ما هي أول سيارة إقتنيتها ؟ موضوع لإستعادة الذكريات

19 4

لايمكنك التصويت حتى الحصول على 20 نقطة على الأقل
إضغط هنا للإخفاء

غرك جمالك يا خسارة حلاتك 6900
قبل 11 سنه و 11 شهر

السلام عليكم و رحمة الله و بركاته ,, في البداية أحبً أمسيً / أصبحً عليكم بالخير اخواني و حبايبي أعضاء منتدى (حراج) بصراحة حابً أرجعكم للذكريات القديمة شوي !!! تعرفون الواحد لمًا يكبر شوي يحنً لأيام (الصبا) الله أكبر يا (الشايب) !!! ومثل ما قال الشاعر الجميل محمود البارودي:

ردوا عليَّ الصبا منْ عصريَ الخالي وَهَلْ يَعُودُ سَوَادُ اللِّمَة ِ الْبَالِي؟

ماضٍ منَ العيش ، ما لاحتْ مخايلهُ في صفحة ِ الفكرْ إلاَّ هاجَ بلبالي ؟

سلتْ قلوبٌ ؛ فقرتْ في مضاجعها بَعْدَ الْحَنِينِ، وَقَلْبِي لَيْسَ بِالسَّالِي
 
المهم مالكم بالطويلة حاب أسترجع أنا وياكم ذكريات أول سيارة إقتينتها شخصياً !!! وش كان شعورك ؟ و هل كانت بقناعة تامة منك ؟  أو (مكره أخاك لا بطل) يعني مالك حيلة جابها أبوك لك و قال خذها !!! و هل كنت محافظ عليها أو (كارفها كرف الويل) ؟ طبعاً راح ابدأ بنفسي أولاً: أنا طبعاً سقت من بدري يعني من عمري تقريباً (12) أو (13) سنة كنت أسوق سيارة السواق طبعاً بعده ما أعزمه على 2 شاورما و ببسي !!!!! والسواق خلاص يروح (ملح)  بعد الإغراءات الجميلة هذي !!! المهم كنت أسوق بدري طبعاً بدون علم (الشايب الله يرحمه)  !!! طبعاً يا ما جبت العيد (قبعات) و (ضربات) و كان أخوي الكبير الله يحفظه (يرقعً) لي إلين جبت العيد مرة و دخلت في (عقم) كنت أفحطً فيه في أحد المخططات !!!! و إنحرمت من السواقة (5) سنوات كانت ثقيلة علي بالحيل !!! و خصوصاً إن (المعززين) سحبوا علي لإن بإختصار ما كان معاي موتر !!! المهم بعد ما خلصت ثاني ثانوي طبعاً أغلب الشباب على وقتي من يتخرج من المتوسطة يطلعً موتر !!! و أنا مقضيها (ليموزينات) و (ترجيً لفلان و علان يمرني) !!! الحالة صعبة ما أخفيكم ؟؟؟ طبعاً بعد ما خلصت من الإختبارات و أبشركم (نجحت) ممتاز و لله الحمد !!! كلمت الوالد و قلت له: الوضع ما ينفع أبي موتر مليييييييييييييت !!!! قال: خلاص وش تبي ؟ المهم  ذاك الوقت عام 2000 أو 1999 ما أذكر بالضبط !!! المهم قلت للوالد: أبي ماكسيما قير عادي لون كشميري !!! قال: إيه هين عشان يدقون علينا المرور يقولون ولدكم داخل بعمود إنارة ولا خاش برصيف مافي ماكسيما !!! ما نسى أيام الهجولة على (البيجو)  !!!؟؟؟ المهم قلت: شف لي موتر شبابي و دزة !!! (واثق بالحيل) (هههههههه) المهم و مالكم بالطويلة بعد إسبوعين ألقى هايلكس (92) ملبق عند الباب !!! و أروح للوالد وش هالموتر من له ؟؟  قال هذا موتر شبابي و حق بر بعد مبروووووك !!!!! قلت: بس مو مستواي !!! إمحق يا (براد بيت) (ههههههههه) المهم و أطقها زعل قلت للوالد ما أبي موترك أقضيها رجلية أبرك !!!! قال: على راحتك غير هالموتر ما فيه ؟؟؟ المهم جلست حول 3 شهور ما بين (ليموزينات) و(فلان مرني)  قفلت معاي !!!! المهم و  أنا راجع للبيت قابلت الوالد قلت: وين مفتاح (الهايلكس) أبجربه !!! يمكن يعجبني و أغير رايي ؟؟ المهم الوالد عطاني المفتاح ومن بعدها عرفت إن الله حق !!!! طبعاً كنت محافظ عليها ما أكشت عليها واجد , ولا أخمسً عليها تقدرون تقولون جاني عقل الرحمن و ركدت شوي !!! بالبداية ما كنت حابها !!! بس مع الوقت زاد حبي لها , جلست معاي تقرياً (6) سنوات ما شفت منها إلا كل خير , و صدقوني لو ما (خبطتً)  المكينة يمكن جلست معاي أكثر من هالوقت لأنها فعلاً سيارة جبارة و كانت مريحتني كثير !!! المهم اخواني طولتً عليكم بسالفتي و أكيد جبت لكم (النوم) لا تنسون  تاخذون (رشفة)  قهوة و تشاركوني قصصكم الشيقة و الممتعة و آخر   شي (أتمنى تحللوني على القصور و شكراً) 

إبلاغ

الردود