أضف سؤال أو موضوع جديد          

هل سوق السيارات المستعمل في حالة ركود؟

up 9 down 0
ابو عدآي 335
قبل 6 سنه و 3 شهر




هل السوق المستعمل في مرحلة ركود من متابعتي لاحظت بالشهور الاخيرة شراء السيارات قل وانخفاض


ملحوظ الكثير يشتري عن طريق التمليك واغلب المبايعات الكاش ماتتعدى 20الف


وش القصه الشعب طفر ولا هي مرحله ، هل هي نظرة صحيحه او غير دقيقه


طبعا هذا راي شخصي غير مبني على احصاء بس شيء لافت وفرق عن السنه عن السنه الماضيه


 رايكم يا اخوان ياليت تعطون ملاحظتكم عن الحراج والبيع بشكل عام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الشعب طفراااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان


up 17 down 0
اااااحمد 412
قبل 6 سنه و 3 شهر



الظاهر مافيه لها تفسير ثاني 


up 5 down 0
ابو عدآي 335
قبل 6 سنه و 3 شهر



يمكن الناس حابه سيارتها ما تبي تبيع هههههه


up 3 down 0
salmanalotaibii 1155
قبل 6 سنه و 3 شهر



الدنيا شابه الغلا ذبح الناس يا دوب ياكلون وياكلون عيالهم ما يبون سيارات 


up 9 down 1
أستشاري الحب 6467
قبل 6 سنه و 3 شهر



الشعب يمر بحالة طفره غير عاديه 



نتمنى من المساؤلين النظر لنـاا 


وشكرا 


up 5 down 0
حسن القحطاني 1743
قبل 6 سنه و 3 شهر



هناك توجه للشعب بقياده الدراجات الناريه والهوائيه لان نظام ساهر سحب رواتبهم فاتجهوا لذلك معد لها داعي السيارات زحمه زسحب فلوس على الفاضي 


up 7 down 0
ابوآصف -74
قبل 6 سنه و 3 شهر



صقران هههه انا لي شهرين عارض سيارة ولااحد شراها والمشكله كلها 15الف 

استشاري صدقت ، والناس ماعاد تفكر الا بس شلون تعيش


up 3 down 0
ابو عدآي 335
قبل 6 سنه و 3 شهر



حسين ربك كريم

ابو اصف شكل اخرتها سياكل هههه


up 1 down 0
ابو عدآي 335
قبل 6 سنه و 3 شهر



الشاورما صارت بي 12 ريال الله يرحم ايام قبل كان الشاورما بريالين 

الببسي كان بقروش ابوي يقوله شف الحين صار بريال ونص بعد 

الاراضي كانت رخيصه 

البيوت مافي ارخص منها 

الايجارات كانت ببلاش الحين الشقق بجدة توصل بي 65 الف ليه وين حنا سلامات وش صار بلدنيا 

النفوس تغيرت من اول لو تتاخر في الايجار يستحي منك صاحب البيت يطلب والحين من ثاني يم تحصل اغراضك بلشارع 

بكل شي تعقيد وعنصريه والامارات مالهم كم سنه ووصلو الأفق وحنا للحين في هلحفر والمطبات والشوارع المكسرة والكورنيش يلي مدري كم مليون انلهف فيه 

والقطار يلي له ترليون سنه قاعد يخلصونه 


up 8 down 0
أستشاري الحب 6467
قبل 6 سنه و 3 شهر



فيه ركود خفيف في المستعمل وقلة بيع عن السنة الماضية
وفيه ركود يزداد في الجديد وهذا بشهادة موظفين الوكالات بانفسهم 

ومهما حاول بعض الشريطية واهل المعارض انهم ينفون هالشي الا ان الركود موجود وفيه ادله 
بعض الصالات قامت تسوي تخفيضات مثل (الفليج والبيان الجديد وغيرهم) 

صاحب صاله اعرفه زين اعترف لي وقال ان السوق فيه ركود غير مسبوق على الاقل خلال الخمس سنوات الي راحت

والسبب الاسعار الخرافية للمستعمل في السنتين الاخيرة 
وارتفاع اسعار السيارات الجديدة 

في السابق كان فيه بديل للجديد وهو السيارات المستورده 
الآن المستورد احيانا يقارب سعر الجديد اذا كان موديل السنة الي راحت او الي قبلها 

شوف عيني فورد تورس امريكي موديل 2011 بـ 78 ألف 

وفي السنتين الاخيره انتعش سوق السيارات الصغيرة حتى ارتفعت اسعارها بعد الطلب المتزايد عليها 




up 2 down 0
naac 2388
قبل 6 سنه و 3 شهر



في حالة تبيع انت يالمستهلك ينخفض السوق ويموت وفي حالة تشتري انت يالمستهلك السوق ينتعش وترتفع الاسعار يعني في كل الحالات سواء تبيع او تشتري يالمستهلك فانت مغبون مغبون في شراك او بيعك وشكرا


up 3 down 0
وليد ابو فيصل 1207
قبل 6 سنه و 3 شهر



والله صادقين .. انا لي عارظ السيارة شهرين والكل يبخس فيه
سبحان الله شي عجيب والله


up 0 down 0
ammar10jo 4
قبل 6 سنه و 3 شهر



فعلا كلام سليم 
وهذي فتره يقولون دايم تنزل الاسعار
لكن عمد بدايه الدراسه باسبوعين كل شي ينتعش
اساسا الناس الحين مشغولين في اجازات وايضا فترة تصحيح للشركات والمؤسسات 
والكل خايف 
فتره وبتكون الاوضاع اجمل وافضل 


up 0 down 0
hummer-h2 1
قبل 5 سنه و 10 شهر



انا اتوقع الايجار المنتهي بالتمليك الكاش قل 


up 0 down 0
فور جي 60
قبل 5 سنه و 4 شهر