أضف سؤال أو موضوع جديد          

استشارة بخصوص مشروع سطحة

up 7 down 1
الحويزي1 1127
قبل 6 سنه و 10 شهر



أخوتي الكرام
انا وواحد من الشباب البارح فاضين وجالسين نتمشى في ربوع مدينتنا وكل شوي طالعين بمشروع غير عن الأول، 
مره محل خضار ومرة شركة نقليات ومرة معدات ثقيلة ومره بوفيه ومرة شركة مقاولات كهرباء ومره نبيع شاهي
على جنب الطريق،، المهم مالكم في الطويلة واللي بيسمع سوالفنا البارح انا وخويي يقول ضاربين صواريخ جو أرض
لكن الحمد لله مالنا في هالأمور،، مجرد نبي ندخل عالم التجارة من اوسع أبوابها رغم ان التجارة حبة حبة.

آخر ما استقر عليه الرأي سطحه نقل سيارات مصدومه وعطلانه " كفاكم الله الشر " قلنا نشتري وحده بحدود الأربعين
نقط فيه من 20 واللي فاضي مننا ويتصل عليه أحد يبي مشوار يتوجه له والمكسب بالنصف أو حسب الاتفاق. ونبي الشغلة
داخل مدينة خميس مشيط وضواحيها ( للي يعرفها ) يعني منها رزق ومنها نقضي وقت الفراغ بشيء طيب.

مانستغني عن مشورتكم وآرآئكم ،،، وسلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أخوي صباح الخير .. مشروعك طيب ان شاء الله لاكن اهم شي انت وخويك لاتزم تتفقون على شي ويكون الاتفاق مستمر الى أجل مسمى

بدون مشاكل بينكم لانك تبغا المكاسب على الاقل راس مالكم ..

والاتفاق يكون قبل تشترون اي شي لانة ياكثر مانسمع اخوان تدابحو على الفلوس بعيد الشرعنكم باذن الله لاكن الي أوله شرط أخرة نور .

والله يوفقك أنت وخويك ويرزقكم الخير الواسع آميين يارب العالمين موفق أخوي .


up 7 down 0
مستر بن . 10375
قبل 6 سنه و 10 شهر



يعطيك العافية أخوي،، وأبد ان شاء الله ما يصير الا كل خير وفعلا الاتفاق في البداية على الصغيرة والكبيرة من أساسيات التعاقد، والله يوفق الجميع وننتظر المزيد من الآراء أو التجارب


up 3 down 1
الحويزي1 1127
قبل 6 سنه و 10 شهر



اشوف انكم تاخذون السطحه وتشوفون سواق ويعطيكم المقسوم في الشهر

او انك تشتغل فيها رسمي على طول

اما انك تقعد مسدح وتروح مشوارين في الشهر مافيها خراج




up 6 down 2
ibrahime 1195
قبل 6 سنه و 10 شهر



الشراااااااااااااااااااااااااااكه مانصحك بها


up 4 down 1
البرنس 2006 2087
قبل 6 سنه و 10 شهر



نصيحة مني اشتغل لوحدك وخل عنك الشراكة دام راس المال بسيط واذا كنت نشيط اشتغل عليها او جيب لك سواق نشيط وسجل رقمك في امن الطرق حتي يعطونة اي متعطل محتاج سطحة وبالتوفيق


up 3 down 1
الجوابر 749
قبل 6 سنه و 10 شهر



إذا تبي تخسر وتخسر خويك شاركه والشراكه ماأنصحك فيها أبد 


up 5 down 1
ابــو ســنــد 10639
قبل 6 سنه و 10 شهر



والله الصراحه فكره ممتازه ومربحه با النسبه لعمرك يعني مو.متزوج ولا عليك التزامات 
بس انصحك تكون السطحه لك ولا يشارك احد 


up 2 down 0
دحيم٧٧٧ 2204
قبل 6 سنه و 10 شهر



شوفلك دباب مثل اللي يستخدمونها فالطايف مثل الهايلوكسات يمكن تعرفها وصندقه واشتر ادوات تنظيف وتلميع وجهاز بخ ماء من ساكو وكل مايلزم لتنظيف السيارات واكتب على الصندوق مغسلة سيارات متنقله نجيك لحد بيتك دار بيت بيت زنقه زنقه وحط رقم الجوال وراح تجيك الاتصالات من كل مكان والناس را تعجبهم الفكره تجيهم مغسلة سيارات لحد بيتهم وكل مااحد بغى يغسل سيارته يدق عليك وانت تروحله وعند بيته بحيث يكون معك في الصندوق حوض ماء كبير هاه وش رايك ؟


up 2 down 1



اشكر الجميع بلا استثناء ولكن لي تعليقين:
الأول على الأخ دحيم وبصراحه رده ضحكني لأني ما ذكرت شيء بخصوص عمري
ولا حالتي الاجتماعية. وأحب اقول لك تراني أبو عيال لا يغرك اني طالع مع خويي ونتمشى.

الثاني: الأخ شاقح فكرتك أعجبتني وجاري دراستها


up 1 down 1
الحويزي1 1127
قبل 6 سنه و 10 شهر



السلام عليكم
اخوي صح الاعلان قديم او نقول الاستشارة بس ما يمنع اني ما اعطيك رائيي
اولا المشروع ناجح بس يحتاج لشخص ما عنده عمل و انا جربت الشغلة و المثل يقول اياءل مجرب ولا تسال طبيب
مسالة انك بتحط عامل العامل بيخسرك اولا ممنوع الاجنبي يسوق السطحه ثانيا لو سمح الله تعطلت السطحه بيتصل عليك و يقول انا بالمكان الفلاني و السطحه خربانه
لو تشتغل بنفسك و الله ما تاقف بس ترا فيها تعب و ارهاق كانك رجال تصبر اجزم و اشرها شرط بالشهر تطلع حول 30 الف و اكثر 
انا عندي سطحه و عندي قروبات للسطحات الشغل ما يوقف و انت جالس في البيت يجي مشوار و تتفق مع راعي الموتر ان جاز له المشوار ولا رجعته في القروب و تقول انا ما ابغاه


up 0 down 0
الوافي s
قبل 3 سنه و شهر



مامسك السطحات الا الأجانب 


up 0 down 0
mutlaq1212
قبل 3 سنه و شهر



كيف تقول ممنوع ي حبيبي والله م اكلنا الا هم انا أداوم صباح و ١٢ الظهر طالع تنصحني اشتغل فيها 


up 0 down 0
mutlaq1212
قبل 3 سنه و شهر



سطحه مع اجنبي ماتصلح يدمره لك دمر تاخذ منه الفلوس تصلح بالسياره



up 0 down 0
نايف 767 65
قبل 2 سنه و 12 شهر



الخبل والصاحي قد معه سطحه
سسو لك شاهي بالجمر اصرف لك من السطحه


up 0 down 0
ع.س.ق 505
قبل سنه و 9 شهر



استخر وتوكل على الله.   الحركه بركه ونا خوك


up 0 down 0
عبدالله 99863
قبل سنه و 5 شهر



انا ابي قروب سطحه


up 0 down 0
ابو راشد1222
قبل 5 شهر



اذا ممكن
بعد التحيه



up 0 down 0
ابو راشد1222
قبل 5 شهر