سيارات للايجار مستعملة

وراه ٥٠ ريال الله يهديك ببسي هو ههههه

كيف تبيع سيارات مستعملة للإيجار

يالغالي لو تبي سيارة داخل الرياض انصحك تأخذ من السيارات القديمة مثل اوبترا او اكسنت راح تخدمك وقطعها رخيص

تلقاها في الشميسي وﻻ يمكن في خريص 

ملياااان ياخوي ,, فاز اللي بطريق المطار القديم بعد دوار العسكري ب 100 متر , شارع غبيرا كأنك رايح للحراج وتطلع كبري غبيرا يسار تلقى محلات هناك عندها اكسنتات 2008 2007 بهالحدود ويمكن لو تاخذ شهر يخفض لك . كلها متأكد منها بإذن الله خصوصاً فاز سبق وان تعاملت معه مرتين باكسنت ب 45 ريال فقط والمره اللي بعدها حس اننا محتاجين وقام حسبها لنا ب 50 طبعاً هالكلام عام 2009 لو تاخذ شهر راح يقل ان شاء الله بس مشكلته ان لآآآآزم بطاقة عمل غصب و رخصة سارية وماعندهم تأمين الاثنين ..:(

وبعدين ياخي انا مستاجر اكسنت 2011 70 ريال من محلات غالية واصلا لو تروح اللي عند دوار القاعدة بتحصل رخيص هناك لانهم يتعاملون بالقديم عكس اللي بطريق خريص بعد الحرس مايتعاملون الا بالموديلات الحديثه :)

الاكسنت استاجرتها برمضان الماضي وكنت مستعجل وكان عصر ولو دورت زيادة حصلت ارخص لان الموديل اللي مو موديل السنة يطييييح سعرة مره

مشكور ياسر بس ياريت توضحلي المكان اللي قريب من شارع غبيراء وين بالضبط 

يسار من الكبري حق غبيرا قبل الحراج وانت متجه للحراج مثلاً

امشي شوي بتشوف محلات عاليسارعلى شارع غبيرا نفسه هذا على وصف خويي اللي استاجر من عندهم بس انننتبه ترا حتى تأمين ضد الغير مافيش ههههههه

بس فاز انا مجربه شخصياً مرتين بس اصراره شديد عالرخصة وبطاقة العمل