نرجو أختيار عنوان مناسب يصف محتوى موضوعك بإختصار.

انا بعت تاهو 2001ة لليمن في حراج الشفا اول مادخلت الحراج طمر معي داك اليماني قال انت بياع قلت نعم بياع وادخل انا وياة الحراج ويزاودون فيه منهم وفيهم ويشترية يماني مشخص بغترة وعقال ويركب معي ويقول بيروح يفحصة ويفحصة ويطلع فية بعض الخرابات ويطلبني انزلة 2000 ريال ويحدف غترتة وعقالة علي دخلة المعرض وخديت عربون ماامداني امسك الشارع ال هو مطلعة من المعرض مودية للحراج.

شكرا على مشاركة تجربتك معنى طيب وش تنصح للبيبع سيارته يسوي

اول نصيحه لك انت يالبياع انك لاتخدع اللي بيشتري منك السياره <<
وثاني نصيحه انك تبعد عن الشريطيه ××
 
وهذا وصلى الله على نبينا محمد

أهم شئ يكون البيع لواحد مستخدم يقدر السيارة والأمر الآخر إنك توضح مشاكل السيارة خصوصاَ المشاكل الكبيرة مثل الصدمات وغيرها

عندي سياره فيها عيب قوي ماحد يعرفه الا شخص محترف بقوه واذ اخبرت عن العيب
مارايح احد يشتريها اويطيح من قيمتها شي كثيركيف العمل
 علما ان العيب الي اتكلم عنه في مصلحه السياره انا مسويه ومايضرعلي المستخدم
يضر في البيع انا لو ابشتري سياره وفيها كذا ماشريتها قولولي ويش اسوي

انصح الي يبي يبيع سيارته انه يتاكد من قيمتها كم تساوي بالمعارض
يعني يروح المعارض ويسال عن اسعلر السيارات المشابه السيارته

دام بيع وشره اول شي الامانه لجل الله يبارك لك في رزقك


وثاني شي يااخوان شفت لي جيب قديم وناوي اشتريه والرجال ماقصر وعلمني بكل عيوابه لكن الفحص منتهي له اسبوعين انتهي بتاريخ 4/24 والسياره موديل 84 مرفوعه للبر كيف امشيها ياليت تفيدوني يااهل الخير انا من جده واذا يقدر احد يعديها ياخذ حق تعبه

اهم شي الاستخارة قبل كل شي وماندم من استخار

نصيحة للخوي wdwd  اذا  انت اضفت للسيارة  اي شيئ لازم تخبر عنه عشين تبري ذمتك غير كذا بتلاقي انشاء الله الي يقدر
اضافتك للسيارة ويخوذها بسعر السوق  أو أذا كانت الاضافي بسطه وتقدرتزيلها و ترجعها زي ماكانت يكون احسن 

إذا رحت للشريطي تسأل عن سعر سيارة تبي تشتريها من مستخدم

يعطيك سعر بخس
وهذا طبعهم

نصيحة الي يبي يبيع سيارة يدخلها للفحص وتاكد من الاعطال ويصلحها ثم يحتفض بورقة الفحص وان شاء الله يحصل من 
يربحه لان الناس تحث عن المصداقيه والامانه