معرفتك بسيارتك يريحك من تعب الورش

7 1

لايمكنك التصويت حتى الحصول على 20 نقطة على الأقل
إضغط هنا للإخفاء

الشايب معكم 193
قبل 11 سنه و 11 شهر

صلوا على النبي واذكروا الله يذكركم 

مدخل >> 
أنا رفيقك لا ضرب كهربك شوط **** أفزع بسكروبي وأفك الضفيرة 


   الصناعيه ، ذلك المكان في اطراف المدينه ، يكون غالبا مجال للغش والنصب >> كني داوود الشريان
ههههههه ، ويكون ايضا مدرسه لأشباه الصنايعيين لتعلموا فينا ماعجزوا عن فهمه ، فبعضهم يتعلم من مبدأ
خرب مره وثنتين وثلاث إلى أن تتعلم في حلال الناس ، والضحيه دائماً اشخاص لا يعرفون من السيارات
سوى (( مسكت الطاره)) ، وهذا السبب الاكبر اللي يجعل اكثر الورش ماشي سوقهم على قل سنع ، فتحصل
الواحد يغير 10 قطع مختلفه ولسا ماوصل للقطعه الخربانه ، يعني الميكانيكي يخمن مجرد تخمين ، ولايستطيع
الكشف عن الخراب وتحديده بدقه .. طبعاً بعض الاعطال تحتاج جهد أكبر وممكن تتطلب (فرط) المكينة
او القير وهذي قليل جدا مقارنه مع الاعطال الثانيه ، فانت بنفسك حاول تحدد ماهو الخراب بسيارتك 
أي جزء هو اللي يبغاله تغيير ؟ وهالشي لازم تعرفه من خلال توسيع معرفتك بموترك وطريقة عمله ، 
ممكن يجي واحد ويقول ياخي انا ليش اتعب نفسي ارميها عند الورشة وخلاص ، وهالشي غلط لأنك ممكن
تنحط في موقف ماحولك ورش مثل السفر مثلا ً .
نجي الآ لطريقة تحديد العطل ، كيف تعرفه ؟ وش نوعه ؟ غالبا تنقسم الاعطال لمجموعتين مهمه 
اعطال ميكانيكيه و اعطال كهربائيه 
الاعطال الميكانيكيه تشخيصها  وتصليحها دائما يكون اسهل بإستثناء المكينه يعني مثلا مشكله في الفرامل مشكله 
في مجموعة التبريد او عضلات السياره ((هذا بصفه عامه)) وغالبا العطل الميكانيكي يمشي السياره فتره
يعني الموتر يتحمل المشي عليه إلى ان تصلحه بعكس العطل الكهربائي فهو بسرعه يخرب السياره وتضطر
يا إما تسحبها او تجيب لها كهربائي في مكانها لذالك انصح الجميع ان يكون لديهم الحد الادنى بالمعرفه بامور
السياره وخلونا نحسبها صح الآن انت معك سياره وإذا الله كتب لك العمر ممكن تجلس تسوق 20 سنه
او ثلاثين او اربعين سنه وانت تستخدم السيارات يعني اصبحت شي اساسي في حياتك فماهو خساره انك 
تثقف نفسك في هذا الجانب وفي فايده ثانيه اللي هي ((معرفتك)) بالسيارات عند البيع والشراء فمن خلال
خبرتك تقدر تحكم وتقيم السياره اللي امامك هل هي ((ممتازه)) وتستحق الشراء او لأ . 
جزء مهم جدا ، كيف طيب ارفع معلوماتي عن آداء السياره وطريقة عمل اجزائها؟
بسيط جدا الموضوع إذا رحت عند البنشري تغير الزيت إنزل معه ، لاتقول ملابسي وما ملابسي ياخي
روح بملابس عادي مو ضروري تروح للبنشر مرسم ، أنزل معه تفقد عضلات سيارتك ، الاذرعه المقصات
الجلد ـ يعني شوف بنظره سريعه هل في ضربات في الحديد ، هل توجد مسامير متحلحله من مكانها
هل تشوف جلد مقطعه ، هل فيه اسلاك مجروحه هنا ولا هنا هل فيه تهريب زيوت من بطن السياره
واشياء من هالقبيل ، هذا نقطه النقطه الثانيه لما تودي سيارتك لورشة بخصوص تصليحها ناقش الميكانيكي
ليش تبي تغير القطعه الفلانيه ؟ طيب ممكن يكون كذا وكذا يعني حاول تشوف هل فاهم آدآء كل قطعه ولا 
يقعد يصرف و ( يهابد) معك واذا ما اقتنعت منه روح لكذا واحد حتى ماتروح فلوسك وتعبك رايح جاي على 
الفاضي ، وخلك معه اذا جا يفك ويركب حتى لو صرفك جيب لك عذر حلو وخلك جالس إذا السياره تصليحها 
مايطول كثير ، وشوف كيف فك اجزاء السياره ، ومع الوقت راح تتعلم حبه حبه كيف تشخص اعطال السيارات
وكلنا مانستغني عن حبايبنا ( ميكانيكي + كهربائي) ولكن على الاقل نفهم اللي حولنا وشو .
عني نفسي كل 3 او 4 شهور أخذت العيال ومعي الشاهي والقهوه واخذت كورة للعيال هههههههههههه
ودورت لي ذاك المكان اللي على كيفك وخليتهم يلعبون بكورتهم وانا ألعب تحت الموتر بالمفكات هههههههه
حاجه يبغالها شد هنا او هنا ومن هالكلام ،،،،،
اتمنى ماكون طولت عليكم >> حاس فيكم كلام الشيبان يجيب الغثى ههههههههههههههههههههههه

مخرج >>
 قلبي قبل فرقاك ما ينقص الزيت **** واليوم أزيده في كل مشوار علبه

إبلاغ

الردود