أضف سؤال أو موضوع جديد          

ساهر وضع لحمايتك أم لجبايتك ؟

up 8 down 3



السلام عليكم و رحمة الله و بركاته , يسعد صباحكم/مساكم حبايبي , منوريني والله , حاب أناقشكم بموضوع كثر النقاش و الجدل فيه !!! ألا و هو (ساهر) و كلام الناس عن إنه (مشروع تجاري) و إنه (ماديً بحت) و هدفه الأساس زيادة المبالغ عن طريق المخالفات , أنا أقول لك (برافو) و (صح) و (عيني عليك باردة) و (معلمً يا واد) !!! ساهر لم يوضع لأجل الحد من الحوادث المرورية و التوعية بالقيادة السليمة و من هـــ(البطيًخ) الفاضي اللي أزعجونا فيه !!!؟؟؟ و طبعاً بيجيني واحد مطفيً النور و يقول: ما عندك سالفة (ساهر) للتوعية و الحد من الحوادث إلخ ... ومن هالحكي الماخوذ خيره !!! أقول له: رد على النقاط اللي أبطرحها عليك و جاوبني و إقنعني بأن النقاط اللي ذكرتها خاطئة و غير صحيحة  وبعدها راح أقتنع بأن ساهر على إسمه (ساهر وضع لحمايتك) و ليس لحلب (دراهمك) نجي على النقاط اللي راح أدمغ و أقفلً على كل واحد يقول بأن ساهر غير (تجاري) و لم يوضع لإستحلاب (دراهم و فلوس) الناس:

1/ لا يوجد في أي مكان في العالم و أنا شخص سافرت كثير للخارج (سيارتين ورا بعض) ترصدك !!! عشان تكون المخالفة (extra) و تكون زيادة الخير خيرين!!!! .

2/ لا تجد كاميرا في العالم أو سيارة رصد , تقف خلف (حاوية) أو وراء (شجرة ظليلة) حتى لا تنتبه لها و ترصدك بل القصد من الكاميرات هي التوعية و ليست (المخالفة) !!!

3/ لماذا في الخارج الكاميرات الثابتة أو (الردار) الثابت أكثر من السيارات المتنقلة ؟ بينما لدينا (كاميرات الرصد الثابتة قليلة) و الإعتماد الأكبر في (السيارات المتنقلة) ؟؟؟ لأن القصد واضح و معروف (زيادة المخالفات) و ليست (التوعية) !!!!

4/ لا تجد طريق في العالم له 3 سرعات مختلفة !!! وهذا موجود في طريق خريص (80 , 90 , 100) !!!

5/ لماذا لا يتم تفعيل برنامج (النقاط)في حال المخالفة  ؟ و هي برامج مُفعلة في كثير من دول العالم , و الذي إذا وصل المخالف إلى حد مُعين تُسحب منه الرخصة , صدقوني لو يفعلونً هالبرنامج راح يرتدع كثير من المخالفين !!! بس ما يبونك ترتدع يبونك (تدفع) و إسرع و إستانس !!!!

6/ لا توجد أي آلية واضحة في حال الإعتراض على المخالفات !!! و في (أمريكا) يصورونك و يخلونك تشوف مقطع (الفيديو) اللي رصدوك فيه (مالك حجة) !!! ومع ذلك تقدر تعترض و تقف عند القاضي و تشرح له أسبابك اللي أدتً فيك إلى السرعة ويقدر (يزيلها أو يخففها) على حسب الأسباب !!!

و في النهاية يا اخوان أنا والله ما أنصحكم بالسرعة و لست من مؤيدين السرعة أبداً !!! و لكن لست ممن يرضى بالظلم و (الجباية) الحاصلة في الشوارع و الطرقات , والله يا اخوان أنا من فترة لامن مسكت خط أثبتً على 120 مع إنه بعض الأحيان الخط الفاضي و لا حولك أحد بس وش نسويً ؟ إنقرصنا كثير من (ساهر) !!! مرةً كنت ماشي بخط الرياض / الشرقية , و الله يا اخوان ما أزلً عليكم بحرف !!! بمسافة 10 كيلو بس !!! 3 سيارات (ساهر) و القصد معروف عشان لو أسرعت و صادك (ساهر) ما راح تهديً على طول و راح تظل على سرعتك لأنك بتقول: (خاربة خاربة) صادني !!! وهذا اللي حصل معاي و بعدها إلتزمت بالسرعة القانونية اللي حاطينها هُم ولا يجيني واحد يقول: أنت مسرع و تستاهل أنا كنت أمشي 140 بس و كنت أصلاً مو داري عن وضع (ساهر) بالخطوط ولا 20 اللي زودتها ما تفرق شي !!!

أخيراً اخواني و حبايبي ( لا تحرموني دعواتكم و آرائكم , أرُحب بالمشاركة و النقد البنًاء , لا تنسى التقييم (لايك) إذا أعجبك الموضوع (دس لايك) إذا ما خشً مزاجك) و شكراً







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ساهر معروف وانا اخوك لجباية المال فقط ..يعني ودي واحد من القايمين على المشروع يفهموني

ليش ساهر واحد بالشارع وبعدها لا عاد تدوره ....يعني الناس لا هدو السرعه وقت يشوفون ساهر

وبعد مايتعدونه بيمشون 90 مثلا ؟؟؟ كلهم 120 وانت طالع خلاص عارفين ماعاد يقابلهم الا 

بعد مسافه طوويله ....يعني ماراح يصيرلهم حادث مثلا ؟؟ ..نظام عقيم ومتخلف ... ومرور 

ميت دماغيا من زمااان .... المفروض حلول جذريه... تنظيم واعاده تاهيل كامله للطرق ...

توعيه شامله للصغار بالمدارس والروضات ... زرع الحس المروري فيهم  من الصغر ... تغيير

ادارات المرور اللي عفنت وقطنت من الشياب الرتب اللي فيها ... واستحداث الشباب المتحمسين

للعمل ... حضور رجل المرور بكل شارع .... والحرص على تلبيه البلاغات الوارده والتعامل 

معها بجديه .... مو تدق على المرور مايرد ... وهذي صارت معي كم مره .....

مو تجيب لي جهاز يصكنا ب500 بكل شارع .... المصيبه انه مايصيد الا العاقلين اما الشباب

المتهور يافاك اللوحه يامغطي اللوحه ويتعداه ب160 .... يلا الحين قولي وين الفايده منه ؟.؟


up 8 down 0
roro212 1420
قبل 6 سنه و 11 شهر



اجل ع خط الرياض السرعه 125 حسبي الله عليهم 

ونا رياح وجاي بلمرسيدس 210 وتصورت لليل بس الحمد الله كنت مظبط وضعي 


up 2 down 0
أستشاري الحب 6472
قبل 6 سنه و 11 شهر



اللهم عجل بتعديل أسلوب هالنظام الظالم 

 أتعبنا وأقلقنا حسبي الله على من وضعه


up 0 down 0
فكوك 1684
قبل 6 سنه و 11 شهر



نضام جبايه بحت والهدف الكسب بس ماخرب البلد الا المطبلين تحصله ياكل من قسايم ساهر ويقولك نضام ناجح 
بالنسبه لسرعات 70 يصور على 78
80 يصور على 89
100 يصور على 110
120 يصور على 132 هاذا النضام
لكن فيه تلاعب بعضها يقللون السرعه الاضافيه
انا خطوط اذا فيه ساهر 129 ومايصور مثل المدينه الحرميه تخيلو وقت رمضان البلد مقللين فيه ساهر كله على خط مكه المدينه لكثرة السيارات تقريب لمسافة 150 كيلو من المدينه 4 او 5 سيارات
طريق جده مكه 70 كيلو يوجد 4 سيارات و3 او اربع كميرات ثابته يعني شغلهم مثل شغل الشركات والمحلات وقت الموسم كثف لنه فيه ناس تجي من خارج المنطقه وماتعرف اماكنه
الامارات الخطوط السريعه 140 التصوير بعد 160 السرعه المحدده فوق السرعه النضاميه 20 وماقول الا واصلي يابلادي واصلي
في استنزاف مدخرات مواطنيك وتنتيفه مثل الدجاج          


up 1 down 0
princ 18864
قبل 6 سنه و 11 شهر