ياشباب عندي رجه في الموتر

تأكد من الأذرعة والمقصات والجلد . بعدها 
تأكد من الكفرات .
أحياناً الصينية لازم تسوي رجه .
وإذا كفراتك ماركة جيدة .
روح الصناعية القديمة ورشة اليرموك وقلهم ترصيص أرضي تقريباً 80 وأنت وشطارتك .
وإن شاء الله تنسى شئ اسمه رجه .

كفرات مركبها   صيني  ؟  تحصل  رجه  و نقزه  وحدفه   وكل شي يخطر في بالك  

ي خوك سيارتي كانت ترج على 110 وسويت ترصيص وكل شي ما فاد  .. وغيرت الكفرات طقم والحين ﻻ رجه وﻻ يحزنون .. يمكن كفراتك محبله .. او عندك جنط منطعج مسوي لك هالحوسه .. الله يعينك 

عبد الرحمن كنت مركب كفرات صينيه ولها سنه ﻻ رجه وﻻ حذفه وﻻ شي .. بس يوم صدمت رصيف قامت ترج والحين غيرتها .<< قال قصة حياته خخخ 

مشكوورين يااخوان على ردودكم لاكن كفراتي توني مركبهاء لهاء سنه ماكسس وجنوط توني مغيرهاء طقم جديده وباقي الرجه

شيك على العفشيه كامله (العكوس الداخليه + الكفرات من الداخل ممكن في تحبيله داخليه + الجنوط لو اشتريتها مستعمل شوفها ممكن فيها لحام ولا شي ولو كلو تمام سوي ترصيص ارضي وان شاء الله خير والله يعطيك العافيه

يالغالي وش ترصيص ارضي ووين احصله وش اسم الورشه

ابو مبارك اسال اي بنشري يوصفك قوله ابغى ترصيص ارضي ..

الترصيص الأرضي بيفيدك وهذا حلها
بس إذا كفراتك تعبانة و ماتسوى غيرها وريح راسك ورصصها أرضي عندك 20 مركز بالصناعية القديمة (اليرموك - الدرع - العضيب - المجد - البلاد - ........ )رح عند أي واحد فيهم و يظبطون أمورك.

بس يااخوني ماقلتولي وش الترصيص الارضي وكم يكلف

طيب يمكن مركب جنوط دايو اذا مركب المشكله من الجنووط

لاولله مركب حقة الشد بلد يااخوان محد يفيدني وش الترصيص الارضي وكم يكلف

ترصيص ارضي عند العضيب ب١٢٠ رح لليرموك ارخص منهم

اخوي .. شيك على عمود الدوران .. يمكن تكوون الرجه منه .. انا كان عندي مثلك .. وسويت كل شي .. وطلع الموضوع كله من العمود .. روح سوي له ترصيص .. ويضبط معك ..

وشيك على الصلبان حقت العامود

المشكله في فضاوة الدوده لامن مشيت في طريق متهالك ترج وتنفض ولا تعديت ١٠٠ او مسكت فرامل تروح