أضف سؤال أو موضوع جديد          

المرور بين النوم بالعسل و بين اللامبالاة

up 27 down 3



مرحبا فيكم اخواني و حبايبي .. يسعد صباحكم / مساكم جميعاً بدون إستثناء , بصراحة حاب أطرح لكم اليوم مشكلة كبيرة
وهي تقاعس المرور عن أداء عمله بالشكل المطلوب منه !!!!! طبعاً أنا راح أطرح مشكلتين واجهتني و طبعاً أكيد الاخوان
في أحد منهم تعرض لنفس مشكلتي و عرف حجم (التقاعس) و النوم ب(العسل) على أصوله لدى المرور بشكل مخزي !!!!

التعميم على السيارة ( ما حولك أحد) !!!!!

تعرضت لحادث قبل 6 شهور تقريباً و الحمدلله سلمت أنا و العايلة و لكن السيارة تعرضت لتلف كبير !!! خصوصاً
إن الحادث مع الوجه !!! المهم اللي صدمني (دزها) على قولتهم (حط رجله) , والحمدلله أسعفني الوقت و أخذت لوحته
و رقم السيارة و لونها و نوعها إلخ ... !!!! ما بقى إلا أجيب صورة (4×6) لصاحب السيارة !!!!! كل التفاصيل على
قولة محمد عبده !!!! جبتها و سجلتها في التعميم و قدمته للمرور , ما بقى إلا همتهم بس زي ما يقولون (ما حولك أحد)
و المشكلة إن الحادث له 6 شهور أو أكثر والله ما أدري بالضبط بس الشاهد إنه ما يقل عن 6 شهور !!! يعني لو يطيحون
براعي السيارة بالصدفة كان مسكوه !!!! بس في بعض الناس من اللي عندهم معارف بالمرور أكدوا لي و أنا والله ما أحط
شي بذمتي , إنك إذا تعرف أحد بالمرور تقدر تطيًح التعميم !!! تخيل واحد صدم شخص و مات !!! أو صدم شخص و كان
في حالة خطرة لا قدرً الله !!! يعني (حالة جنائية) !!!! الموضوع ما هو سهل أبد !!!! و يروح يكلم فلان و علان و فلنتان 
طيح عني التعميم الله لا يهينك !!! فالموضوع جداً خطير و ما ينتظر التسويف و التأخير , و المرور يحتاج نفض من أصغر جندي
إلى أكبر لواء في المرور !!!




التفحيط (نامت عيون الناس إلا عيوني) !!!

طبعاً من بعد الساعة 2 في الليل إلى أول ساعات الصباح الأولى و الشارع اللي قريب من حارتنا يقلب ماراثون
في التفحيط و المقاومات و التخميس إلخ ... !!! كل أنواع الإزعاج اللي تخطر على بالك و (المرور) لا حياة لمن
تنادي , و الله يا اخوان صار النوم صعب الواحد يتهنى فيه و خصوصاً (كبار السن) لأنهم يحتاجون للهدوء بشكل كبير
و أدنى إزعاج (يعكرً) عليهم الراحة !!! فما بالكم باللي (يفحط) و (يقاوم) و (يخمس) و طبعاً المرور يردون عليك بكل
برود إذا إشتكيت لهم , أول ما يتواجدون سجل لوحاتهم و إتصل علينا عشان نسوي لهم (كمين) , و الله أنتم اللي يبغى لكم
(كمين) عشان تعرف الحكومة حجم تقصيركم و تقاعسكم عن أداء أعمالكم المطلوبة منكم !!! طبعاً أنا لا أعمم على كل من
يعمل في المرور بأنه (متقاعس) و (غير مبالي) بس بصراحة نسبة كبيرة من الموظفين في المرور (ما حولك أحد) فالحين
في إنهاء (دفتر المخالفات) طبعاً عشان ياخذ إجازة !!!!! و فالحين في (التقهوي) !!!!! و الله يا اخوان ما أزل عليكم بحرف
واحد و الله لا يسامحني إن كنت كذبت في الكلام اللي أبقوله لكم الآن ( مرة كنت رايح لمرور الشمال و كان عندي شغلة هناك
المهم و أنا داخل عند (الكاونترات) و ألقى رئيس رقباء ماسك دلة قهوة و يلزمً على أخوياه يدور عليهم يا فلان تقهو !!!! يا فلان
والله إن تشرب قهوتي !!! طبعاً أخونا بالله تارك شغله و مخلي الناس (متزاحمين) في السرا !!! و مسوي لي فيها علوم رجال وما
بقى إلا إنه يجيب الراوية (محمد الشرهان) و يقلبها برنامج (فنجال و علوم رجال) برعاية المرور !!!!!


ختاماً : أسعد بالمشاركة و الإضافة , إعذرونا على القصور و الزلل , لا تحرموني طلتكم اللي أسعد فيها و شكراً .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي ببالنسبة لمشكلتك الاولى ..


سيارات تنسرق وتتشلح ومااحد لقاها تبيهم يحصلون الي صدمك ههههههههه ..


المشكلة الثانية التفحيط وما ادراك مالتفحيط .... المرور عنده تعليمات ان مااحد يدخل في التفحيط الا اذا كان شخص لوحده اما الي معاهم مواكب مااحد يقدر ...



ياخوي حط نفسك محل العسكري تخيل يرسلونك هناك عشان تمسكهم وهم ناس محببين سكرانين بايعينا وانا شخص وراي اهلي واولادي ومسئولياتي ليه اروح اداهمهم وهم مسلحين لييييه ...


صدقني لو انا عسكري ماادخل واطارد ورا مفحطين وش يضمن لي مايطلقون على النار وش يضمن لي ماينلوني من السيارة ويسرقونها .... لاتقولي مايقدرون ...


الا يقدرون الكثرة تغلب الشجاعة


up 9 down 6
راااضي 2525
قبل 6 سنه و 10 شهر



الظاهر ان المرور غرهم جمالهم بس اقول ياخسارة حلاهم..
انت تضرب على الوجع


up 7 down 0
البطش 3586
قبل 6 سنه و 10 شهر



طيب وشهو له عسكري ومعطينه هالبدلة وسلاح مع ذخيرة حية ؟!! ويا كثرهم لما يكون فيه قسايم تقول بيوزعون دراهم  ً   وين كثرتهم ذي عن هالمفحطين كلهم بزارين يبي يفحط دهس عشره         ورا مايعطون امر اطلاق نار على اي مفحط او متجمهر وأعطاب السيارة ومصادرتها نهائيا    دامهم يعطون اوامر بعدم اعتراض المواكب وووو.....الخ. 


up 9 down 0
همس الصمت9999 239
قبل 6 سنه و 10 شهر



بحكم اني عسكري
اقول لعطونا حقوقنا
ذيك الساعه الواحد يشتغل بذمه وظمير
يارجال الاجازه وهي ابسط حق من حقوقك تذل نفسك وماتاخذها
ولو خذيتها يمكن تاخذها بوقت هم يختارونه لك
وغيرها الكثير من ضغط نفسي وضغط بالعمل

يعني بالله احيان يجيك عسكري مستلم ٢٤ ساعه وهو متغرب ويكون متزوج وبالمنطقه الي متغرب فيها مايعرف احد
وزوجته لحالها بشقه ٢٤ ساعه وش رايك يعني تبيه يشتغل اكيد باله بيكون مشغول
والمشاكل كثيره لو اكتب البكره ماخلص

ماقول غير لاحولا ولاقوة الابالله
انا لله وانا اليه راجعون


up 12 down 4
ابوملا 609
قبل 6 سنه و 10 شهر



وبعطيكم موقف صار لي مرة وانا  انتظر بالسيارة ( نوع هيونداي )شخص وطول قلت ابمشي كذا وارجع لنفس المكان اذا قرب واتصل المهم رجعت ووقفت الا بهالدورية واقف جنبي  أطالع بغيت اقوله ترا ما هو انت الا ويقولي جانا بلاغ عنك عطني الرخصة والاستمارة وصراحة قلت عاد ابعطيهم استمارة كابريس وأشوف هالبلاغ حقهم والزحمة اللي مسوينها (طقطقة) ياخي ولاحتى سأل عنها وجا يبي يفتش قلت رجع كل شئ مكانه بعد ما تخلص وجاء خويي ذا الا وهم يعرفونه  وانواع الاعتذار والمجاملة ووووو...الخ. ويعطيني الرخصة والاستمارة عاد اشوى ما هو مخرف ونساها


up 4 down 0
همس الصمت9999 239
قبل 6 سنه و 10 شهر



يااخي انا جنب بيتنا مدرسه ثنويه .... وربي يوميا تفحيط تخميس اللي تبي ... ادق على المرور

يا مايردو يا يقولو طيب الحين نرسل دوريه ولا حد عندك ..... صرت ارقي سيارتي فوق الرصيف حتى محد يقبع

فيها .... كل الدوائر الحكوميه ترى نائمه مو بس المرور .... ترى البلد ذا الشعب ممشيه مو الحكومه .... مسكين

الشعب السعودي ..... امس الوزارت كلها مسويه عزائم بخصوص الميزانيه ...اشبك ياابوي حسبه

جاتهم وانوووواع السفريااات لهم ولعيالهم ..... هدية اخر السنه ...


up 8 down 0
roro212 1420
قبل 6 سنه و 10 شهر



غريبه .. عندما تبوك متشددين هالايام هذي حمﻻت ومسك وحشر وصار عند شارعنا تفحيط ماكملت ساعه الا وجايه 6 دوريات ... وصار الحين طررد بالحاره مو مثل اول ﻻن عندنا بالحاره ناس ضايعه ...


up 3 down 0
كن بسيطآ تكن أجمل 7881
قبل 6 سنه و 10 شهر



الحل انك كل فترة تجدد التعميم ﻻننه هو عنده واسطة ويقفل التعميم انت خلك نشبة وعمم مرة ثاتية وثالثة ......


up 2 down 0
ابوابراهيم ksa 1389
قبل 6 سنه و 10 شهر



حسبنا الله ونعم الوكيل صحيح ي غالي في تسيب غير طبيعي 


up 0 down 0
رآعي آلسيكل 374
قبل 6 سنه و 10 شهر



هذا الفساد بعينه.


up 1 down 0
ban123 898
قبل 6 سنه و 10 شهر



الشكوه لله عاد الله يهديهم .

طبعا انا صار معي فلم مع قسم مرور الرخص .. رحت اجدد سيارتي ولوحاتها من الشكل القديم المهم العسكري جهز أوراقي

كاملة مع طلب اصدار لوحات جديدة بنفس الرقم وقالي : خلاص تعال بعد 20 يوم مع انهم كاتبين في لوحات العرض 15 يوم

قلت مومشكلة 20 يوم .. وجيتهم بعد 25 يوم فكيت اللوحات القديمة عشان اسلمهم اياها واستلم اللوحات الجديدة .

دخلت الى شباك اتلام اللوحات واعطيت العسكري الاستمارة عشان يشوف اللوحات الجديدة وهنا جات البلية هههه .

بحث العسكري ودور ولم يجد لي اصدار لوحات جديدة ؟؟؟ ضحكت وتعجبت وقالي العسكري :

مافي لوحات لك انت رفعت طلب ؟ قلت نعم لقد رفعت طلب ههه

قام يدور في الكمبيوتر حقهم ولم يجد شي ؟؟؟؟ أترهم مارفعولي طلب من البداية ؟؟؟؟؟؟؟؟؟؟؟؟؟؟؟

قلت طيب وانا وش ذنبي تاخروني ؟؟؟ المشكلة مطوف على موعدهم 5 ايام يعني ماقصرت انا .

قالي معليش يمكن ماسجلوها الشباب .

قلت الله يعوض ويعينني على المشورة ههه قام ضحك العسكري وسوالي طلب جديد بلوحات جديدة وقال راجعنا بعد 20 يوم .

والله يصبرنا ويصلح البطانة الفاسدة في أي مكان كان ... تحياتي ولايك .


up 5 down 0
مستر بن . 10375
قبل 6 سنه و 10 شهر



الحمد لله على السلامه
الله يعوضك خير
فعلا اذا عنده معرفه با المرور يسقط البلاغ
اخوي خذ رقم اللوحه ورح للحاسب الالي قله ابي اعرف السياره عليها تعميم ولا لا

وبعدين اذا سوا لها تعميم يطلع برنت للمطلوب  وفيه كل ابو معلوماته حتى بيته ورقمه

اما مشكلتك الثانيه الله يعينك 



up 1 down 0
|ابومحمد| 536
قبل 6 سنه و 10 شهر



المرور لاتظلمونهم ياخوان ....هم مشغولين بتجميع المخالفات ومطارة المظللين(اصحاب التظليل يعني)..يعني بالله عليكم تبونهم يتركون شغلهم ويطلعون من ورا الدواعيس والتريلات ويروحون يطاردون المفحطيين!!!لووول


up 3 down 0
talal abdullah 5421
قبل 6 سنه و 10 شهر



اخواني شاكر لكم تفاعلكم الطيب , و العوض على رب العباد , نصيحة يا اخوان إذا واحد صدمك و (دزها) اطلب العوض من الله 
أنا تكلمت مع ناس كثير صارت لهم حوادث و بلغوا و سووا تعميم و بالنهاية (ما حولك أحد) !!!! أنا تندمت كثير إني سويت تعميم
رحت المرور 3 مرات زحمة و غثا و العسكري (نفسه بخشمه) !!!! و رحت شيخ المعارض سويت تقدير , زحمة سيارات و قعدت
4 ساعات عند التقدير !!! و آخرتها أشوف اللي صدمني بالشارع ولا أقدر أسوي له شي !!! لأني لو تعرضت له قلب أم الموضوع علي
و صرت أنا الغلطان ؟؟؟ ما أقول إلا: الدنيا دوارة و الدين مردود , شكراً لكم حبايبي على وجودكم اللي أسعدني كثير تحياتي لكم جميعاً .


up 0 down 0