موقع حراج و المزادات الوهمية
18
2
إضغط هنا للإخفاء
السلام عليكم و رحمة الله و بركاته ,, في البداية أحبً أصبحً / أمسيً عليكم بالخير حبايبي ,, في البداية حابً أشيد في موقع و منتدى حراج و أنا من محبي الموقع الجميل موقع (حراج) و تعاملت كثير و خصوصاً في الموقع من بيع و شراء و غيره إلخ ...
و لكن لي ملاحظات على بعض الأعضاء , الله يهديهم بس !!! يعني تجي تدخل إعلان لأحد السيارات تسوى بالكثير 50 ألف !!! هذا مثال واقعي و شاهدته في أحد الإعلانات و لو كان الإعلان جديد و موجود جبت لكم الرابط حق الإعلان !!!!
المهم جاء واحد و سام السيارة ب 45 ألف طبعاً تجيك الجملة المعهودة (سومة طيبة و نطلب من الله الزود) , و جاء واحد ثاني و فرق السوم ب 500 يعني و نفس الحكاية , المهم و يجيك واحد ماشي تريليون بسومة عجيبة !!! أنا أسوم ب 60 ألف
و إذا ما جازت لك إعتبرها فتحة باب !!! يعني السومة الخيالية اللي حطها زيادة عن قيمتها بالسوق ب 10 الآف , يبيها تكون فتحة الباب اللي يزاودون عليها باقي المشترين !!! طبعاً الحمدلله إن الموقع يحطون على بعض الأعضاء عند بداية التسجيل (عضو جديد)
وهذي الحركة منتشرة في الموقع من بعض الأعضاء هداهم الله , يجيك يسجل بأكثر من (user) أكثر من عضوية !!! و يزاود على إعلانه !!!! و للأسف ألقى بعض الناس تنطلي عليهم الخدعة , يعني بعد ما سام الأخ أبو 60 ألف و اللي على قولته: إعتبرها فتحة باب
جاء شخص ثاني و فرق السومة !!! طبعاً مو كل الأسعار الخيالية تكون من الشخص اللي منزًل الإعلان !!! في بعض الأعضاء الله يهديهم يزاود بهدف تخريب البيع و يا كثرهم !!! أنا مرة كنت أبشتري فورد 2005 من موقع حراج طبعاً الكلام له حوالي سنة !!!
كانت قيمتها بسعر السوق طبعاً ب 45 ألف , كلمت راعي السيارة و قلت له: أبيها ب 45 و فلوسي والمة , قال: بس عليها سوم 52 إفرق السوم و الله يبارك لك , قلت له: لا والله ماني بفارق السوم الله يبارك لك , المهم إتصل علي إذا كنت بياع ب 45
المهم إتصل الرجآل علي طبعاً هو متعلق بسومة الموقع 52 !!!! قال: تبيها ب 50 ؟ قلت: لا الله يبارك لك ب 45 أقابلك بالمعرض اللي تبي و نخلص , قال: بس عليها سوم 52 قلت: طيب بع ب 52 والله يبارك لك أنت و الشاري غير 45 ما عندي !!!
المهم الرجآل عرف إني ما راح أزود على السومة اللي عطيته !!! إتصل علي بعدها بيومين تبي ب 48 ؟ زبدتها بوجهه (غير 45 لا تتصل على الجوال فاهم) !!! المهم الرجآل عصبً وقال: اللحين السيارة عليها سوم 52 و أنت تقول 45 خف ربك !!
قلت له: يابن الحلال مو أنت تقول عليها سوم 52 طيب ليه تجي و تقول خذ ب 50 و ب 48 ؟؟ المهم الرجآل إعتذر و قفلً الجوال ومن بعدها ما إتصل علي و لا إتصلت عليه !!! الخلاصة يا اخوان ( لا تدخل في مزاودة على سيارة إلا و أنت عارف
قيمتها بالسوق زين) !!! و إذا ما كنت تعرف بالأسعار شاور و رح سعرً السوق , و أهم شي إذا شفت صاحب الإعلان (مطنش) و لا يرد على الإتصالات !!!! لا تنشب له !!! ترا الحاجة له مو لك !!! السيارات يا كثرها بالسوق ولا تخاف بتلقى (المتردية
و النطيحة) و (النظيف و الزين) , همسة: ( لا تبخل أخي الغالي بالمشاركة و الإثراء , و شاركنا تجربتك و خبرتك , حللونا على القصور و السلام عليكم )
إبلاغ
الردود
نادرا الي بيشتري عن طريق موقع حراج
والله اغلبهم استهبال / وصرت ماعطي اي واحد جوالي , لان لو حطيت رقم جوالي بالاعلان
والله ان تجي اتصالات اخر الليل ويسألك .. وش لون السياره وكم ماشيه وهل فيها صدوم
والمشكله والي يقهر ان كل المطلوب مذكور في الاعلان ,
بس يجلس مع اخوياه ع النت ياحبيبي وهم بالاستراحه ويقلبون بالسيارات
وهاتك اتصالات من غير سنع ,
عشان كذا الي يبي السياره بتعرف انه جاد بيراسلك خاص باي طريقه يبغا يكلمك ,
والسومات والله لو تسوم سيارتي بمليووون ريال
مابتنباع غير بالسعر الي الله كاتبه ,
6
0
قلنا بس بالمعارض طلعو هنا بعد والله تطورو اخوان بدوه
وصار الواحد ينزل موضوع واصحابه يرفعون ام السعر
وضعيف العقل يجي يزيد عليهم
من جد حسبنا الله عليهم
6
1
اما المخرب والورع والشرييطي صدقوني مايشترونو لو وش
3
0
وصراحة موقع حراج يريحك من الحراج ومن الشريطية القلق وتقابل صاحب السيارة متى ما تبغى
صحيح في ناس مبالغين بأسعارهم وهولاء غير جادين بالبيع يقول خلني أعرضها إذا جابت سعر وإلا خلها تجلس هذا خله هو وسيارته يسويها مخلل
2
0
2
1
بالنسبة للرد بأكثر من عضوية، يوجد نظام لمراقبة ذلك ، النظام يقوم بمنع العضو من الرد بعضوية أخرى في الموقع. جرب ترد على اعلانك رد عادي بعضوية أخرى :)
السوم غير الجاد مشكلة كبيرة في الموقع سواء كان بخس او رفع سعر للسلعه من دون شراء. كثير من الاعضاء الله يهديهم لايعلم ان رده قد يقوم بتخريب البيع او اضاعة وقت عضو او قد بتسبب في مشكلة بين الاعضاء. نحن نعمل على الحد من هذه المشكلة لزيادة الرقابة في الموقع.
3
0
1
0
الزبدة انه عارض سوناتا عراقية نص فل بدون ضمان وملفق لها شاشة ويكذب بالمواصفات واخوياه يزايدون معه ,, والغبااااااااااااااء انه واحد من اخوياه عارض نفس السيارات المعروضة معه خخخخخخ
ناس تحب الحرام ..!!
3
0
1
0
صحيح فيه ناس تتلعب وفاضيه وتسوم بسعر اقل من سعر السلعه لكن ما شاء الله يعتبر مموقع ممتاز احسن من موقع مستعمل الغبي طريقة تسجيله صعبه وتفعيل عن طريق الجوال واعلاناته طريقة تصفحها صعبه وكل شي صعب عكس حراج تسجيل سهل وما ياخذ الا دقيقة بالكثير والزوار كثير فيه .. حتى اني اذا فضيت اجلس اتفرج على الموقع .. ماتمل منه..
3
0
0
0
طيب السياره تسوي مثل 60 الف هذا حقها لكن انا الشراي ابيها بي اقل والبياع يبيها باكثر هذا حق مشروع بس بحدود
نوضح قال سوم انا اسوم ب 50 وانا عارف انها تسوي 60 انا ماابخس بس ابي الفايده واهو ماهو مجبور يبيع امشي معاه لين 59500 واخر شي اقله 60 واوقف لكن اجي شاطح واقول اسومها بي 60 لا هوا بيطمع وجونك الشريطيه ويكبرون راسه ويزودون 500 لين يوصلونها 75 ووقت الجد كلهم يسحبون حتي او سومه 60 ماتحصله الواحد يسوم بلمعقول وكل واحد يبي يشتري بأقل سعر إلا اذا شاف سياره محدوده بسعر تستاهله يشتري على طول بس اذا ماحدد سعر هنا فرق
2
0
اما اغلب الي بالموقع يقول خلني انزل سيارتي ان جابت سعر كثير بعتها
وماقصرت على هالموضوع وكلامك كله ميه بالميه
0
0
موضوعك جميل ومناقشة كل تفاصيله حياخذ وقت كثير ويمكن تجربتك وردود الاخوان جزء من المشكله الرئيسيه اللي هيه انعدام المصداقيه الا من رحم ربك
الموقع جميل وفي متناول الجميع والشكر الجزيل للقائمين عليه بس فيه عتب عليهم في جوانب ولو انهم يحطون كم شرط لنزول اي اعلان تكون خاصه وسريه لضمان جدية العرض ومصداقيته
ومب صعب عليهم لانهم كسبانين ماديا طبعا
بالله ما مر عليكم اعلان عن بيع ساندوتش اكيد شفتوه والا الثاني يعلن عن ادوات ومواد جنسيه اعتقد تخدش الحياء مثل هالاعلانات .
اما باللنسبه للسيارات فــ الشريطيه والمعززين والكذابين والمطففين ذوي الضمائر التعبانه فهم اشتروا دنياهم فقط بشوية ورق متناسين(دعوة المظلوم) اللي مافيه ستار بينها وبين رب العباد
وودي من اي شخص حيشتري سياره من هالموقع او غيره قبل لايتخذ قرار يصلي صلاة الاستخاره
وكل التوفيق والدعاء لهم بسعة الرزق لذوي النويا الصافيه في البيع او الشراء
1
0
لا يكون تبغون داود الشريان يتكلم عنها بعدين تحلونها ههههههه
0
0
1
0
لكن بائع فساتين .؟؟ّ!!! ... انا مااتريق والرزق بيد الله وجميل انه يبيع لكن ياخي تعرض فساتين
في حراج كله سيارات وكذا .... خليك معقول ....
واخرها بياع الجنسيات اللي امس .... الجنسيه السعوديه مسيومه منه ب5 مليون ويطلب من الله
(( الزووود ))
ههههههههه....
0
0
قبل 11 سنه و 10 شهر