أضف سؤال أو موضوع جديد          

البريد السعودي يوصل البريد بـ لامبرغيني .. ترا يتكلمون من جد

up 8 down 1
naac 2387
قبل 11 سنه و 4 شهر



لامبرغيني توزع بريد السعودية
الرياض - مال 02/01/2013

كشف مديرعام البريد الممتاز في المملكة العربية السعودية حمد البكر اليوم "الأربعاء"، على حسابه الرسمي في موقع التواصل الاجتماعي "تويتر" عن وصول أول سيارات من أسطول البريد الممتاز من نوع لامبرغيني، بحسب الجزيرة أونلاين.
وحظيت هذه التغريدة، بتفاعل مغردي تويتر،حيث ظن البعض انها إعلان ومن أبرز التعليقات  "جد والله.. ولا دعاية؟ لكن حتى لو دعاية.. دعاية ذكية جدا". 
يذكر أن البريد السعودي  سيستخدم أسطولاً من سيارات لامبرغيني لخدمات البريد الممتاز.


-----

خبر مدري وش يبي على هالصبح 
احس ان المحرر يطقطق على الشعب !!!







إبلاغ إبلاغ



الردود


ي رجل اعلان فقط

واللي يقوله مدير وكاله لامبور جيني ماخذينها اجار


up 7 down 0
رآعي الآبل 459
قبل 11 سنه و 4 شهر



راعي الابل 
انا ومثلي كثير نعرف انه اعلان وحركه تسويقية 

لكن الدعوى فيها "اسطووول"
الا اذا كان محرر الجريدة جايبها من عنده



up 3 down 1
naac 2387
قبل 11 سنه و 4 شهر



هههههههههههههههههههههههههههههههه يارجال اسطول من الكوامري

بعدين الحين من يستخدم البريد ؟

فيدكيس وطقتها سحب البساط من تحتها


up 9 down 0
رآعي الآبل 459
قبل 11 سنه و 4 شهر



ههههههههههههههههههههههه شكلها الابور غيني اللي في اليوتيوب اللي سواها واحد من كراتين وماتتعدى الف ريال شغله كله يمشيي 80 تلقا كراتين الموتر طايره ههههههههههههههههههههههههه

وجيه فقر مافيه امل يطقوا مثل هالمواتر



up 5 down 0
المشيعلي 454 3368
قبل 11 سنه و 4 شهر



ي رجال هياط ﻻ اكثر وحدهم ﻻنسر هههههه


up 5 down 0
yazeed793 7883
قبل 11 سنه و 4 شهر



هههههههههههه هاذا وجهي اذا شفتها 


up 5 down 0
دحيم٧٧٧ 2205
قبل 11 سنه و 4 شهر



والله قريت الخبر بلجريدة بس ما صدقت اتوقع انها كامري ملبسينها 

ع قولته^^^^^ وجيه فقر 


up 3 down 0
أستشاري الحب 6468
قبل 11 سنه و 4 شهر



خبر جديد على ... لاكن ؟؟؟؟؟؟؟ الله يعطينا العمر والعافية اذا شفناها عندنا سيارات اللمبرجيني اسعارها بالملايين فا أشوف انها

شبة مستحيلة نشوفها في شوارعنا بسبب انها مكلفة على الشركة ؟؟ .... الله كريم ولايك على الخبرية .


up 2 down 0
مستر بن . 10377
قبل 11 سنه و 4 شهر



كذابين


لي اربع اشهر بعد مادفعت حساب واصل وللحين ماركبوا الصندوق وكل ما اكلمهم كل واحد يحط اللوم على الثاني

خل يجيبون لامبرقيني مره وحده




up 2 down 0
aboamani 1147
قبل 11 سنه و 4 شهر



انتو عارفين اش يعني لمن يجيبو سيارة او اسطول زي هذي الى مااعرف انطق اسمها يعني سرعة بين المناطق فوق 200 عشان يوصلك بسرعه طيب فين راح امن الطرق شوف كم قسيمه بياخذ هذا اذا سمحولهم يعني مو معقوله يجيبون سياره بكم مليون عشان يمشي 120 وهذا ماسار بريد ممتاز انا الى اعرفه انو شركة فقيه هيا الوحيده الى تسمح لسواقينها انهم يسرعون وتسديد ساهر على الشركه بس فيه مبرر عشان الدجاج لا يفسد ومن ناحية المخالافات هم كسبانين للاخر اما البريد لا ممكن ياخذ منك خمسين ريال على الشحنه بس يحطها فين ولا فين المهم هذي السيارات بيجبونها ويستعرضون فيها عن المراكز حقتهم بس ماتستخدم ابد


up 4 down 1
hoot 243
قبل 11 سنه و 4 شهر



حدهم سوزوكي ساموراي 


up 4 down 0
صفعان 189
قبل 11 سنه و 4 شهر



دخلت تويتر صاالح العنزي مدير العلاقات العامه ف البريد الممتاز والظاهر انه صحيح .. يقول هذا اول عنوان يوصلون
فيه طرد لشارع التحليه على الامبورغيني 
https://pbs.twimg.com/media/A_mQjHUCAAEpYz-.jpg:large


up 2 down 0
الالنتراوي 5150
قبل 11 سنه و 4 شهر



امحق سرعة , طلبت كاشف رادار من امازون شهر 11 وصل السعودية شهر 4 السنه اللي بعدها ويوم رحت استلمه لقيتهم سارقينه ويقولون ممنوع وهم سارقينه عساهم الساهر اللي ينشف جيوبهم هالسراقين


up 0 down 0
YASSER505 4174
قبل 11 سنه و 4 شهر



حدهم سوزوكي ساموراي



up 1 down 0
fasool86 598
قبل 11 سنه و 4 شهر



أبي أشتغل في البريد


up 2 down 0
عبدالله الشهري96 1535
قبل 11 سنه و 4 شهر



الموتر الواحد ب ٧٠٠ الف جديد !  
 
الميزانية فائضة مثلا ؟؟


up 2 down 0
فكوك 1684
قبل 11 سنه و 4 شهر



مشكورين يا اخوان 

صاروا اخوانا في الله ماخذين السيارات اجار 
الظاهر الموضوع فيه تنفيع ومحسوبيات لبعض الناس وحسب معلوماتي ان الشركة المزودة للسيارات ليست الغسان 
بل هي شركة تاجير معروفة في الرياض وجدة 


up 1 down 0
naac 2387
قبل 11 سنه و 4 شهر