع) الوكلاء عندنا في المملكة ممكن تحتاج (مُجلد) كبير عشان تغطًي فيه الجوانب المتعددة و الواسعة لنهب و إستغلال الوكالات لدينا , و أولاً و أخيراً أخي العزيز , (إختلاف الرأي لا يفُسد للود قضية) تقبًل فائق تحياتي و إحتراماتي .

غرك جمالك يا خسارة حلاتك 6900
قبل 11 سنه و 4 شهر