ماهي الوكالة اللتي تأخذ اقل هامش ربح

والله يالغالي مالي علم بالوكلات
لاكن كلهم ياخذون مبلغ عالي وهامش ربحهم كثير
حاول تاخذ تمويل شخصي وتشتري السياره كاش افضلك
او تاخذها نظام تاجير عن طريق البنك
وتمويل الشخصي هو افضل شي
موفق للخير ان شاءالله

وانا مستغرب بصراحه يعني ليش معطينك دس لايك 
وانت جديد على المنتدى

كلن اسرق من الثاني 
على كل حال الله يوفقك

اذا تدور اقل هامش ربح خذ قرض من البنك اريح لك 
السياره تكون باسمك تقدر تتصرف فيها او تبيعها تسافر خارج السعوديه يعني انت مشتريها كاش مالها علاقه بالقرض 


او تطلع سياره عن طريق البنك العربي هو اقل هامش ربح ولا يشترط ان راتبك يكون عليهم

شوف ما انصحك بالتأجير بتاتاً لأنهم يكسبون من وراك مرتين الأولى التأمين والثانية الربح فوق قيمة السيارة

هذا غير السيارات الرجيع اللي تجيهم

مالك الا تأخذ قرض افضل لك وتأمين شامل او ضمان الوكاله يكفي وانصحك ببنك الجزيرة ثم بنك الرياض بخصوص القرض الشخصي

اخوي ترا النظام هاذا يجيب الهم والله عندي اخوي وصديقي خذو سيارة من الوكالة فوائدها كثيرة من 55 الف وفوق 

اخذ قرض من البنك الفائده 7000 الاف ريال وريح راسك 

الان عند بنك الرياض عرووض اللي تفوته راحت عليه 

الشباب ماقصروا , خذ لك قرض من البنك واشتر لك سياره اول حاجه تكون باسمك وتقدر تتصرف فيها ,, نظام التأجير المنتهي بالتمليك ماينفع ولا بريال ,, اول حاجه السياره ماهي بأسمك ولو تخلفت بالاقساط لهم الحق بسحب السياره ولا يحق لك بمطالبتهم , وغير كذا اذا احتجت فلوس ماتقدر تبيعها وشروط التنازل معقده ,, واذا تأخرت بالاقساط كل شوي يزعجونك تلفونات , انا حصل لي حادث قبل فتره وسحبوا فيني حتى اعطوني الشيك لو انها بأسمي كان رحت للبنك وصرفته على طول وافتكيت ,,

اول شي الوكلات نسبتها تقريب تبدا من 7%  شركات التقصيد 8% و9% الافضل انك تاخذ قرض شخصي لنه الفائده فيه 2% وتشتري السياره كاش 
الشي الثاني بين السيارات الي اخترتها افضل التورس من حيث القوه والتحمل والراحه والعزل 

البنك العربي الافضل من ناحيه التاجير منتهي بالتمليك وشروطهم سهله ولايحتاج تحويل راتب عندهم فقط تدفع 10% كدفعه اولى
ونسبتهم قليله جدا 3% فقط!!!!! كتجربه حاليه

البنك العربي شروطه سهله لكنه جلاد ، اذا تأخرت يومين عن القسط يحط غرامة ١٠٠ ريال وتأخير اكثر من شعرين يسحب الموتر

الجميح ياخذ فوائد ٨٪ شاملة التأمين الشامل والتصليح عنده في الوكالة والميزة اذا تأخرت شهر وشهرين عادي . أنصح فيه أو الوطنية للتقسيط ولو انهم أغلى شوي

موفق انشاء الله

الشباب ماقصروا قبلي لكن ابصحح حاجة ميزة التاجير المنتهي بالتمليك ان غالباً هامش الربح هو قيمة التأمين الشامل بكذا انت تستفيد صراحة ماعندي خلفية عن جميع البنوك لكن كنت في بنك الراجحي اليوم وقالوا لي ان هامش الربح عندهم 6 ونص اذا راتبك اقل من 10,000 او 6 وربع اذا راتبك اكثر انا انصح فيه انا ناوي لي على سيارة بقيمة 42,000 فايدتهم فيها تقريباً 7500 

نسبه بنك الراجحي من 7% الى 8.9% على حسب جهه العمل والحاله الاتماية وحسب عميل للبنك او لا  وكذاللك  بنك 
العربي و الاهلي  لكن ما ياخذون سيارات الى جديده (بطاقه جمركيه ) وممكن من غير دفعه اولى على حسب قيمة السياره 
شركات الاتاجير تبدا من 9% الى 11الى 12% لكن يشرون اي سياره من 2011 فما فوق لكن مرتبطين في سمة
عبداللطيف جميل من 12% الى 13.75 لكن ما له علاقة بسمة ولا خرابيط ( يعرف يجيب حقه بيدة ) على 5 سنوات لتويوتا 
او لكزس الي غيرها اعلى مدة 3 سنوات 

عبداللطيف حميل هو الافضل