أضف سؤال أو موضوع جديد          

بعض الأعطال العامة عسى الله أن يغفر لنا ولكم جميع ذنوبنا

up 43 down 3



السلام عليكم

أسأل الله العظيم أن يرزقني ويرزقكم حسن الخاتمة والفردوس الأعلى

وأن يظلنا بظله يوم لاظل إلا ظله

وجدت هالموضوع الذي يتكلم عن الأعطال المنتشرة بالسيارات



البواجي

كيف نعرف إنه تمام أو لا؟
الطريقة بكل سهوله نفصل سلك البوجي ( اذا كانت السياره فيها اسلاك ) ونشوف لو الماكينه تغيرت حركتها يعني البوجي مزبوط ولو ما تغيرت يعني البوجي خربان ...******** بس الطريقه هاذي ما تقدر تحدد
البوجي الا اذا كان مندمر .. وفيه طريقه انك تفك البوجي نفسه وتشوف الكربون الى متكوم على رأسه
وتنضفه وتطنفره ..


الكويلات


كيف نكشف أي الكويلات خربانه (( طبعا السياره تتفتف ولا ندري أي كويل خربان ))
نروح عند كل كويل ونفصل سلك الكهرباء عنه ونشوف الماكينة تغيرت أو لا
اذا فصلت السلك وزادت التفتفه في المكينه معناتها الكويل هذ1 مضبوط ..... واذا العكس معناتها هذ1 الكويل خربان

طيب ... واذا بغيت تشوف قوة الكويل ؟؟؟؟؟؟ هل يعطي الكهرب اللازم ؟؟؟؟

الطريقه انك تفك المسمار حق الكويل (( طبعا والكهرباء مشبوكه )) وتطلع نص الكويل ... راح تسمع صوت طق طق طق ... الصوت هذ1 (( الشراره )) حقت الكويل .... اذا كان الصوت قوي اعرف ان الكويل ممتاز .. والعكس صحيح



طرمبة البنزين

نشوف (الخرطوش) إللي طالع من الطرنبه ونفصله ونسكر الفتحة بالإصبع و نفتح السويتش ونشوف قوة الدفع إذا كان قوية مرة يعني مزبوطه وإذا كان الدفع خفيف جدا أو ما تطلع بنزين يعني خربانه

ملاحظه/ شوف (الخرطوش) قبل الصفاية


صفاية البنزين

نفس الشي في الطرمبة



الدينمو (( مولد الكهرب ))


أولا نشغل السيارة ونفصل سلك الموجب من البطارية إذا طفت السيارة يعني الدينمو ما يشحن
والعكس صحيح

وكيف تعرف ان الدينمو يخزن كهربا ؟؟؟؟؟
اول شي
شغل اللمبات جميعها الداخليه والخارجية والمسجل ووو
ثمين شغل السياره .. اذا اشتغلت معناها ان الدينمو 100 %


الحساسات

جميع الحساسات او بالاصح اغلبها .. اذا كنت شاك في حساس معين انه خربان
افصل الكهرباء عنه ... شوف يحصل شي بالمكينه ولالا ... اذا ما حصل شي معناتها ان الحساس خربان

والعكس صحيح


المساعدات

شوف المساعد اذا كان خارج منه زيت كثير معناتها انه تعبان ... وهز السياره مرتين او ثلاث
اذا كان يهتز على طول معناتها ان المساعد خرباان ...


المراوح العاديه

بالنسبه للسيارات القديمه الى فيها مروحه عاديه خلفها طرمبة الماء
كيف تعرف انها تمام ...
والسياره طافيه .. حرك المروحه .. اذا حركتها وشكلها خفيفه اعرف ان كلتش ( تماتيك ) المروحه خربان
بالتالي حراره زايده


غطاء الرديتر

فيه طريقة تفحص فيها الغطاء

شوف فيه خرطوش صغير موصل من عند الغطاء إلى قربة الماء إفصله من عند القربه وحطه في كاس مويه ولازم الكاس يكون فيه مويه وشغل السيارة
وشوف المويه لازم تنشفط وبعد فترة لازم ترجع المويه وتزيد أحيانا
إذا شفت المويه تطلع من (الخرطوش) بصورة مستمرة يعني الغطاء خربان وإذا ما تطلع المويه بعد فترة طويلة يعني الغطاء خربان
(لازم الغطاء يطلع ويشفط مويه إذا لا يعني خربان)



حساس الاكسجين (( في السيارات الحديثه ))

وظيفه حساس الاوكسجين هي قياس نسبه الاكسجين في العادم

والذي على اساسه يحدد الكمبيوتر نسبه ضخ البنزين في البخاخات

للحصول اقل استهلاك للوقود ولاكن في حال خراب الحساس

يمكن ان يعطي قرائه خطأ ويترتب عليها زياده في استهلاك

الوقود او ضعف في عزم السياره .

مشاكل كبيره مثل دخان اسود و ضعف في العزم


هذا الحساس لحساب كميه الوقود الموجود و المحقون و هو اساساً يحب الاكسجين عشان يعرف نسبه الخليط

و اذا شلته له مظره كبيره و هو موجود في كل السيارات في العالم الي تحمل نظام ال efi


و انا عندي حساس الاكسجين منكسر ولا له عندي اهميه

بس يوم بحثت عنه وشف انه مهم رحت اشتريه ,,, وشريته غالي بعد



بلوف الماء

بلوف الماء انا في نضري اهم من زيت المكينه

اغلب الناس ما يدري عنها ابد ....... كذ1 واحد اعرفه خبطت سيارته ولا يدري وش مشكلتها

واشيك عليها انا بنفسي واحصل ان البلف قاااافل والسبب ؟ الوسخ الى يتراكم بالاديتر والمواصير

يسكر بلف المويه وبالتالي تنحبس المويه وثم ترتفع الحراره وعلى طول تخلط المكينه ....

والبلف لازم يتغير ومن ثم تنضف السلندر بين كل فتره وفتره على الاقل بين كل سنه وسنه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك العافيه ,


up 3 down 0
ابو سعود629 4705
قبل 8 سنه و 5 شهر



جزاك الله خير وجعلها في مزايين حسناتك


up 3 down 0
أبوmـزعل 95
قبل 8 سنه و 5 شهر



موضوع جميل السهل الممتنع لايك للموضوع


up 3 down 0
عيسى علي 675
قبل 8 سنه و 5 شهر



ﻻيك اولا على النكك وثاني على الموضوع  :)


up 3 down 0
yazeed793 7884
قبل 8 سنه و 5 شهر



مجننهم صدقني عضويتك مراح ترجع بالاسلوب هذا واعتقد انسى انها ترجع .. مالك غير تدخل بحساب جديد وانسى الي فات >< وعارف مراح تنسى ههههههههههه


up 5 down 0
yazeed793 7884
قبل 8 سنه و 5 شهر



موضوع رائع شكرا لك

ملاحظه ودي اعطيك لايك بس عندي ايباد ولا يضغط على الايك والدسلايك واتمنى من الادارة تشوف حل


up 2 down 0
ابوسلطان الزهراني 580
قبل 8 سنه و 5 شهر



ابو سلطان انت ادخل من جوال وﻻ من ﻻبتوب .. وجرب تحط ﻻيك اذا زبط معك احرق الايباد هههههه امزح .. واذا ما زبط معك مالك غير تراسلهم بالاميل والله اعلم .. ي رجال يكفي وجودك


up 1 down 0
yazeed793 7884
قبل 8 سنه و 5 شهر



اخي صاحب الموضوع بوضح شغلة انت ذكرتها انك اذا شاك بحساس فكه .....
اي حساس ينفك والسيارة شغالة (عدا بعض السيارات) تطلع علامة المكينة وبرمجتها ب150 ريال
يعطيك الف عافية عالمجهود الرائع والموضوع المفيد
لك احلى لايك


up 0 down 0
recoppa 1
قبل 8 سنه و 5 شهر