أضف سؤال أو موضوع جديد          

نصائح مهمة للمحافظة على القير

up 22 down 4



السلام عليكم و رحمة الله و بركاته ,, في البداية أحبً أصبحً / أمسيً عليكم بالخير اخواني و حبايبي , في الحقيقة و أنا أتصفح الشيخ (قوقل) لفت نظري موضوع مهم
عن تخبيط (القير) و كثرة التساؤلات عن أسباب (تخبيط) القير , فشفت موضوع و الصراحة أقنعني في تشخيص أسباب تخبيط (القير) فحبيت أطرحه لكم لتعميم الفائدة

++++ منقول ++++


P:




R: الرجول للخف




N: فاضي




D: ينقل لك النمر من اولى الى الثاني الى الثالث الى الرابع والخامس في بعض سيارات




D1:ينقل لك من النمره اولى الثاني الثالث




D2: ينقل لك من اول الى الثاني








زر اسمه بور او مايسمى O/d يستخدم في حالة انك تريد القير يغير على ظغط عالي




حلو الان عرفنا وظايف القير عشان نعرف نستخدمها




نبدا كيف نستخدم القير استخدام سليم بهاذي خطوات :




* اول شئ اذا انت تبغى توقف السياره لزم تختار مكان حلو لها اول شئ اختار المكان مستوي يعني




مايكون على طلعه او يكون مرتفع ويكون متساوي




*اذا بغيت توقف السياره اول شئ توقف وقوف تام بعدين تحط القير على N وتسحب الجلنط




(فرامل اليد) وبعدها تحط القير على P




* اذا بغيت تطلع بسياره اول شئ تحط القير على N وتفك الجلنط وتحط القير على D وتمشي




(ملحوظه) البعض يسال عن سبب الاستخدام الخطوات في الاعلى ليه ... ؟




انا اقولك ليه لن اذا وقفت السياره على طريق غير مستوي او فيه ميلان فن القير




يواجه صعوبة في الوقوف وتمسك سياره كذالك ليه قبل الوقوف نضع على N




ونسحب الجلنط بسبب ان يكون الوقوف ومسك سياره على الجلنط وليس القير




مما يسبب راحة للقير في وقوف السياره كذالك في حالة ان القير كان على P




وفكينا الجلنط فتلاحظ سيارة تتحرك حركه بسيطه وهاذا سبب ان القير كان موقف




على الجلنط وفكيته وحرك السياره حركة سريعه (مضره للسياره )




نكمل موضوعنا .. وخطوات




* في بعض اللحيان وخصوصأ اصحاب المناطق الغربيه بسبب وجود مناطق مرتفعة فبعض الاشخاص




مايعرف ما مدى ضررها على قير السيارة ومدى تاثيره بها اول شئ عليك في استخدام المرتفعات




القصيره D1 وهو الانسب لها واستخدام زر البور للـ ضمان صعود الجيد و مريح لك ولسيارتك




وعدم استخدام D لنه يستخدم النمر العاديه وهو غير مناسب للجهود عليها




*كذالك في المنحدرات استخدم D2 لكي لا تحتاج للفرامل كثيرة مما يؤدي لا قدر الله الى انحراف




سياره عن مجال السير وميزة D2 انه لايسمح الى بتغير نمرتين ورجوع لهم وتكررارها وهاذ




مناسب للعزم والسير الجيد والمريح لك ولسيارتك




وهاذي هي اساسيات استخدام القير الصحيحه والسليمة








اضرار التي تسبب في تعب القير




المطارحات او مايسمى بـ المقاوم








اول شئ ياشباب ترا المقاوم يدمر السياره با اقصى شئ سنتين وموترك كله دمار




واسئلو اصحاب مقاوم عن اوضاع سيارتهم الي مرت عليها سنتين تقريبأ اول شئ




يلعب في راس المكينه ويخرب بسرعه وخصوصأ الي يقوم من صفر كذالك انت تستهلك




قوة سيارة كاملة في وقت مايزيد عن 10 ثواني هاذا بحد ذاته جنون والقير قطعة حديد




ووظيفتها نقل حركة فقط وبسرعه موزونه على عداد لظغط على 3000 دوره ( على 3)




كذالك القير استخدامه الكثير غلط فبعض يلجئ الى استخدام D2 او مايسمى L هاذا




هو اللعب الحقيقي بسياره وممكن مايجلس معك قير 3 سنوات الى هو مخبط واسئلو




اصحاب الورش عن تخبيط القير وكثير شوفوها كيف المقاوم اكبر دمار للمكينه وسياره




انا اتكلم لكم عن تجربة شخصيه كان معي بيوك رود ماستر مخصص فقط للمقاوم




وغيرت قيره مرتين في سنه وحده وعندي فواتير بس قيره بـ 800 ريال والحين




خبط مكينته وبعته ولكن كل هاذا في سبيل مقاوم ليه الواحدي خاف على نفسه قبل




سيارته ومعليش اني طلعت عن موضوع




صيانة القير ضروريه




* كل 40 الاف كيلو غير زيت القير




* كل تقريبأ 160 الاف كيلو غير صفاية القير (ليس ضروري جدا )




* فيه كثير ماشي على سيارته فوق 200 الاف ماغير زيت القير هاذا لاغيره لن الزيت كون فوجوات




على القير والزيت القديم لزج ويسدها واذا غيرته جاء الجديد ولا يقدر يحل محلها ويخبط القير




ولو تركته ما راح يخبط القير الى بعد اقل شئ 250 الاف كيلو قدام وهاذا ضمان مني




انتبه مره ثانيه انتبه ..




تغير الزيت عن يماني او حقين الورش لن مقدار الزيت مايعرفون له كذالك وكذالك اذا بغى يركب




قطع القير مايوزنها صح وبيكون تسريب ومشاكل كبيره في غنى عنها انت لذالك ودها الوكالة




حتى لو خذ زياده 100 ريال




ومتمني لك قير مدى الحياة معك اينما كنت وفي اي زمان وشكرأ







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موضو ع ممتاز الله يعطيك العافيه ويستاهل اعجاب .


up 4 down 0
ابو رايف 010 811
قبل 6 سنه و 3 شهر



اي والله موضوع ممتاز وملفت 



up 4 down 0
دحيم٧٧٧ 2204
قبل 6 سنه و 3 شهر



تستاهل احلى لايك ياغرك جمالك  ..  مواضيعك كله فوائد وحلوه في نفس الوقت ومشكور وماقصرت. . 


up 4 down 0
عاشقـ الماركيز {1991} 3500
قبل 6 سنه و 3 شهر



الله يعطيك العافية 
عندي سؤال 

عندي اكورد 2007 اغير زيت القير باستمرار الحمدلله بس فلتر القير ماقد غيرته 

سؤالي لو غيرته الحين راح يضر القير ؟؟؟

سيارتي ماشيه 215 الف 
ماشالله تبارك الله


up 3 down 0
العسيري112 700
قبل 6 سنه و 3 شهر



وأنا بعد لك من عندي أحلا لايك ووااصل ياطيب نبغا كل يوم موضوع ههه .


up 5 down 0
مستر بن . 10372
قبل 6 سنه و 3 شهر



تسلمون حبايبي كلكم على المرور الجميل , وبالنسبة لتساؤل أخوي العسيري , أنا والله ودي أفيدك بس المشكلة إني ما أعرف في هالأمور
لو تسأل أهل الخبرة راح يفيدونك أكثر , موفق خير , و جمعة مباركة على الجميع , و ربي لا يحرمني من طلتكم الحلوة .


اهنيكك موضوع جميل وافادني كثير 
بس نسيت تقول نقطه اللي هي بالقير التوماتيك 
بعض الشباب نسأل لهم الهدايه يفضي القير وهي ماشيه ثم شده بـD 
وتستاههل احسن لااايككك


up 1 down 0
amahخf 344
قبل 6 سنه و 3 شهر



موضوع ممتاز جدا
جزاك ألله ألف خير



up 0 down 0
al-aziiz 640
قبل 6 سنه و 3 شهر



مشكوور اخوي 

واول سبب رئيسي بتخبيط القير هو المقاوم والسباقات 

والسبب الثانيه والاهم هو اهمال زيت القير وفلتر القير لازم كل 30 و 25 ألف 

لازم يغيير الزيت والفلتر اصلي خصوصاً اذا كانت السياره خطوط والمشاوير وكرف

 

 








up 0 down 0
ss 2007 1796
قبل 6 سنه و 3 شهر



موضوعك ممتاز الله يعطيك العافيه  *_^. 



up 0 down 0
abo- tawfiq 136
قبل 6 سنه و 3 شهر



مشكور وماقصرت 

 حبيت أنبه لنقطه أنك إذا حطيت القير على N وشديت الجلنط ، لاتنسى تشيل رجلك عن 
الفرامل عشان السيارة تتكي على الجلنط بالكامل ، لأن بعض الشباب يحط القير على N ويسحب جلنط
ومازال ماسك فرامل !!  ثمن يخرط القير الين P وهو للحين ماسك الفرامل  
  
كذا ما أستفدنا شيء وكأنك يابو زيد ماغزيت ( :
 


up 1 down 0
فكوك 1680
قبل 6 سنه و 3 شهر