أضف سؤال أو موضوع جديد          

البهبهاني 511 حقيقة أو خياااال

up 20 down 5
أسير المواجع 49
قبل 10 سنه و شهر



كيف حالكم ؟ ان شاء الله طيبين بدون مقدمات اليوم جمبتلكم موضوع عن مكينة 511 مكينة الـ 511 ... !هل حقيقة أم خرافه أم خيال ..... ؟! هي خرافه في خرافه والدوله باعت جموس الطرادات بدون مكائن بس يقال انها من بلدها مسننه والمكائن 454 وماتفرقها عن الوكاله أبداً ، وفيه شركه امريكيه عدلت على 454 وصار 511 وثبتت انها 454 بس معدله .ومكائن الـ 511 سلمكم الله صنعتها شركة ستروين الفرنسيه بمناسبة البويبيل الآلماس على ما اعتقد / ولكن ليست للأستخدام العادي .( ما يعادل 511) ولكن حجم كبير نوعا ما .اما اذا كان قصدكم سيارات تستخدم محليا / فما فيه شك اقوى من مكينة 454 المعدله ( في امريكا فقط ) الى 511 / للسباقات / ويوجد ايضا في دبي .و لايوجد ماكينة 511 و هذي اسطوره الا اذا كانت ماكينة 454 وتم تعديلها الي 511 مثل ما صارت ماكينة 350 ضغط عالي بعد التعديل صارت 385 .و لاحظت بعض الاخوان اللي يتكلم عن حجم المكاين للجمس وان مكينة 511 اقوي مكينه وهي 10 سلندر الموضوع وما فيه انه قصه او بالاحري اسطوره خرافيهاطلقها اناس لم يعرف الجمس علي اصوله ومكائن الجمس هي ابداء من اصغر مكينه حجم 205 وهي اضعف مكينه للجمس غير موجوده عندنا بالخليجوهي من ستة سلندرات علي شكل I وهي موجوده بكثره في سوريا ومصر والماكينه الثانيه حجم 235 من ستة سلندرات موجوده بدول الخليج خاصةفي الشفر الامبالا موديل 77 والشفر نوفا وموجود في الجمس البرازيلي المسمي b10 كوستوم.ونزل في فترة من 86 الي 91 وانقطع لفشله في دول الخليج ، والماكينه حجم 235 تأتي بنوعين النوع الاول ذراع بستن طويل وهي مخصصهللشاحنات مثل الجمس السيرا كلسك وشاحنة جمس المعروفه بأسم سي 65 وباصجنرال موترز المعروف بأسم البلوبيرد المشهور بلونه الاصفر مع الاسود .والنوع الثاني من الماكينه 235 ذو ذراع البستن القصير وموجوده تلك الماكينه في الشفر النوفا والامبالا والكابريس والبونتياك البونوفيل والاولدزموبيل كاتلس ،ونبداء في محركات 8 سلندر علي شكل V المعروفه لدينا وبكثرهواول نوع من مكائن 8 سلندر وهي حجم 305 الموجوده بالكابريس والامبالا وهي اضعف مكائن 8 سلندر وهي مخصصه للسيارات الصالون ولكن يحدث فيها عملية نصب واحتيال من بعض ضعاف النفوس في الكراجات والتشاليح ليتم تركيبها في الجمس وهي ضعيفه ولا تتحمل الجمس وتستهلك بنزين اكثر من وهي على الصالون لان الجمس اكبر من الصالون , والمحرك الثاني حجم 350 وهو من نوعين النوع الاول يسمي 350 " اثنين ثابت " .وموجود في الكابريس والامبالا والسوبربان حجم 10 والجمس حوض حجم 10 شاصي قصير والنوع الثاني من 350 وهو الماكينه حجم350 " اربع ثابت " ضغط عالي وهي مخصص وموجود في السوبربان والجمس الحوض فقط . علما بانها لا يعرف مكائن 350 الا شخص مكانيكي يتم فتح الكارتير ويعرفها اذا كانت اثنان ثابت او اربع ثابت علما بان الاربع ثابت اقوي من الاثنين ثابت ويتم تزويد ولغم ماكينة 350 اربع ثابت وتصبح حجم الماكينه 385 ولكن بعد اضافات عديده من تغير الكرنك والكام شفط المعروف بعمود الكامات او عمود العصافير وتغير البساتن وتغير عدة اجزاء في المحرك وطبعا الماكينه حجم 385 مخصصه لسباقات الشوارع الا اذا كان صاحب السياره فضل ان يدخلها الحلبات والمضمار في يجب اضافة عليها اضافاة كثير ومكلفه تتعدي 30000 اذا اشترا قطع جديده .والماكينه الاخيره والمشهوره بأسم البك البلوك وهي تعني القطعه الكبيره حجم 454 وتلك هي المكائن التي تأتي من الوكاله او يتم تركيبه ولا يوجود شئ اسمه ماكينة 511 للجمس خاصه وجنرال موتورز عامه .علما باني لم اذكر الوان المكائن وهي تاتي بالالوان الاحمر وهي في حقبة الستينات الي بداية السبعينات وبدأت ايضا في السبعينات المكائن ذات اللون الازرق الفاتح الي ان تغير لونها الي الاسود في الثمانينات وللمعرفه فقط ان مكائن ذات اللون الاسود من نوعين النوع الاول ذات غطاء البلوف المصفح وذات غطاء البلوف المخطط وهي معروفه بهذا الاسم لدي المكانيكين وتوقفت عن تزويد الشفر والجمس بمكائن ذات اللون الاسود المصفحه الي سنة 1985 وبدأت ذات الغطاء المخطط من موديل 1986 .علما بان تلك المحركات تأتي بطرمبة بنزين Full Pump من نوعين الاولي والمعروفه بالطرمبه الميكانيكه وتركب في الماكينه علي الجانب الايمن من الماكينه وهي مخصص لمكائن الكاربريتر .  
المقطع يوجد بهي موسيقى نرجو خفظ الصوت

منقول من اﻷخ :foxzx




https://www.youtube.com/watch?v=g86_EoaI10k&feature=youtube_gdata_player







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مساء الخير أخوي أسير المواجع على حسب ماخبرت ورأيت أكبر مكينه هي مقاس 572 من شيفرولية وبإمكانك تكتب بمحرك البحث

أو اليوتيوب 572 ويجيبلك وفيه واحد سعودي مركبها لقيته على النت وبالنسبه لمكينة 511 بحثت عنها من زمان وهالحين ومالقيت لها

أثر الموجود فقط 454 وتجي 7.3 لتر وتوجد مكينه أكبر منها للجمس 2001 ثمان مسامير يقال لها 8100 تجي 8.1 لتر وهي 

أكبر مكينه صنعة للجمس بدون تعديل يعني ستاندر ويوجد مكينه لفورد إكس كيرجن 10 سلندر من شركة فورد والله أعلم


up 7 down 0
ابــو ســنــد 10639
قبل 10 سنه و شهر




أهلين أخوي أبو سند
أنا بحثت كثير عن مكينة 511 وما لقيت 
يقال أنها ممنوع تدخل السعودية ويقال أنها كذبة ويقال انها كانت تأتي في سيارات الحكومة قديما  ثم تتلف عند أنتهاء خدمتها
شفت المقطع وأنشاء الله أضيفة بعد شوي


up 4 down 2
أسير المواجع 49
قبل 10 سنه و شهر



عفوااا
أن شاء الله


up 6 down 1
أسير المواجع 49
قبل 10 سنه و شهر



اسف ع المداخله ولكن حاول انك تختصر الكلام وتخليه بكل سطر شوي لأن كذا محد فاضي يقرأ ض1

سامحني اذا ازعجتكـ ..!


up 2 down 4
برينسيزو 539
قبل 10 سنه و شهر



حياك أخوي برينسيزو
ونصيحتك على العين والراس
بس المشكلة خاش من الجوال وما يمديني أرتب 



up 6 down 1
أسير المواجع 49
قبل 10 سنه و شهر



بخصوص مكينة 511 حقيقيه   عندي واحد من الشباب عنده كدلك 86  بئسم لأمير احمد  مركب عليها 511 بس لا دعس  الدعسه تسمع الشكمان يطقطق 
يبي ينفجر   حتي لوحاتها ماجددوها قالو غير المكينه والجير  وتعال 


up 4 down 1
ss sniper 257
قبل 10 سنه و شهر



اخوي معليش على المداخله هذي صورهـ للمكينه 511
http://www.google.com.sa/imgres?num=10&hl=ar&tbo=d&tbm=isch&tbnid=8PWWJDqugtzfoM:&imgrefurl=http://www.saudi4x4team.com/vb/showthread.php%3Ft%3D1302&docid=6Mo4ghdr0i4UDM&imgurl=http://www.saudi4x4team.com/upload//uploads/images/domain-7bf2addf68.gif&w=450&h=384&ei=sofdUI3RDMSo4gSx8YBo&zoom=1&iact=hc&vpx=563&vpy=13&dur=151&hovh=207&hovw=243&tx=147&ty=90&sig=106556156783302807479&page=1&tbnh=151&tbnw=175&start=0&ndsp=15&ved=1t:429,r:1,s:0,i:102&biw=1024&bih=677
وكما تفضلت فيه مكينه 572 


up 2 down 0
amahخf 344
قبل 10 سنه و شهر



خرافه واسطوره واقرب ماله بيض الصعو اللي نسمع به ولا شفناه لايوجد مكاين 511

350-454-572  


up 2 down 0
العواد66 183
قبل 10 سنه و شهر



ما اقول الا سلم فخوذه ولمعه عرا ويه وسمت الشاعر الي يقول GMC
كلن من قراها سايقن
ماهمه حكومه وتعميم ولاكنه 
درابه              ابو عبر مايهزك ريح الخلا


up 3 down 0
ابوعمران 188 18
قبل 10 سنه و شهر



يا ناس يا عالم اصلا مافيه مكينه 511 فتحو عقولكم الحين الجمس الجديد قوته مكينته 400 وعليها موديل 2013 فكيف جمس بسعينات مكينته 511 نصب


up 2 down 0
سلطان 2009 315
قبل 9 سنه و 12 شهر



يا اخوي أسير المواجع ليه مو كاتب منقول يعني انت اللي كاتب هالكلام 
مستحيل انت كاتبه لان هذا الكلام منقول من منتدي مكشات واللي كاتبه 
انا كتبته قبل كم سنه والله ان ما خابني الظن كتبته قبل ٤ سنين او ٥ 
واسمي بمنتدي مكشات Nova واعرف كلامي اللي كاتبه لأني كاتبه 
بمنتدي مكشات ولا نزلته باي موقع غير مكشات .
واتمني لو تكتب منقول علشان ما ينظلم احد .
تحياتي 


up 1 down 0
foxzx 1593
قبل 9 سنه



هلابك اخوي foxzox
أنا من أشد المعجبين والمتابعين لمواضيعك 
والموضوع منقول زي ماقلت ونا كنت كاتب أنه منقول بس بعد تعديل الموضوع أنحذفت لﻷني عدت الموضوع أكثر من مرة لتنسيق والمعذرة والسموحة 
أنا نزلت الموضوع هاذا قبل سنة كنت أبحث عن أجوبة ولاكن أحترت زيادة 
لو عندك أجوبة ممكن تفيدنا عن مكينة 511 و 572 وحقيقتها 



up 1 down 0



ايه يا اخوي عرفت الموضوع لان هذا شرحي انا لان بالسعوديه ما يعرفون الشفر نوفا 
ولما ادقق علي الكلام ولا هذا كلامي كتبته قبل كم سنه علي موقع مكشات .
وكان نقاش حاد وطال النقاش كذا يوم ناس كثيره تقول فيه ماكينة ٥١١ وكان معاي شباب
يقولون مافيه سوينا بحوث علي مواقع اجنبيه ما حصلنا لحد ما دخلنا علي موقع جنرال موترز 
وجبنا جدول كامل لمكاين جنرال موترز من طلعت وكان فريقي نتكلم بوثائق واللي يقولون فيه ما جابوا
اي الدليل عن وجودها وكل اللي يقولون موجوده كلهم يقولون عند فلان ولا اعرف واحد مركبها لدرجة الشباب
قالوا مستعدين نروح لأي منطقه نشوفها بس ما فيه احد قال عندي وانا اذكر واحد من الاعضاء يقول موجوده 
علي الباصات الصفر الكبيره لما واجهته باللي اعرفه وقلت جيبي لي باص واحد صار الرجال يتهرب ولله الحمد 
انا خبرتي بمكائن شفر كبيره لان كان عندي تشليح شفرات واعرف للمكائن وانت ارجع لموقع مكشات وتلقي الموضوع 
للحينه موجود وانا دخلت عليه قبل شهر ورديت شكر للأعضاء اللي دخلوا لان الموضوع ردوا عليه ناس يمكن ب٢٠١٠ او 
٢٠١٢ والله ناسي بس الموضوع موجود وهو قديم حيييييييل .
وعلي كلامك لا تخاف ماني زعلان وانا اخوك .واشكرك علي كلامك واطراءك لي .
وعلي سؤالك موجوده ٥١١ اقولك لا مو موجوده 
وماكينة ٥٧٢ هذي موجوده بس هي مو ستوك هذي تعديل وهي بالأساس بلوك ٤٥٤ 
واللي طلع من تحت بلوك ٤٥٤ هي ماكينتين اللي هي تحت رقم ٥٠٢ و ٥٧٢ بس 
اما ٥١١ ما طلعت لا انتاج مصنع ولا تعديل يعني اللي يقولك موجوده يقول يا عند 
أمير ولا كانت عند دائره حكومية يعني معقوله محد يقدر يشتريها بالدراق ريس يحطون 
علي السياره فوق ٢٥٠ الف ريال بس تجهيزات ولغمات يعني مو قادرين علي ماكينه ٥١١ 
بس هي خرافه وغير موجوده .
وتحياتي لك 


up 1 down 0
foxzx 1593
قبل 9 سنه



سلام عليكم 
 يا اخوان بدل ما نختلف على اراء خلينا نتبع الحقيقه عمر النظريه ماكانت هدف و حقيقه . 
خلونا في القاعده .
اول شي نرجع للمرجع شركة (( جينرال موتر )) او (( GM )) . كم مكينه اصدرة من عام ١٩١٨ من بعد المكائن البخاريه . 
انتجة اول مكينه ٨ سلندر . اصدار ( الداترويت ) حتى عام ١٩٩٠ . 
و كان اصدار المكائن على استاندر واحد تقريبا حتى يومنا هذا .
اليكم مكائن جنرال موتر حسب الموقع الرسمي لوكالة جينيرال موتر . 
مكينة : من موديل 1960 الى 1999 .
305 . 5.0 Liter . الكابريس و البونتياك و البنوفيل .
307 . 5.5 Liter . امبلا . بيوك . ؤزنوبيل . كاديلاك . 
350 . 5.7 Liter . جي ام سي . كاديلاك الدرادو .
400 . 6.6 Liter . جي ام شفر. كورفيت . (( و هذي المكائن قلللي جدا في الشفر و تم الغائها و اصدارها قليل جدا )) . 
454 . 7.4 Liter . جي ام سي . جي ام سي شفر . جي ام سييرا . شفر سيلفارادو . 
502 . 7.7 Liter . للامبالا جي تي سبورت ( باب واحد ) .
(((( نصيحة : لا احد يضحك عليك و يقلك مكينة ٥١١ . في جينرال موتر و لك ان تبحث فالن تجد . ٥١١ مكائن البورش فقط )))) .


up 0 down 0
عبووود ال عبووود 111
قبل 8 سنه و 6 شهر



يبن الحلال ال٥١١ نوع من ٤٥٤ لاكن مسننه وسميت على واحد عتيبي لأنه سوا فيها سالفه وصارت اسطوره او خرافه يتناقلها الناس


up 0 down 1
ahmed al-otaibi -1
قبل 8 سنه



طيب سالفة العتيبي ذي ماجت الا ذلحين يعجبني الس يكذب الكذبه ويصدقها


up 1 down 0
مشأكس 55
قبل 6 سنه و 11 شهر



بعد 3 سنوات أحب أقول أنتوا شعب الفلسفه والمعرفة والعلم في كل شي شغلتكم فلسفه ونسخ ولصق من منتديات الهلاسين الخراطين المتفلسفين يوجد
مكينة 511
511 big block engine
وهذا فيديو لها بلسان صاحب السيارة أمريكي
https://www.youtube.com/watch?v=nqJlt2mP7FQ


up 0 down 1
فيـصـــل 5
قبل 6 سنه و 6 شهر



المكينة 350 كيوبك انش يتم تعديلها وينخرط السلندر ويركبون عليها بساتم مكينة 400 واقف
بعمودها واذرعتها لتصبح 383 كيوبك انش
المكينة 454 نفس الشيء يجيبون بساتم مكينة 573 باذرعتها وينخرط السلندر عليها لتصبح مقاس 511
والا ماجاء من مصنع شفروليه مكاين مقاس 383 او 511
هذي تعديل تقدر تعدلها على المحرك 350 ليصبح مقاس 383 كيوبك انش

او على المحرك 454 ليصبح 511 كيوبك انش



up 0 down 0
bansq 193
قبل 6 سنه