أضف سؤال أو موضوع جديد          

نصب جديدة يقوم بها عمال محطات البنزين ......

up 56 down 14
ماجد mot 10851
قبل 8 سنه و 11 شهر



.
.
طريقة نصب جديدة يقوم بها عمال محطات البنزين البنقالية حسبنا الله ونعم الوكيل .....
.
وقفت عند أحد محطات البنزين  قبل يومين وأنا في طريقي من الرياض
إلى القصيم وقلت للعامل فل يا صديق سيارتي تاهو 2006م ......
.
المهم عبى البنغالي السيارة فل قلت له كم الحساب قال 49 ريال قلت أيش كلام ......؟؟؟
قال العامل ......
 أنت فيه نظر ولا لا شوف طرمبة بنزين ناظرت عداد الطرمبة لقيته فعلاً  49 ريال 

الجهة التي من ناحية السائق  ........ !!!!!  وكان معي ولد عمي
قلت لولد عمي ياولد مو معقولة سيارتي دائماً أعبيها فل بــ 39 ريال إذا مررررة مولعة اللمبة
طبعا بنزين 91 .........
وطلعت الفلوس وأنا متردد وشاك قلت ياولد الشغلة فيها أن  ...............!!!!!
نزلت من السيارة وأتجهت الى الجهة الآخرى من طرمبة البنزين لأتفاجاء بالكارثة ......
وجدت أن السعر 37 ريال والجهة التي من ناحية السائق 49 ريال .............!
قمت على الفور بأخذ سيم أو صيخ كما يقال عند البعض وربطت طرمبة البنزين حتى لا يتم تصفير العداد ...

ليبقى الوضع كما هو حتى وصول الشرطة ليتم القبض عليه وهو متلبس بالجرم المشهود ... والي محكمه العدل قصاص  ههههه
.
المهم قام البنقالي ينفخ ويصيح أنت نفر مافيه كويس أنت نفر كذاب هذا طرمبة خربان .......الخ
تورط البنقالي  ولا فيه مفر هههههههههههه
.
طلبنا الشرطة على 999 قلنا ارسلوا لنا دورية على المحطة الفلانية علي طريق القصيم فيه واحد مسوي كذا وكذا

المهم وحنا قاعدين ننتظر الشرطة قلت لولد عمي ليش مانسوي تحقيق مع البنقالي حتى تجي الشرطة قال ..... تم قدام

مسكنا البنقالي ولطمنا فيه شويه أعترف ياحيوان ليش كذا وتصفيق ......
ظرب بدون آثار حتى ما يشتكينا على الشرطة المهم وحنا قاعدين نعذب فيه جاء جيب الدورية ....
وشافانا أنا ولد عمي واحد مكتفه واحد ينتف فيه بقوس قال أش فيه قلنا الحيوان هذا متلاعب بالعداد ......
حق طرمبات البنزين قال العسكري ليش ماسكينه قلنا عشان مايهرب قال البنقالي كذاب هذا نفر يضرب انا
قلنا ياعسكري هذا كذااااااااااب ماسكيناه حتى مايهرب صدق العسكري كلامنا وعطى البنقالي كف يخلي اليهودي يسلم هههههه
شيك على الطرمبة فوجد التلاعب والطامة الكبرى أن جميع طرمبات المحطة متلاعب بها .......
الجهة التي من ناحية السائقين تعطي معلومة غلط عن السعر بزيادة عن الصحيح والجهة الأخرى سليمة
بعد التحقيق معه في مركز شرطة الصحافه .. أعترف بتخريب السنة الخاصة بالسعر لتعطي قراء خاطئة 
.
وأغلب السائقين يشوف السعر يعطي الفلوس ويمشي على طول والبنقالي يطلع 4 آلآف ريال الى 5 آلآف ريال شهرياً ....
غير الراتب في كل مرة يعبي بنزين للسيارات .......
.
.
.
الحذر ياخوان من محطات البنزين وخاصه علي الطرقات السريعه
انتبهوا منهم لانك تعبي و مستعجل او معك عائيله و لا انت فاضي تشيك او للمشاكل ....
حسبنا الله ونعم الوكيل .....
.
.
تحياتي واشواقي لكم ........
فاصل ونواصل غدا بمواضيع جديده
.
ابومطلق ....
.













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مواضيعك ممتازه.  صادق انا ماشي من الرياض. للدمام.  وانا جاهز للمشى ففلت موتري
واعرف موتري يوصلني للدمام وباقي فيه ربع
المهم. خرب العداد اللي يعلمني عن مستوى البنزين.  انا من باب الاحتياط.  يوم بقا ١٥٠ على الدمام
قلت افلل احتياط  فللت قال ٦٤ ريال نعم   اذا الفل حقه ٧٢. وحولها. وباقي فيه حسب ظني
ومعرفتي اقل من النص    واشوف العداد الا فيه ٤٦ ريال. شوف عكسها 
قلت اعطيك هذا قال عندك هوا.  طبعا نصبه لان سيارتي واعرفها ممكن اقل من ٤٦ لكن
نقول ٤٦.   قام ينفخ. واتحادا واصنه بذاك الكف. اللي حلال لنصبه علي وقلة ادبه
جا خويه قال مسكين هذا يخصم من راتبه.  قلت العداد ٤٦ كيف يخصم من راتبه
يعلم الله ان اغلبهم ماينرحم مع ان ربي يعلم مانفعله بالسر ابتغاء مرضاته.  لكن هذولا
طايحين في اللي يدفع وهو مغمض. واذا بغت امه اخته اخوه. طلب ب ١٠ بخل عليها
والهنود وغيرهم طايح فيهم



up 1 down 0
عبدالله الشفيعي 1440
قبل 4 سنه و 10 شهر



احسن خلنا حناء نعبي السيارة بنفسنا وخلاص


up 0 down 0
sami al harbe
قبل 3 سنه و 2 شهر