المنتدى للقراءة فقط. تم نقل المنتدى إلى حراج السيارات.

مشكلة قير الكابرس 2007

تقييم إيجابي 3 تقييم سلبي 0
omar al otaibi 69
قبل 13 سنه و 10 شهر



يا اخوان ابي احد فاهم في الكابرس يفيدني لان عندي مشكلة مع سيارتي كابرس 2007 كان القير زي الحلاوة وقبل يومين عطيت سيارتي لاحد الاصدقاء ويوم رجعها حاولنا نطلع المفتاح عيا يطلع و كان معشق p المهم جربت اني اعشق القير وعشقته وجيت ارجعه لP ورفض يعشق P وعشقت بقوة ورجعته للP وجيت اطلع المفتاح ورفض يطلع فاللي يفيدني الله يجزاه خير











الردود


تونا قبل يوم نحذر من الاصحاب يعطون اخوياهم السياره وهذي نتايجها 

ع العموم اعتقد ان القير ما اعطى اشاره للسلف ان الموتر واقف لان لما تحطه بالp يعتبر انك مامن ع السياره وبكذا يطلع المفتاح 

ف ياليت توديها لمحل متخصص او الوكاله وهم بيفيدونك 

تقييم إيجابي 5 تقييم سلبي 2
camry grandi 99 7274
قبل 13 سنه و 10 شهر



يالربع احد يفيدني في الموضوع سيارتي موقفها في البيت من ثلاث ايام ولا تحركت خايف انها المشي يثر عليها والمفتاح فيها

تقييم إيجابي 1 تقييم سلبي 0
omar al otaibi 69
قبل 13 سنه و 10 شهر



المشي ما اتوقع يضر لانه مشكلتك مالها علاقة بمشي السيارة ودها مركز لتصليح السيارات ويكون معروف وشغله نضيف ويخبرك بمشكلتك

وانا اقول مادام ان المشكله ماهي في القير نفسه من تفليت او احتراق كلتشات فمشكلتك بسيطة والله يسهل انرك

تقييم إيجابي 2 تقييم سلبي 0
ماشي بدربي 167
قبل 13 سنه و 10 شهر



^^^^^^^^^^^^^
امرك******

تقييم إيجابي 2 تقييم سلبي 0
ماشي بدربي 167
قبل 13 سنه و 10 شهر



يمكن حساس القير صارة معي بكابرس 2002 كنت موقف عند محل ويوم جيت ابي ادق ريوس توهقت معد تحرك من P احاول ياولد يمين يسار مافي فايده واسحبها بونش وبالاخير خراب تافه حساس قير لكن تركيبه صعب والله اعلم

تقييم إيجابي 1 تقييم سلبي 0
المسعف خالد 1145
قبل 13 سنه و 10 شهر



اخوي روح منتدى اس اس عربي .. وادخل قسم الورشة وحط موضوعك وبيرد عليك العضو الجنرال2012 يعرف بالكابررس عدل

تقييم إيجابي 1 تقييم سلبي 1
lumina ss the best 81
قبل 13 سنه و 10 شهر



اذا انت بالرياض بلغني اوتسلي ع الخاص اعطيك رقم رجل واوصف لك مكاتة باذن الله يصلحه وب50ريال الايلعبون عليك المحلات والشغلة ازاله المادة النحاسية منم تحت الجركسون بس انتبة موكل واحد يفهم انا قد صارت لي واذا برا الرياض رح محلات المفاتيح بس لف كلها واجمع معلومات واذا تكررت معلومه وحدة فتاكد هاذا الخلل بامكانك مشاهدة ردودي

تقييم إيجابي 1 تقييم سلبي 0
خالدالسلطان 2187
قبل 13 سنه و 10 شهر



روح محلات المفاتيح يطلعوه لكك 
أنا صارت معي بس أول يوم شريت فيه الكابرس كنت موقفه على نزله وطفيته وحطيت القير على p وما طلع معي 
المهم وداها الوالد محل المفاتيح وطلعوه 

تقييم إيجابي 1 تقييم سلبي 0
fasool86 598
قبل 13 سنه و 10 شهر



زي ماقالوو الاخوان تواصل مع الجنرال 2012 ماشاء الله علييييه دكتووور كابرسات

تقييم إيجابي 0 تقييم سلبي 0
ss 2007 1800
قبل 13 سنه و 10 شهر