أضف سؤال أو موضوع جديد          

السيارة وسيلة و ليست غاية

up 19 down 3



يسعد صباحكم/مساءكم , اخواني و حبايبي منوريني و مشرفيني والله , طبعاً جايب لكم اليوم موضوع أتمنى في إنه يحوز على رضاكم و إستحسانكم , ألا وهو موضوع (الفشخرة الكذابة) في السيارات !! طبعاً أنا دًقة قديمة شوي يعني من (المخضرمين) لحقت على الجيل القديم الجيل الرائع البسيط المتواضع جيل الأخوًة جيل صفاء النية جيل (الفزعة) و المرجلة و العلوم السنعة الزينة , و أعاصر حالياً الجيل الجديد و أستغرب من بعض الأفعال الحاصلة في هالوقت للأسف !!! يعني تجد شاب بسيط على قد حاله يروح يركبً نفسه ديون و يتسلف و يمكن ياخذ قرض من البنك على شان يروح يطلعً (سيارة جديدة) و بالقيمة الفلانية !!! طيب ليش يابن الناس (تبلش) عمرك و تتعود على الديون من أول حياتك ؟ عشان (سيارة)؟ ترا على فكرة الديون مثل الإدمان إذا طحت فيها صعب تنفك عنها !!! يا حظ البنوك بس $$$$ شاديًن حيلهم بتسهيلات القروض و الأقساط لأنهم لاقين من يشجعهًم , المهم يا شباب , أنا أعرف ناس كثير من هالشاكلة , و زمان أول كانت السيارة تعكس حال صاحبها , يعني أول اللي معاه (مرسيدس) هذا مقياس إنه شخص مرتاح و أموره طيبة , و اللي معاه (كرسيدا) هذا شخص على قد حاله و أموره وسط ,  واللي معاه (جيب) هذا طير بر و أغلب وقته بالصمًان !!!!! اللحين تلقى ناس واجد معاهم (جيوب) ولا قد طبوا الثمامة حتى !! لا وأنت بعد ماشي في السيارة و رايح المحطة عادي جداً تلاقي واحد معاه (بانوراما) , و يجي لمًك يا أخوك معك سلف ودي أعبيً بنزين؟ السيارة بتطفى !!!؟؟ لا يا شيخ جد والله !! الله يرزقنا وياك من فضله , يعني بصراحة (المظاهر الخداعًة) وصلت فينا إلى أمور خطيييرة !!! أعرف كثير للأسف مظاهرهم لا تعكس حالتهم المادية بتاتاً , ليش تلبس ثوب ماهو ثوبك؟ يا اخي إمش على المثل الزين (مد رجلينك على قد لحافك) ليش تروح تركب (بي إم) ولا (مرسيدس) ولا (أودي)؟ و تركبً على نفسك ديون لها أول ما لها تالي و بالأخير تبتلش لو خربت قطعة بسيطة فيها ؟ لإنك بإختصار (منتًف) و لا تقدر تصلحها !! والله يا اخوان في بعض الناس ما تملك إلا إنك تحمد ربك بأنه عافاك مما إبتلاهم فيه , أنا أعرف واحد عزً المعرفة و أعرف وضعه المادي زين , يشتغل بشركة و راتبه ما يتعدى 6 الآف بحد أقصى !!! و شفته عقب فترة مطلع بي إم  جديدة وكالة !!! قيمتها على ما أعتقد فوق (380) ألف !!؟؟ أنا الصراحة إستغربت قلت يمكن الرجآل جته رزقة أو إشتغل و كوًن له مصدر دخل ثاني , لكن الرجآل مثل ما هو على نفس حالته , مطلعها بقسط يشيل أكثر من 60 % من راتبه شهرياً يعني حول (ثلثين) راتبه يروح للسيارة !!! و ما يصفى له إلا حق (البكت) و (البنزين) !!! تخيلً تشتغل أكثر من 3 أو 4 سنوات و لا تجمع لك (قرش) واحد على قولة إخواننا المصريين , بس تشتغل عشان تسدد أقساط الموتر, ما قلت لكم إن المظاهر (لاعبة بحسبتنا) و موديتنا في (ستين داهية) !!! , حتى إن هذا اللي ذكرت لكم قصته إتصل علي قبل فترة , هلا أبو فلان كيف الحال؟  أخبارك؟  وش مسوًي؟ أبي سلف 4 آلاف , قلت أبشر بس وش تبي فيها؟ لا أبد أبسوي صيانة شاملة للسيارة و نقصت علي فلوس !!! و أبد متى ما رزقني الله رديتها لك !! (يفتح الله) منين بتجيك فلوس قريبة و أنت أغلب (راتبك) يروح للسيارة ؟ عطني حسابك و أبرسل لك اللي أقدر عليه (عونة) ولا أبيك تردها !!! الشاهد يا اخوان لا تغركم (المظاهر) ترا السيارة والله وسيلة نقل لا أقل و لا أكثر !!! خذ لك سيارة تمشيً أمورك فيها , و لامن رزقك الله خذ (بنتلي) أو (مايباخ) محد راح يقول لك شي ؟؟ أما إنك تضغط على عمرك و تبدا حياتك بدين و سلف و أقساط والله ما (تقضي) منها و راح تتعود على الدين و السلف بأبسط الأشياء , الله يرحم الوالد كان يقول: (و أنا أبوك دبرً أمورك بقد ما عندك ولا تدورً اللي بيد غيرك !! ترا الدين ذلة و المسألة للناس مهانة) المهم اخواني و حبايبي طولتً عليكم بالموضوع أدري , لكن القصد والله النصيحة و التذكير .












أخيراً ( لا تحرموني دعواتكم , أرحبً بالمشاركة و النصيحة , لا تنسى التقييم إذا أعجبك (لايك) إذا ما خشً مزاجك (دس لايك) , و شكراً لكم .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غرك جمالك مواضيعك وردودك كالعاده متألقه ومميزه لكن لو تختصر شوي تسوي خير هههههههههههه  وتستاهل لايك 


up 3 down 0
ابو سعود629 4657
قبل 6 سنه و 4 شهر



السلام عليكم ورحمة الله وبركاته : ماقصرت اخوي .. كلامك كله صحيح .. والله ان اكثر الناس في هالوقت كذا .. لكن الحمد .. لله على كل حال .. والله ان عندي اخوي .. مايهمه شي اسمه سياره .. شغال في الخطوط السعوديه وراتبه فوق العشره .. ماشاء الله .. ولا يفكر حتى يشتري سياره .. معاه فورد موديل 97 .. له اكثر من 6 سنوات ومرتاح .. حتى زواج ماهو متزوج .. لاقال ابي سياره ولا غيره .. يصرف على نفسه وبس .. لو اني مكانه .. والله .. لاأخذ لكزس ولا بي ام .. ههههههههه .. الله يكون في العون بسس ..
ولك احلى لاييييك ..


up 2 down 0
عاشقـ الماركيز {1991} 3500
قبل 6 سنه و 4 شهر



ماشاء الله عليك ياصاحب الموضوع ولك احلى لايك والله ان هاذا الموضوع من افضل المواضيع 

في هاذي السنة 


up 1 down 0
hamad2008 1557
قبل 6 سنه و 4 شهر



بارك الله فيك موضوع شيق ومفيد جزاك الله خير. 


up 1 down 0
ban123 898
قبل 6 سنه و 4 شهر



صراحة موضوع في التسعين - بلغة الكورة
^__*
يعافيك المولى


up 1 down 0
mohammad saeed 2864
قبل 6 سنه و 4 شهر



السيارات الصينية يقدر اي احد يمشي حاله فيها لكن اذا نصحت احد فيها يقولك عيبها صيني ,, انت وش عليك صيني ولا الماني ولا امريكي اهم شي انها تقضي مشاويرك


up 0 down 0
lumina ss the best 83
قبل 6 سنه و 4 شهر



اذا ما شريت سياره ف لسان الناس ما يرحم
واذا شريت سياره ف عيونهم ما ترحم
عالم ما ترتاح الا لما تحسد وتشتم وتشوف ايش عند فلان واذا ناقص عليه شي اكتفو بكلمه (مسكين والله يرزقه)
يوم وانا راجع من عند الاشاره الا ويوقف قدامي راعي تشارجر موديل 2005 او 2006 يعني من نفس الاشكال ماني متاكد واول ما فتحت الاشاره رجعنا ويمشي ويوقف على يمين وانا اطالع فيه واهدي يمكن فيه شي وشوي والا الباكستانيه يركضون ويركبون معه ويتفاهم معهم على السعر
طبعا انا كملت المشي لا شعوريا انصدمت يعني اخونا مزنوق ولا السياره ماهي عاجبته.....فعلا المناظر خداعه




up 0 down 0
b or not be 1430
قبل 6 سنه و 4 شهر