أضف سؤال أو موضوع جديد          

هل تسلف خويك سيارتك

up 56 down 11



السلام عليكم و رحمة الله و بركاته ,,,,,,,

في البداية أحبً أمسيً عليكم بالخير و أقول لكم: أسعد الله مساؤكم الجميل و منوريني والله بطلتكم الجميلة ,,,

حاب أتناقش معاكم في موضوع مهم كثير , ألا و هو (تسليف سيارتك) ؟ هل أنت من الأشخاص اللي ما عندك مشكلة تعطي سيارتك لربعك و لماذا ؟

طبعاً أنا راح أتكلم عن نفسي في البداية , أنا سابقاً ما كان عندي مشكلة في إعطاء السيارة لأحد من الزملاء , بالعكس كان مفتاح سيارتي سبيل للي يبي يخلص مشاويره و لزومه
بس الآن تغيرت نظرتي و صرت أرفض هالشي بتاتاً !!! طبعاً لعدة قصص صارت لي من تسليف السيارة و أتت علي بإحراجات لا أود تكرارها !!! و اللحين ما أعطي سيارتي
إلا لأخواني  وبس !!! ممكن بعض الناس يهاجمني و يقول: وين الفزعة و الخوًة ؟ أقول له: الفزعة لها أكثر من طريقة , مو لازم أعطيه سيارتي , مكاتب التأجير واجد إذا صاحبي
محتاج سيارة و لا يقدر يستأجر , أدفع له فلوس الإيجار , و إذا كان محتاج سيارة ولا يقدر يشتري أساعده مادياً عشان يشتري سيارة و يعزً نفسه , أما سالفة إني أعطيه موتري صعبة
و راح أذكر قصتين حصلت لي شخصياً و من بعدها إمتنعت تماماً من إني أعطي موتري لأي أحد حتى لو كنت أثق فيه , و راح أذكر القصص و أنتم الحكم علي:



القصة الأولى/ كان صاحبي يبغى يسافر وما عنده موتر !!! فكلمني و قال لي: أبغى موترك الله لا يهينك أبسافر و أقضيً شغلة مهمة و راح أرجعها لك من بكرة
طبعاً أنا ذاك الوقت ما كان عندي شي إضافة إلى وجود سيارة بديلة في البيت , فعطيته الموتر بدون تردد !!! و بصراحة ما كان يستاهل أبد فيه المعروف
رجع من بكرة , و جلس يتشكر على الفزعة و مشى , المهم أخذت الموتر و طلعت عليه و حسيت فيه أصوات غريبة (طق درنق بونق) أصوات كثيرة و
مزعجة !!! بصراحة أنا تضايقت كثير من الموضوع , وخصوصاً إني معطيه السيارة و هي نظيفة مرة و كنت توني مغير زيت المكينة و فلتر الهواء
و حتى كنت مغسلها بعد !!!!  رحت لم أحد الورش المتخصصة , و قالوا لي: إحتمال المساعدات عندك متفقعة و المقصات فيها ميلان !!! طبعاً دخلتها
لم الورشة و قلت شوفوا علتها بالضبط !!!! و طلع كلامهم صحيح المساعد الأيمن منفقع , و المقصات يبي لها تعديل !!! الأخ مفكر إني معطيه جيب
ما قصرً فيها (كسرهًا تكسير) طبعاً كلفتني الشغلة مبلغ ما يقل عن 3 آلاف لأني شريت قطع وكالة و صلحتها في مركز محترم !!!
و زي ما يقولون: ( جزا المعروف 10 كفوف )


القصة الثانية/ كان عندي صديق أحترمه و أقدرًه , و للأسف ما قدرً إحترامي له , كنا مسافرين سوا و طبعاً رايحين على سيارتي المهم
كلمته و قلت له: إذا تبغى الموتر ترا راح أحط المفتاح عند التلفزيون , إذا بغيت تجيب فطور و لا بغيت تجيب أغراض  خذ راحتك
المهم قمت الصباح , أدور على صاحبي عشان نفطر سوا ما لقيته !!! و لقيت المفتاح ماهو موجود , قلت في نفسي: يمكن طلع
يقضي له حاجة أو عنده مشوار , جلست عند التلفزيون ساعة ساعتين ثلاث ساعات !!!! ما جاء صاحبنا , كلمته و قلت: وينك يا رجل؟
قال: معليش والله طلعت للجبيل عند اقاربي و ما راح أرجع إلا بالليل متأخر !!! طبعاً أنا في الدمام و جالس لحالي وما معاي سيارة
قلت له: بالله عليك جد تتكلم ؟؟ حنا جايين مع بعض و روحتنا سوا و تسحب علي السحبة الأليمة هذي لا و على سيارتي ؟؟؟
يا أخي كلمني على الأقل قلي قبل لا تمشي ما راح أمسكك !!! بالعكس أبعطيك مفتاح السيارة و فوقها (بوسة) بس أما حركة
الأطفال هذي و السحبة البايخة ما لها أي داعي و صعبة أسامحك فيها !!! و على العموم خلص مشوارك و جب المفتاح
و الله يسهلً دربك , طبعاً جاني في الليل و يتأسف و يعتذر أخذت منه المفتاح , و قلت: فارق لا بارك الله في خوة الرخوم
توكل على الله يا غالي و لا أشوفك مرة ثانية .


ختاماً ( أسعد بتواصلكم , و إقتراحاتكم , و إثراءتكم التي لا أستغني عنها , إعذرونا على القصور و شكراً)







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سبحان الله اذا احد اخذ السياره ورجعها لازم لازم لازم تسمع فيها اصوات طقطقه او مكيف خربان او رجه بالموتر انا ابغا اعرف بس هو اللي ياخذها وشلون يسوق بالظبط مو معقول معي تكون السياره اوك ومعك تجي معفوسه لكن حنا مشكلتنا نستحي واللي يستحي يصبر ع ماجاه 


up 0 down 0
aldosre509
قبل سنه و 2 شهر



عل ععععععععععغعع


up 0 down 0
klo_702
قبل 4 شهر و 4 أسبوع