نصيحه مهمه جدا بخصوص مسمار الإستبنه السبير
15
1
إضغط هنا للإخفاء
السلام عليكم ورحمة الله وبركاته
قبل كم سنه فكيت الأستبنه ونظفت شنطة السياره .. وعقب ما انتهيت من تنظيف وترتيب الشنطه .. رجعت الستبنه وشديت أم مسمار الإستبنه ( من باب الوسوسه .. قلت اخاف يتحرك ويطلع صوت مع الاهتزاز أو المطبات )
المهم وبعد تقريبا كم سنة ( من سالفة شد المسمار بقوه ) .. عجزت أفك المسمار اللي ماسك الإستبنه حاولت فيه وحاولت فيه ما قدرت افكه ناشب أو ملتحم الله أعلم
حتى وديته لعمال وقلت اللي يفكه بعطيه 5 أو 10 ريال وفرحو لكن ما قدرو يفكونه .. يقولون مين نفر هذا ركب مافيه تركيب كويس يربط زياده بعدين خراب
وإلى الآن ما قدرت افكه ..
سيارتي صغيره .. والسيارات الصغيره يكون الإستبنه بالشنطه يختلف عن الجيوب والوانيتات
فـ نصيحتي لكم لوجه الله تعالى ومن باب أحب لأخيك ما تحب لنفسك
لا أنصحكم بشد مسمار الإستبنه بقوه ( للسيارات الصغيره ) .. ولو تحط شوي زيت مكينه على مسمار الإستبنه اتوقع يكون أفضل
إبلاغ
الردود
او حتى بالزراديه ؟
اذا مانفعت معك ماعندك االا تفك المسمار بالاكسجين
0
0
أكثر من مره .. حتى جربت أرش WD-40 بالليل واحاول فيه الصبح وما نفع !!
خاصة أن فيه بلاستيكة تعتبر مسكة للمسمار .. مغطيه عليه
وجربت الزراديه وانفك شوي ثم رفض ينفك و بعد محاولات لفكه بالغصب انكسرت البلاستيكه اللي تمسك المسمار
كيف افك المسمار بالأكسجين ؟؟
الله يعين
4
0
والمشكله الحين الأستبنه لا هو مشدود مسماره ولا مفكوك بالكامل .. المسمار ناشب .. والاستبنه يتحرك مع المطبات القويه وازعجني يطلع صوت
وعلى طاري الشد الزائد احذروا من الشد الزائد والمبالغ فيه عند تغيير البواجي .. تخرب سنون مكان تركيب البواجي برأس المكينه ( خاصة المكاين الألمنيوم )
أو تلتحم البواجي برأس المكينه ( سواءا ألمنيوم أو حديد )
5
0
اذا شديته ثاني حط جلبه أو لستك وشد عليها افضل
1
0
انا توهقت يوم احتجته أبركبه لواحد يقرب لي .. ما قدرت افكه .. نكبه
4
0
واقرب سمكري ومطرقة كسرا وريحت راسي
0
0
0
0
0
0
طيب اذا قصيت المسمار بالاكسجين .. ما راح اقدر أثبت الإستبنه
المسمار طويل .. واذا قصيته بيبقى بعضه يسد فتحة مكان تركيب مسمار جديد
أنا بحاول أطلعه حتى لو تخرب سنون مكان تركيب المسمار
اذا قدرت اطلعه .. بجرب اركب مسمار جديد أو مستعمل من التشليح لكن بنظف مكان تركيب المسمار وبحط شوي زيت مكينه على المسمار عشان ما ينشب ولا راح أشده بقوه ..
واذا كانت سنون مكان تركيب المسمار خربانه .. بشوف المخرطه وش يقولون
واذا مالقيت حل بشوف الوكاله اذا القطع هذي تتغير أو ثابته بالشاصي
معلومه اضافيه :
* اذا تبي تحافظ على سنون مكان تركيب البواجي
لا تغيّر البواجي والمكينه حاره .. لازم المكينه تكون بااااارده يعني مخليها تبرد لساعات طويله
فك البواجي شوي شوي .. واذا جيت تركبها ركبها شوي شوي و بيدك الين توقف .. ثم شدها شووووي بس بمفك البواجي ( ربع لفه .. أو نص لفه بالكثير )
فيه شيء يحط على سنون البواجي اسمه anti seize compound لكنه غير موجود في السعوديه للأسف
وظيفة المعجون هذا يمنع التحام البواجي برأس المكينه
ولو تحطه على مسمار .. اذا جيت تفكه بعدين يكون أسهل يعني ما يلتحم أو الخ ...
3
0
1
0
جيب كماشه االي هي زراديه بس لها زي السبرنج الضغاط وبتفك ابوها والي خلفوها
1
0
2
0
1
0
او حتى بالزراديه ؟
اذا مانفعت معك ماعندك االا تفك المسمار بالاكسجين
قبل 11 سنه و 11 شهر