حساس الهواء للنيسان وسبب خرابه ؟؟؟

أنا أكثر سياره عذبتني ماكسيما 99 ولعب فيني حساس الهواء لعب غيرته مرتين تخيل لقيته بالوكاله 1700 ريال 

وأخذت واحد من التشليح ب 250 ريال ومشاني كم شهر وبعت السياره وعزمها ضعيف بسببه مع العلم إنها ماتعرف نقص الزيت والحراره

سبب خرابه ياطويل العمر أتوقع عيب مصنعي لأنه قريب مره من فلتر الهواء 

السبب يا اخوي انك ما برمجتو في الكمبيوتر او ركبتو ومافكيت سلك البطاريه او انو الفلتر وسخ او جبت مسدس الهوا ونظفتو من الداخل وسحب الوسخ (وانا اقدر اعلمك طريقه وان شاء الله تزبط معاك(بخاخ تنظيف خاص بACDelco ( نظف بوابه البنزين والثروتل وبعدين جيب البخاخ فك الحساس وفي قطعه بلستك وفيها مسمرين فكو وجيب فرشه اسنان بخ شويه وفرشي لمن شويه يلمع وبعدين روح بنشري في مسدس الهوا وجه المسدس على الحساس شويه عشان ينشف وبعدين ركب كل شي وركب وشوف)ولا تحرمني من دعوه منك

يا اخي سبب خراب الحساسات :

1) إهمال تغيير فلتر الهواء ( تلقاه متشقق وحالته حاله ) + اهمال تنظيف الفلتر .

2) اذا جيت تنظف فلتر الهواء لازم تحط قطعة قماش نظيفه بالفتحه اللي جهة الحساسات ( مكان سحب الهواء للمكينه ) ولا تنظف بالهواء المضغوط او الخ... لأن الحساسات صغيره ودقيقه وحساسه

بعد ما تحط قطعة قماش .. نظّف مكان الفلتر فقط

3) شقوق أو كسور صغيره بعلبة الفلتر او اللي الخرطوش الواصل بين علبة الفلتر والثروتل بودي .

الشقوق والكسور تخلي الغبار يدخل للحساسات والمكينه

4) الفلاتر الرياضيه .

5) علبة الفلتر غير مغلقه بإحكام .

6) استخدام بخاخ تنظيف الكاربرتير carburetor لتنظيف الحساسات .. أكبر خطأ لأنها غير مناسب و يخربها

فيه بخاخات خاصة لتنظيف الحساسات والثروتل بودي ولكنها للاسف غير موجوده عندنا
http://image.gmhightechperformance.com/f/18441990+w750+st0/0905gmhtp_04_z+crc+mass_air_flow_sensor_cleaner.jpg

http://www.tundrasolutions.com/forums/attachments/1gen-tundra/61346d1303952695-engine-sputters-on-cold-starts-crc-cleaner.jpg

فيه بخاخ موجود بالسعوديه .. يمكن يؤدي الغرض ويمكن يجيب العيد بالحساسات
http://www.4x4wire.com/toyota/maintenance/tacoma_4runner_30k/CRC_cleaner.jpg

تنظيف الحساسات يكون فقط برش بخاخ التنظيف المناسب .. و لا تلمس الحساس ولا تفركه بشيء وإلا بيخرب

فقط ترشه او تبخه بالبخاخ وتخليه ينشف وتركبه

كل بخاخات تنظيف الكاربرتير carburetor .. تضر الحساسات والثروتل بودي الإلكتروني ( كله أسلاك وحساسات )

الثروتل بودي نوعين :

1) ثروتل بودي عادي
2) ثروتل بودي إلكتروني

وأغلب السيارات الجديده تتخلبط برمجتها اذا فصلت البطاريه
وتصير اذا هديت ممكن تطفى

وبعد ما تستخدمها كم يوم أو تمسك بها خط .. تصير تمام

طبيعي جدا

يفضل قبل تنظيف الحساس او الخ...

فصل أسلاك البطاريه

لبى قلوبكم لاعدمناكم وشكر لكل من رد على الموضوع والفلتر عندي جديد بس اهملته بالتنظيف ويبدو لي هذا سبب العطل لان الفلتر يفضل تغييره كل 30 الف كيلو وخلال هالفتره كل 15 يوم ينظف بمسدس الهواء

الفلتر يتنظف مع كل تغييرة زيت .. كل 5 آلاف كيلو

والمبالغه بتنظيف الفلتر .. تضر الفلتر وتخلي فتحاته تتوسع بسبب كثره نفخه بالهواء المضغوط
واذا توسعت فتحاته تقل فلترته للهواء.. يعني يقل مسك الغبار

عشان كذا ما انصحك تنظفه كل 15 يوم .. إلا إذا كنت خلال هالـ 15 يوم تمشي بالسياره 5 آلاف كيلو

أهم شيء لا تركب إلا فلتر هواء أصلي من الوكاله .. أغلى من التجاري لكن يدووم وجودته أفضل من التجاري

واحذروا من الفلاتر والقطع التجاريه جودتها سيئه وأدائها أسوء من الأصلي ولا تدوم مثل الأصلي

الحل ياحبيبي ,,,,,,,,,,,, وراح تنسى تغير الحساس مرة ثانيه ان شالله


غير اول شي الحساس اصلي

واهم شي فلتر الهوى يكون اصلي وحاول يكون تغيير فلتر الهوا بعد20 الف كم كحد اقصى

لان السبب الرئيسي من واقع تجارب هو فلتر الهوا كنت اركبه من البناشر على اساس انه اصلي وبعد فتره يخرب عندي الحساس وعلى هالحال لين ما الهمني الله وعرفت السبب لان الفلتر التجاري او الاصلي على حق بعض البناشر وقطع الغيار ما يمنع دخول الغبار والشوائب للثروتل والنيسان وخااااصة المكسيما اللي والحساس تبعها ما يجامل اي نقطة غبار يخرب على طول بدون تفاهم وتاكد من قربة الفلتر لايكون ماتكبس صح او منشعرة ورقبتها بعد شيك عليها وراح تدعيلي ان شالله

فعلا الفلتر هو السبب مثل ماذكر لي صاحب ورشه سعودي ويقول لي اعرف كذا شخص معهم باثفندر ويغيرو الحساس شهريا ويقول لي نظف الفلتر كل 20 يوم وغيره كل 20 الى 30 الف


مشكورين ياشباب على الاضافه ولكم احلى لايك

حساس بسيط افضل من بعض السيارات اعطالها وعيوبها لاتنتهي

اذا السرعه ما تتجوز 110 لازم تشتري واحد جديد 

لانك ما تنظف ولا تغير فلتر الهواء !!!

بالفعل حساسات النيسان سهلة الفك و التركيب و التنظيف
وكذلك السعر 

وسهلة الخراب ههههههه 

اسباب خراب حساس الهواء من الفلتر التجاري نصيحه ي اخوان لحد يغير فلتر تجاري

اتوقع عيب مصنعي جنني بالددسن

مع اني اغير الفلتر باستمرار كل ٢٠ الف