أضف سؤال أو موضوع جديد          

نصيحه مهمه جدا للي ماعنده خلفيه عن الحوادث

up 28 down 4
دحيم٧٧٧ 2205
قبل 8 سنه و 4 شهر



السلام عليكم ورحمة الله وبركاته 

جمعه مباركه 

المهم ابي ادخل بل الموضوع على طول لان ودي ارووح اصلي الجمعه 

هاذي النصيحه كلها كلمتين ومخلصين 

ياشباب انا قديم رحت ازور ناس بل مستشفى الله يشفيهم ويعافيهم 
وكل واحد نسلم علييه ونسئله عن سبب الجروح او الشلل او الخ.... 
الله يحفظا وياكم 

المهم واحد من المرضى قالي قصة وسبب شلله 
يقول انا كنت مسرع وظرب علي كفر وتقلبت وفقدت الوعي طبعا جته رضوض 

وسئلته هل يعني الحادث هو الي مسبب لك الشلل 
قالي لا طبعا ؟؟؟ 

قلت اجل وش منه 

قالي من الناس الجاهله الي ماتعرف الرفاقه با الحادث 

يقول ماقدرو يفتحون الباب لانه متعفط وطلعوه من القزازه الي قدام 

يعني سحبووه يمين ويسار 

وتسببو في شلل الرجال لانه فيه كسور بسيطه ومايصلح يحرك 
وقدر الله وماشاء فعل 


طبعا يا اخوان انا كتبت الموضوع لكم بس الي يعرف ناس غالين عليه يعلمهم 

اذا صار قدامك حادث لاسمح الله 

اول شئ تسويه تتصل على الاسعاف وحاول تفتح الباب على شان تساعد بسهوله نقل المصاب 

ثاني الاسعاف يشيل المصاب بطريقه هاديه ودقيقه يعني ياشباب الرفاقه الرفاقه با المصاب 

واذا شفت الرجال بيموت لقنه الشهاده لعلك تذكرها قبل موتك 


اللم احفظنا وحفظ جميع المسلمين من كل مكروه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وحبيت اضييف على موضوعي لان ماعندي خاصية التعديل بل اي باد 

اذا صار الاسعاف بعيد 
شيلووه برفاقه ويكون معك اثنين واحد يمسك الاقدام والظهر واحد عند الرقبه وواحد مع اليدين 


up 9 down 1
دحيم٧٧٧ 2205
قبل 8 سنه و 4 شهر



لايك دحيم ولايك للموضوع ،
والي لفت انتبهاي انك في المستشفى سألت وزرت الي بطريقك تعرفه ماتعرفة . هذي لها لايك منور
وليش مانشوفها بكثره


up 7 down 0
aziz..747.. 2420
قبل 8 سنه و 4 شهر



جزاك الله كل خير والله يسر طريقك للجنة والمسلين أجمعين الأحياء منهم والميتين ... ولايك ياعسل .


up 5 down 0
مستر بن . 10379
قبل 8 سنه و 4 شهر



" ســبــحــآآن آلله و بــحمده ســبــحـآآن آلله آلــعــظــيم "


up 8 down 0
saeed 7 330
قبل 8 سنه و 4 شهر



يس
اعد بالخير ، مو يجهز عليه بغاية الفزعه ، اذا كان الاحسان بحكمة من أقوي الانتصارات لنفسك


up 4 down 0
aziz..747.. 2420
قبل 8 سنه و 4 شهر



هذة المشكلة بعض الناس ينقذ وهو مايعرف لا تشيل المصاب الا في حالة وقوع حريق فقط


up 2 down 0
رياض2021 1002
قبل 8 سنه و 4 شهر



كلامك صحيح لكن فيه بعض النقاط البسيطه اللي ممكن تفرق في حياة الانسان 

مثلا لو شفت نزيف حط عليه اي قماش نظيف متوفر عندك وحاول تضغط على الجرح 

واذا كان بمكانه داخل السياره حاول تفتح فمه حتى تشوف ممكن يكون اللسان ساد مجرى الهوى 

اما تسحبه من السياره لمجرد السحب انا اتفق معاك 

وجزاك الله خير


up 4 down 0
abo hwas 154
قبل 8 سنه و 4 شهر



صادق والله واحنا صراحه شعب مانقصر بس مشكلتنا الدفاشه .. وﻻيك لبى قلبك


up 4 down 1
yazeed793 7884
قبل 8 سنه و 4 شهر



الله يجزاك خير ... كثير يجهل كيفية نقل المصاب .. الله يكفينا شر الحوادث


up 2 down 0
الالنتراوي 5150
قبل 8 سنه و 4 شهر



مساء الخير بصراحه اعجبني الموضوع وحبت اشارك معكم والشكر للي نزل الموضوع حبيت انبهه عن اللي يحاول يساعد الناس وما عنده اي خلفيه عن المساعده وماهو بيوم وليله تكون عندك خلفيه ٣ سنوات وانا ادرس في ذا المجال واشوف انها ما كفت يعني اللي ما عنده خلفيه راح يضر اكثر مما ينفع وبعطيكم الطرق الاوليه للانقاذ 
 السلامه الشخيصه للشخص المسعف يعني لو تحس على نفسك خطر لا تقرب من الموقع هذا من اهم الاشياء وفيه خطوات كثير بس اهمها مهددات الحياه  ومنها 
١- تقفل مجراء الهواء 
٢ عدم وجود نبض 
٣النزيف 
لو عندك خلفيه بذا الامور وعرفت تفتح مجرئ الهوى لان المصاب العادي له طريقه والحوادث لها طريقه او عرفت تسوي sbr المعروفه بالانعاش القلبي الرئوي او توقف النزيف ولا  خل المصاب بالسياره لانك بتضره ما بتفعه الله يكفينا وانتو شر الحوادث واسف على الاطاله


up 4 down 0
مخاوي جروحي بروحي 123
قبل 8 سنه و 4 شهر



شكرا لك مخاوي 

بس مدام عندك خلفيه عن الموضوع نزل موضوع وعلمنا الاساليب الي لازم نتخذها 

انا مالي خبره كبيره في هاذا المجال 


up 2 down 0
دحيم٧٧٧ 2205
قبل 8 سنه و 4 شهر



جزاك الله خير

+

1) ما يتجمهرون حوله ويكتمونه لازم يبعدون عنه ويخلونه يتنفس بسهوله , واذا السياره بيبانها وقزازها مغلقه يفتحونها عشان يجيه هواء ويتنفس بسهوله .

2) اذا عنده نزيف أو جرح يلفون مكان النزيف ( شوي شوي بدون ما يحركونه ) بشاش طبي أو قطعة قماش نظيفه لأن اذا كانت قطعة القماش وسخه يمكن يكون فيها فايروسات أو الخ ... وتنتقل للمصاب مع الدم

و التعقيم مهم , لو تلاحظ المستشفيات حتى قبل يعطونك إبره لازم يعقمون المكان , فما بالك بالجروح الكبيره أو النزيف

3) لا يخوفونه مثلا يقولون بك جرح كبير أو نزيف أو الخ ... << اللي يكون بين الوعي والإغماء عشان ما يتوتر

4) يشربونه ماء صحه اذا وضعه يسمح بشرب الماء اذا كان جالس . بدون ما يشرق وبدون ما يحركونه

5) ما يصورون المصابين ولا الجثث

الأشياء هذي تمشية حال إلى ان يوصل الإسعاف , لأن عندهم خبرة اكثر مننا


up 4 down 0
speed for ever 3707
قبل 8 سنه و 4 شهر



الله يجزاك خير نصيحه قيمه ,, وللأسف عندنا بعض الشعب ملاقيف من يشوفون الحادث يتجمعون حتى اللي بيتنفس مايقدر من الكتمه ,, والله انا راجع يوم الاربعاء من بقيق الى الدمام وفي المسار الثاني دينا منقلبه والله اللي قدامي بعدة كيلوت صفط على جنب وخطف الشارع والسيارات جايه والله ان لومينا بغى يصدمه !!  المشكله المرور والاسعاف موجود انت وش تبي ياملقوف ؟؟ ,, للأسف بعضهم ماعنده خبره كافيه واذا جاء وقت الحادث يتدخل بأشياء قد تسبب الوفاه او تعيق المصاب طول حياته ,, اضعف الايمان اذا تبغى تساعده اتصل بالاسعاف وحاول ماحد يجي لعند اغراضه ويسرق ,, والله يعطيك العافيه يادحيم ...


up 3 down 0
ابو سعود629 4705
قبل 8 سنه و 4 شهر



الله يعطيك الف عااافية
وجعلها بمواازيين حسنااتك


up 3 down 0
albrufesoor 2103
قبل 8 سنه و 4 شهر



بما انك كتبت موضوع عن الحوادث الاسبوع اللي راح ككنت نازل انا وخويي في الصباح من جدة لمكة 
خويي ماشي في المسار الثالث بسرعة 130 كيلو والمسار الثاني فيه سيارة والفرق بينا ابو سيارة سيارتين 
وراعي النترا جاي مشوت يعني طاير ذا في المسار الثالث واحنا فكينا له الدرب واللي قدامنا راح للمسار الرابع 
فـ راعي الانترا انخرش ما عرف ايش يسوي شطفنا وبعدين يبي يشبك غرزة ما عرف وحاست عليه السيارة ويضرب في السياج 
اللي ما بين الرايح والجاي وقفنا ورحنا للادمي سلامات يا بطل فيك شي حصل لك شي اتعورت الادمي مخروش ما يهرج رحت
شيكت عليه خارجيا ما لقيت دم قلت له انت طيب بخير ؟؟ قال الحمد لله وفكينا الكبوت وفصلنا البطارية وبعدها جا امن الطرق 
قلنا خلينا نمشي لا بعدين يلبسونا التهمة والحمد لله عدت على خير ولك احلى لايك


up 0 down 0
t_7z 791
قبل 8 سنه و 4 شهر