أضف سؤال أو موضوع جديد          

اشياء تحدث في موقع حراج

up 25 down 3
ابوخلوودي1 5070
قبل 9 سنه و 4 شهر



السلام عليكم ورحمة الله 
الله يصبحكم ويمسيكم بالخير


اخواني الاعضاء والزوار والله من متابعتي لموقع حراج اشوف بعض تصرفات من ناس لا تليق وتخرب ايضاً بيعة السيارة لأي شخص ومنها
1ــ يجيك واحد عارض سيارته للبيع وقيمتها تسوى 50000 الف ويجيك يقول مسيومه خارج الموقع او على الجوال 70000 يعني شايف الناس ما يفهمون مثلاً
2ــ يجيك واحد عارض سيارته 50000 ويجيك واحد ويسومها بـ 70000 وهو كذاب ولا عنده حق شحن البلاك بيري ويخرب على صاحب السيارة
3ــ يجيك واحد عارض سيارته مصدومه للبيع ويجونك الاخوان مطفين النور تبيع الجنوط او تبيع المسجل او تبيع المكينه .....الخ يعني الرجال بيخليها في الحوش ويشلحها علشانكم
4ــ يجي واحد حاد سيارته بـ 50000 ويقول سيمت بالاعلان السابق 48000 وتجي تدور الاعلان السابق له اكثر من اربع سنوات ولا هو موجود اصلاً يعني سيارتك ذهب ما تنقص قيمتها مثلاً
5ــ فيه بعض الاعلانات يجي الواحد عارض سيارته ومتعب نفسه ومنزل اعلان وصور ويجي واحد في الردود يقول عندي سياره موديل كذا ونوعها ومواصفاتها واللي بيشتري يدق على هذا الرقم
 وفي الاخير يكتب اسف ياصاحب الاعلان ما اعرف انزل اعلان يعني تخرب على الرجال وبالاخير آسف من وين يصرفها


نتمنى يكون فيه جديه في البيع والشرا

وهذا قليل من كثير

محبكم ابو خلودي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)

الموضوع مغلق


الردود


كلامك في السليييييييييييم وأحلى لايك. 


up 1 down 0
ban123 898
قبل 9 سنه و 4 شهر



فعلا كلامك صحيح اخوي ابو خلودي 

مشكور يالغلا


up 1 down 0
عاشق الجمس 79 133
قبل 9 سنه و 4 شهر



تقريبا ماكتبت هو الاقرب ..

والادهى والامر ... اني قبل يومين نزلت طلب ...

اتصل علي ورع ... وقالي عندي طلبك بكره قريب من دوار الكرة الارضية ...


من اول ماكلمته وماعجبتني طريقته ... انتظرته قرابة ساعة وهو يقول انا قريب وسيارتي اف جي عودي ... وانتظره والرجال باين عليه يكلمني من بيته لاني ماسمع عنده صوت سيارات .....

ليه تكذب ليه ....


اسال الله في هذي الساعة ان ينصرني عليه ..... لانه منافق ... ومن صفات المنافق انه اذا اوعد اخلف



up 7 down 0
راااضي 2520
قبل 9 سنه و 4 شهر



وازيدك واحد يحط اعلانه ويخش بعضويه ثانيه ويسوم سيارته ويحط رقم عشان ما يشكون بالوضع ههههههههههه وﻻ يخلي خويه يعزز له وانا شفتها بعيني باعلان ﻻنسر جيتي والي يبغى يضحك يغش يتفرج عليهم ..


up 3 down 0
yazeed793 7883
قبل 9 سنه و 4 شهر



يغش = يخش          


up 1 down 0
yazeed793 7883
قبل 9 سنه و 4 شهر



منورين الموضوع والله كثير من الملاحظات اللي ما حطيتها عشان الموضوع لا يطول
رااضي هدي نفسك وادعله بالهدايه كويس الشغله ما اعطيته فلوس او حولتله فيه ناس مساكين راحت فلوسهم



up 1 down 0
ابوخلوودي1 5070
قبل 9 سنه و 4 شهر



صادق بكل كلمة ،، وفيه أشياء كثيرة كمان كلها تخرب الموقع والله

تصدق ودي لو انا صاحب الموقع اخلي التسجيل بمقابلة عشان مايجوك ورعان ولا اشكال لعب

والله يعين ولك احلى لايك


up 2 down 0
TA CARS 854
قبل 9 سنه و 4 شهر



من راقب الناس مات همآ .


up 2 down 0
ابو مروج290 1189
قبل 9 سنه و 4 شهر



كلامك صحيح والدليل عندنا همر نزلت له اعلان قبل شهرين وماجاب شي بحكم انه مرشوش كامل مغير اللون

امس متصل واحد يقول للبيع قلت له انا حذفت الاعلان من شهرين يقول لا موجود الاعلان والصور والمعلومات كلها 

يعني فيه مواقع تنسخ الاعلان وتنزله عندها عشان جذب الزوار 





up 2 down 0
محمد.الرياض 1437
قبل 9 سنه و 4 شهر



انا نزلت اعلان لمرسيدس شبح بطاقه جمركيه
وتندمت كل واحد يطلعلك بهرجه 
وكل واحد لازم نمشي معاه على عقليته


up 2 down 0
medooo-mmz 28
قبل 9 سنه و 4 شهر



اسئل الله العظيم ان يهديهم كيف كذا وهم موافقين علي العهد الي بينهم وبين ربهم عند الاستراك انه مايسوم الي الجاد


up 3 down 0
ريتشارد
قبل 9 سنه و 4 شهر



اي والله بالذات لما تدور سيارة وانت جاد بس تلاقي سومات طالعة فووق والمشكلة ان في الغالب تكون من ناس مو جدية ويجيك راعي الموتر يرفع بالسعر....والله قهر


up 3 down 0
musclefreak 355
قبل 9 سنه و 4 شهر



كلامك صحيح بارك الله فيك...الله يصلح الحال 


up 2 down 0
النحيط1388 4
قبل 9 سنه و 4 شهر



حياكم جميعاً ولكم احلا لايكات
والاخ ابو مروج290 ياخي ماهي حكاية مراقبة الناس انا ماجيت اقلك وش لابسين هذا منتدى للجميع وفيه معاهده ان تكون جاد في البيع والشراء
وهذي امور تخرب البيع على البايع والشاري وطرحي لهذا الموضوع لتوضيح ان الموقع ما صار فيه مصداقيه الا ماندر اتمنة تكون وصلت الفكره
واتمنى انك ما تحكم على الناس قبل لا تفهم الموضوع 


up 2 down 0
ابوخلوودي1 5070
قبل 9 سنه و 4 شهر



نزل اعلانك وخلي وسيله الاتصال الموقع وانت اتصل ونسق حسب راحتك اذا شفت اللي يشتري يعيب بالموتر ويبخسه اسحب عليه اذا كان متورك نظيف ومتاكد منه
والسعر السوق يفرض نفسه عالبائع والمشتري


up 2 down 0
Ahmad356 518
قبل 9 سنه و 4 شهر



اذا شفت اعلان انزل للتعليقات واشوف السومات اللي تهبل بالواحد يعني سياره موديلات 93 الى 96 توصل فوق 15 الف اللي المفروض ما تتعداه لانها وصلت وحده ب30000الف والاخ انهبل وقال نطلب من الله الزود ههههه


up 2 down 0
b or not be 1422
قبل 9 سنه و 4 شهر



انت فكنا من الشريطه ..اللي بالمواقع والله ان تزين الامور ... مبزره حتى سوماتهم تفشل ...


up 2 down 0
oo8m8oo 202
قبل 9 سنه و 4 شهر



نسيت اقولكم 
والله العظيم يارجال 

ان في يوم اتصل علي واحد الساعه 1الليل وانا راجع البيت رديت عليه ويقعد يسالني اسئله
يسالني يقول انت عارض موتر للبيع قلت ايه قال وش الموتر ؟*_* انا تنرفزتقلت له انا مشغول شف الاعلان تامر شي الي ياخي انا صامل وفلوسي عالطاوله بس قلي وش الموتر وكم موديله ولونه والله ذاك اليوم ووووولعت قفلت اعصابيH




up 2 down 0
محمد.الرياض 1437
قبل 9 سنه و 4 شهر