أضف سؤال أو موضوع جديد          

موضوع يستحق النقاش نصب جديد

up 14 down 0
aliexendr 264
قبل 6 سنه و 3 شهر



أبي أطرح مشكله صارت لي ونبي حلول عشان الكل يستفد بخصوص نصب المحطات بالبنزين الاخضر والاحمر كنت مسافر ومريت محطه أعبي بنزين أنا أعبي بنزين أحمر وقفت جنب العداد وشفت مكتوب عليه 95 وشفت جنب العداد علبه صحه فيها بنزين أحمر أستغرب ليش حاطها شكيت بالسالفه أخذت العلبه وفضيتها وقلت له عب بنزين من نفس العداد اللي عبيت منه ورفض وأرتبك طبعا أجبرته طلع لون البنزين نفس عصير التفاح وأمسكه وأعطيه طراقات قعد يبكي ويقول صاحب المحطه هو اللي أجبره يسوي كذا دقيت على امن الطرق جوني بعد نص ساعه وقلت له المشكله قالي العسكري أنت تبي المشاكل ووجع الراس قدم شكوى لان النظام يبهذلك يبيلك تروح معي للمركز تقدم شكوى وبعدين وراك شرطه وبعد لازم تروح للأماره قالي مو بكيفك تقدم شكوى وتمشي وبالنهايه المحطه ماراح يقفلونها واسطه وتنتهي وأنت مسافر ومالك بالبذله انا استسلمت ومشيت لاكن قعدت أفكر بحلول مالقيت الا أن الحكومه تجبر أصحاب المحطات أنهم يخلون خرطوم البنزين شفاف والفلتر حق العداد شفاف لاكن ما أقول الا الله لا يوفق كل من كسب ماله بالحرام ماعاد التاجر يخاف لا من خلق أو خالق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحل الي انا اتخذته والمريح ما اطلع من المدينة الي انا فيها إلا انا مفلل لأن محطات الخطوط السريعة غالبا نصابين ولا عليهم رقابه ولا يتكررون زباينهم بعكس المدينة وبتوفيق


up 4 down 0
ماشي بدربي 167
قبل 6 سنه و 3 شهر



أبشرك إن أغلب المحطات وليس التي على الخطوط فقط تمارس الغش وهو بيع 91 بسعر 95 
والله كلام واحد عنده محطة قال عليك محطة بترول ونفط وتسهيلات وبعض المحطات الكبيرة أما الباقي عليها السلام 
خصوصاً أهل عروض الفاين ..



up 4 down 0
خالد 3000 837
قبل 6 سنه و 3 شهر



والله ما فهمت شي وضح لو سمحت


up 3 down 0
الفتك ياناس 310
قبل 6 سنه و 3 شهر



عسكرى دايخ جاك ومو بعيد انه يعرف صاحب المحظه وقال انه يطفشك م
من الشكوا  حسبئ الله ونعم ألوكيل فيه ومن علا شاكلته


up 4 down 0
دت نت 326
قبل 6 سنه و 3 شهر



اقسم بالله شيء يقهررر دام رد ذا العسكري كذا اجل وش نقول حقين المحطات نايمين بالعسل ومبسوطين عسى الله يجعل
كل ريال خذوه بغش وحرام شوكه بحلوقهم ..


up 2 down 0
الالنتراوي 5151
قبل 6 سنه و 3 شهر



هذا مصيبة الى كان العسكري يصرفك وليه ياخذ راتب عشان يحمي المواطن لاكثر


up 0 down 0
محمد ال سلمان 813
قبل 6 سنه و 3 شهر



هلا بالغالين المشكله ان المواطن اذا قدم شكوي هو اللي يتماطل ويتبهذل ومسبب المشكله مايجيه شي حسبنا الله ونعم الوكيل واللي اعرف ان جميع العسكريين قبل التخرج يقسمون ان يحمو الوطن ولكن للاسف البعض لايؤدي الامانه


up 1 down 0
talal alshahrani 45
قبل 6 سنه و 3 شهر



محطات ادريس فلفل السياره قبل ماتسافر






up 0 down 0
aboamani 1147
قبل 6 سنه و 3 شهر



اخوي عندي لك راسل صحيفة سبق واذكر لهم كل التفاصيل واذكر اسم ومكان المحطه بالضبط ومالك الا احلا تهزيء يجيهم
هذا رقم سبق تتواصل معاهم عن طريق الوتساب فقط اذكر المشكله كامله فيه
 تنبيه للجميع الرقم ليس للاستهبال فيه ناس تحتاج الرقم هذا لكي توصل مشاكلهم 
هذا الرقم 0533880055
وعندك طريقه اخرى تدخل موقع صحيفة سبق الالكترونيه وتختار ايقونة مراسلة الصحيفه


ساعد في ابادة الفساد بكل الطرق،،،

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .




up 3 down 0
عيسى علي 675
قبل 6 سنه و 3 شهر



تنبيه الرقم ليس للإستقبال الاتصال فقط وتساب،،،،،،،

لا إله إلا الله وحده لاشريك له له الملك وله الحمد وهو ع كل شيء قدير

اللهم صلي وسلم ع نبينا محمد عليه افضل السلام والتسليم
سبحان الله وبحمد.      سبحان الله العظيم
اللهم لك الحمد حتى ترضا ولك الحمد اذا رضيت ولك الحمد بعد الرضى



up 0 down 0
عيسى علي 675
قبل 6 سنه و 3 شهر



المصيبه ان المراقبين عارفين المشكله واكبر دليل انهم الحج قبل الماضي قمو بعمل مراقبه على محطاة البنزين ويوم انته الحج انتهو معه


up 0 down 0
شخص معروف 34
قبل 5 سنه و 7 شهر