أضف سؤال أو موضوع جديد          

كيف تعرف قيمة السيارة الحقيقية

up 15 down 1
سلطان سعد 1014
قبل 8 سنه و 2 شهر



السوق عرض وطلب كلما زاد الطلب زاد سعر المركبة 
دليل بسيط كان تذكرون سعر الكامري اول ماتغير الشكل كان سعرها حدود المية بعدها نزلوا عرض اقل بكثير
لانه قل الطلب والعكس في اللاندكروزر كيف زاد سعره بشكل خيالي على شان زيادة الطلب 
حتى المستعمل له زيادة وله نقص مركبة في عز الصيف شراها شريطي ب13الف وباعها في الشتاء ب20
عرض وطلب هم الي يتحكمون بالسعر
كان تذكرون بالسابق السيارات السبورت كانت في الوكالة غالية لكن بمجرد ماتطلع من الوكالة يطيح
اكثر من نصف السعر لانه ماكان عليها طلب حتى الجيل الحالي صار عليها طلب تلقا الشخص يطلعها من الوكالة
يبيعها بفرق بسيط لا يذكر وفي حالات يبيعها بمبلغ اكثر من الي شراها لان الوكالة زادت سعر السيارة
لكثر الطلب عليها 
وفيه سيارات وهذا الي ابي اتكلم فيه لو ينزلها للمعارض تلقا كل الي في السوق يصدون عنه
ليه لان السيارات مهما كانت جبارة اقوية لكن مالها اي رغبة فتحصل صاحبها مالقا لها شراي بسعر براسه
ولا بنصف الي براسه يجيك في الموقع ويقول بحدها ب80 وهي مسيومه بالسوق ب40 هذا ان كان فيه احد سامها
طبعا الي كذا بيصير له حركتين يا يلقا لها واحد يرغب وعجل ويشتريها بحده او يكسره شي بسيط لانه عجبته السياراة
يا تلقونه كل ثلاث ايام يعيد وينزل الموضوع وبين فترة وفترة ينزل الحد ينزل الحد
طبعا انا بكون لكم ناصح في حال انك بتشتري سيارة انت ترغبها وعارف انها مهيب مرغوبه في السوق
لا تشتري من الموقع نهائي قدر الامكان ولا تشتري من المعارض الفخمه لانه مبالغ فيها انزل السوق وحرك 
رجليك وشوف السيارة الي تبيها 
نصيحة ليس الا
 يمكن اكون صح ويمقن لا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


أهم شي الإستخاره و عدم الإستعجال بالشراء وأخذ المشوره من الناس عن الأسعار وهل السياره مرغوبه وعن قطع الغيار

وصيانتها لأن بعض السيارات تكون صيانتها مكلفه أو نادره 


up 5 down 0
ابــو ســنــد 10639
قبل 8 سنه و 2 شهر



صحيح هناك بعض الاسعار مبالغ فيها جدا والمشكلة بعضهم لدية اكثر من عضوية ويرد على نفسة من اجل اقناع الشراي اللي على نياتة


up 4 down 0
شليطيح 5019
قبل 8 سنه و 2 شهر



والله ياخوي انا معك الموقع فيه غلا والصالات بعد فيها غلا لكن المعارض والله انا دورت اكثر من شهر بالمعارض على سيارة كنت ناوي اشتريها
ما لقيت غير الشريطيه والنصابين سعوديين او اجانب ياخي شوف التخلف الى وين وصل طبعاً اتكلم عن معارض الرياض يستقبلوك الشريطية قبل السوق
يمكن بثلاث الى اربع كيلو تقول شحاذين ويطامر قدامك ما يبيك تروح للسوق ويفاوضك بالشارع وان ما وافقت وداك للمعرض ويتجمعون عليك الشريطية......الخ
المهم ما اطول عليكم الصالات ارحم من المعارض والموقع ارحم من المعارض خلني آخذ سيارة غالية بس نظيفة ولا سيارة مصدومة ومبوشة وحالتها حالة



up 1 down 0
ابوخلوودي1 5069
قبل 8 سنه و 2 شهر



طريقة العرض والطلب في اسواقنا غريبة جدا 
لاحنا بلد مصنع ولاحنا ننتج سلع خدماتية للاسف
كلها توريد من الخارج والشريطية اتباع السيارات والاراضي والسلع المستهلكة اقصد تجار كبار وشريطية يلعبوا لعب بالسوق 
وكل ماسمعنا خبر بالواق واق عن ارتفاع اسعار اول مستقبلين في العالم نحن طبعا من التجار واصحاب رؤوس الاموال
الجمارك اسعارها ثابتة ومعروفة والطلب الكثير من الاسواق الخارجية كل مالها تكثر من المفترض نزول اسعار جميع السلع
لاننا شعب نحب الرفاهية لكن لاتوجد عقلية شرائية للمستهلك غير انه ينجبر في شراء سلع غصبن عنه بقيمة غير حقيقية
عارف اني شطحت لكن السوق كله يحتاج الى اعادة هيكلة كاملة وشاملة حتى المواطن يقدر ياخذ اللي يقدر عليه عالاقل 
والله الموفق


up 1 down 0
ابو عبدالله احمد 3504
قبل 8 سنه و 2 شهر



صادق ي سلطان هنا الاسعار طايره كانك بتشتري بنتلي والسياره يارس هههههههه 


up 0 down 0
yazeed793 7884
قبل 8 سنه و 2 شهر



اللي حاط ديس لايك شريطي


up 0 down 0
عاشق الكارس 207
قبل 8 سنه و 2 شهر



عاشق الكارس 
هههههههههههههههههههههههههههههههههههههههه حلوووه 


بس فيه بعض السيارات والله ما تحصلها بالمعارض سياره نادره او مواصفاتها خاصه 
تحصلها في المواقع وفي الصالات 
لا تقيس على اي سياره 
مثلا ابغى سياره كلاسيكيه بتنزل للمعارض؟
اكيد لا بتحصلها في صاله ولا في النت 
ولا مثلا سيارات نادره ونظيفه مثل الـ560 ولا الجمس الخمسيني ولا الفورد الموردر ولا فورد gsl ولا amg ولا لكزس 600

بتحصلها وين؟!!؟


up 0 down 0
medooo-mmz 28
قبل 8 سنه و 2 شهر



صدقت وصح لسانك وكثر الله من امثالك


up 0 down 0
عبدالعزيز البارقي 119
قبل 7 سنه و 4 شهر