ماهي أنواع السلفرادو والسييرا

يارجل كلهن سوا ............. 

الجمس الحوض انواع كثيره

لكن الموجود عندنا .. حجم 1500 وحجم 2500 ونادر تلقى 3500 ( موجود بالامارات وقطر )

عموما الجمس مايبي له كلام موتر عز

المكاين تجيك 5 انواع وهي المعروفه عندنا بالخليج

6 سلندر .. مكينه 4.3 لتر والمكينه هذي الاكسنت تطقطق عليه
ومواصفاته حلوه ماعليه ( مثبت + مسجل + درايش كهرب + دبل ارضي ) الاسعار تختلف دائما
ماتمسك سعر واحد للاسف ( خصوصا من وكاله لـ وكاله )

وفيه 8 سلندر .. مكينه 4.8 لتر والمكينه عزمها لابآس فيه قريب من 5.3 لتر
ومواصفاته نفس الـ 6 سلندر ( لكن يجيك داخلي بيج واكسسوارات بسيطه ) وجنوط نفس جنوط اليوكن اقل فئه , والاسعار غالبا تحصله بـ 95 الى 98 الف بالوكاله

وفيه 8 سلندر .. مكينه 5.3 لتر , وهذي عزمها جباااار ماشاء الله
ومواصفاته توب التوب ( دبل كهرب + داخلي بيج نفس اليوكن + دف لوك + جنوط كروم ) و و الخ
واسعاره من 103 الف الى 106 الف بالكثير

وفيه 8 سلندر .. مكينه 6 لتر , وهذي عزمها اقوى بالتآكيد
ومواصفاته ماتختلف كثير ( يمكن الفرق تجيك المرايات كبيره ) والجنوط معروف جنط الجمس 8 مسامير مثله مايتغير !
وسعره مايتعدى 125 الف

وفيه غمارتين 6.2 لتر , 8 سلندر طبعا وهذا مواصفاته مواصفات دينالي وسعره تقريبا 180 الف

وفيه سكاليد بس غمارتين وسعره تقريبا 250 الف .. ومواصفاته مثل الجمس سكاليد

الحين نجي لـ الفروق الميكانيكيه للجمس الحوض الموجود عندنا

الفرق بين حجم 1500 مكينه 5.3
وبين حجم 2500 مكينه 6 لتر فرق جبار وكبير

- الجمس 6 لتر اثقل وزن بكل تآكيد
- مكينه 6 لتر اكثر تحملا من 5.3
- مكينه 5.3 اقوى من 6 لتر ( لثقله ) لكن بالخط الـ 6 لتر اقوى بشي بسيط
والقوه بين الاثنين متقاربه لـ نصف سياره بالخط تقريبا او اقل !
- قير ودفرنس الـ 6 لتر اكثر تحمل واقوى عزم
- شاصي الجمس 6 لتر اكثر صلابه
- الـ 5.3 اريح بكثير من الـ 6 لتر

خلاصه الكلام

اذا انت استخدامك بالديره ومشاويرها + طلعات بر خفيفه + مسايس بالنفود وتعطيس خفيف + راعي سفر + تحميلك خفيف

اقولك خذ الـ 5.3 غماره

واذا انت راعي كرف + تحميل + جر مقطورات وغيره

خذ الـ 6 لتر

وهذا مو تقليل بتحمل الـ 5.3 بالعكس فهم تقريبا نفس العمليه والتحمل

لكن الـ 6 لتر اكثر صلابه من هالناحيه لـ كبر مكينه + قيره اقوى + شاص ودفرنس اقوى

وفيه جمس 3500 ( اللي يجي 4 كفرات ورى ) يسمى دبل واير

وهذا نادر تحصله بالسعوديه

وتقريبا نفس الـ 6 لتر

لكن اقوى جر وتحميل

وفيه 4500
و5500
و6500
و7500
و8500
و9500

ابحث عنها بقوقل الصور

بالتوفيق يالغالي

السلام عليكم نعم اخوي الغمارتين يجي شاص قصير ويجي شاص طويل وبذات بالامريكي
ونصحك بالشاص القصير