أضف سؤال أو موضوع جديد          

كيف تبيع سيارتك

up 21 down 6
نادر القحطاني 506
قبل 8 سنه و 4 شهر



بسم الله الرحمن الرحيم ,, صلو على الرسول صل الله عليه وسلم ,, حبيت اوضح بعض النقاط للاشخاص اللي يحبون بيع سياراتهم لتلافي الوقوع في فخ الشريطيه ههههههههههههه 1
.أسأل الله ( لقول الرسول عليه الصلاة والسلام : إذا سألت فسأل الله ) الرزق الحلال والبركة وكن صادق مع الناس ونفسك ولو نزل من قيمة السيارة 1000 او 2000 ليست خسارة لإبراء ذمتك .

2.تأكد من سلامة السيارة وعدم وجود مشكلة قد تضر المالك الجديد .

3.يجب ان تكون السيارة نظيفة من الداخل والخارج وتأكد من خلوها من الاغراض الشخصية.

4.اذا أعلنت عن السيارة في منتدى ضع صور للسيارة .

5.عند الذهاب للمعارض ( ساحات بيع السيارات ) اوقف السيارة وأطفى المحرك وكن خارج السيارة .

6.لاتقف بسيارتك عند الشريطية اللي موجودين اول المعارض قبل السوق لانه حرام كما وصفهم رسول الله بـ (( تلقي الركبان )) .

7.اذا سألك زبون ( كم سيم ) اذكر المبلغ المطلوب كذا ولاتدخل معه في جدال بل قل السيارة مطلوب فيها كذا وبس اذا لك رغبة تفضل او توكل.

8.إذا السيارة بحالة ممتازة لا تستعجل في بيعها .

9.إذا أعجب الزبون بالسيارة وطلب تجربتها اتفق معه على دفع عربون مقدم 500 ريال لتجربة السيارة وإثبات الجدية .

10.إذا لم تعجبه السيارة لسبب غير مقنع وعادة يكون السبب هو السعر (( هاذي دائماً حركات الشريطية )) تذكر ( تقول ) له ان العربون يكون من حقك لان تجربة السيارة تمت على أساس ان السعر مناسب له .

11.عند الذهاب للمعارض لبيع السيارة يجب ان يكون معك شخص مناقض لشخصيتك نوعا ما ( إذا انت عصبي خذ معاك واحد هادئ ) .

12.هناك اسلوب متبع بين الشريطية وهو بعد تجربة سيارتك ويطلعك من وسط السوق يقول لك السيارة ما تسوى الصراحه هذا المبلغ ويطفشك لدرجة انك تقول له خلاص بنزل لك 1000 او 2000 ريال عشان تتم البيعة .

13.انتبه ... بعض الشريطية عند موافقته على شراء السيارة يأتي ويقول لك تكفى طلبتك انك ما تردني ابيك تخصم لي 500 او 1000 ريال والله اني كذا وكذا .... انتبه . لا تعطيه وجه وقل له اذا ما عجبك السعر عربونك في جيبي الله يستر علينا وعليك .

14. الزبون اللي يسأل في المنتدى مثلا عن تقسيط السيارة وانا اعتبر بيع السيارة اقساط مثل السلف خذ الان وسدد لاحقاً اذكر له هناك شركات هذه وظيفتهم .
نجي لتعريف الشريطي ,, الشريطي / هو شخص يتجول كثيرا في المعارض يحمل في جيبه ورقه 500 ريال ويحمل في يده مسبحه تختلف اساليبهم منهم من ياتيك على هيئه رجل مسكين ويرتدي غتره باليه وهو يلعب بالفلوس لعب ومنهم من ياتيك على هيئه رجل غني ( نظاره وحركات و مسبحه تلمع ) وهو في الحقيقه منتف والمشكله يجيك الغني هذا يسوم كامري وعشان يبرر موقفه يقول ابيها طال عمرك للسواق وتحصله اليوم الثاني باسط عليها ولابس ثوب اغبر والغتره ع الكتف خخخخخخخخخخ هذا ما حبيت اوضحه لكم المعذره ع الاطاله والسلام عليكم ورحمه الله وبركاته








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الامر الاخير .. وهو المقصود نبي نعرف عدد الشريطيه في الموقع بعدد الديسلايك خخخخخخخخخخخخ


up 4 down 3
نادر القحطاني 506
قبل 8 سنه و 4 شهر



هههههههههه كفو يا بو قحط



صدت الشريطية صيد + لآيك


up 4 down 1
hmada1213 2018
قبل 8 سنه و 4 شهر



فيه شريطي حط ديسلايك للموضوع


up 3 down 1
hmada1213 2018
قبل 8 سنه و 4 شهر



اما اخر واحد تووووووووووحفه

الله يعينيك على الديسلايك

وتسلم على الطرح


up 2 down 0
aboamani 1148
قبل 8 سنه و 4 شهر



فعلا لا تقوله سيمت بكذا اعطيه السعر المطلوب وصدقني بيهج ههههههههههه لان سعرك ما وراه فائده واحلى لايك.


up 3 down 0
ban123 898
قبل 8 سنه و 4 شهر



من جد هم ماينقرضون ونفتك ونترزق في سيارتنا 
لاتزعلون يالشريطيه بس والله من جد كم واحد ضحكتو عليه وكم واحد اخذتو سيارته با اقل ثمن وكم واحد تغشونه 
وانا من الناس اللي ضحك علي شريطي قبل ست سنين لكن الله لايوفقه ويجعلها فقره 
عموما موضوع جميل وخصوصا تعريف الشريطي 


up 2 down 0
وسم 6wasm 1178
قبل 8 سنه و 4 شهر



هههههههههههههههههههههههههههههههه يحمل في يده 500 ومسبحه اي بالله صادق

اعجبني الخلط بين المصطلحات احلا لايك


up 2 down 0
ابو رريماس 6
قبل 8 سنه و 4 شهر



جزاك الله خير
ما قصرت بيض الله وجهك


up 2 down 0
dub_r-50 435
قبل 8 سنه و 4 شهر



السلام عليكم ورحمة الله وبركاته 
كفو والله . 
حبيت أضيف نقطه وهي إن بعض الشباب يكون جاي من منطقة أخرى على شان يبيع سيارته في حراج جده مثلا 
ويكون وقته ضيق كذا يكون فريسه سهله للشريطيه ويبخسون سيارته لإنه ما هو من المنطقه والشريطيه يعرفون 
الواحد إن ماهو من نفس المنطقه وهذه فرصه لهم بالضحك عليه . الحذر ثم الحذر من الشريطيه . 
جزاك الله خير الجزاء والإحسان  على النصيحه الطيبه 

أبو قحطان  بلفقيه . جده .


up 1 down 0
وسام بلفقيه 121
قبل 8 سنه و 4 شهر



ذكرتني باللي يجونك قبل المعارض نط علي نطه بنص الشارع الله لايوريك وليتني داعسه ياشيخ ياشيخ توني معدي الكبري حق خالد بن الوليد بعده بشوي الا نط لي يأشر وحتى يوم تعديت اناظرة بالمرايه يأشر وقف يمين وانا مابي ابيع هههههههههه


up 1 down 0
YASSER505 4174
قبل 8 سنه و 4 شهر



الله ينتف هالشريطية ودك تدعسهم تحت الكفر ليرتاح المسلمين من شرهم وغشهم اصحاب الوجيه السود القشر وجيه الفقر وجيه تلحس


up 2 down 0
أبو عوض 2012 227
قبل 8 سنه و 4 شهر



ووجيهكم جميعا والله لا يهينكم على الردود واللايكات ,, والله يعطيكم العافيه


up 1 down 2
نادر القحطاني 506
قبل 8 سنه و 4 شهر



لك لا يك ماشي ترليوووووووووووووووووووووووووووووووووووووووووون

يا واحد نشب لي بلمرسيدس يقول لي مفسي فيه والله يانه رفع لي ظغطي وقلت تعوذ من ابليس واذكر الله 

شريطية اخر زمن


up 1 down 0
أستشاري الحب 6468
قبل 8 سنه و 4 شهر



استشاري اللي مثل هذا لا تبيعه لو يدفع اللي يدفع ههههههههههههههههههههه


up 1 down 1
نادر القحطاني 506
قبل 8 سنه و 4 شهر



جزاگ اللهُ خَيرَ الجَزاءْ..
جَعَلَ يومگ نُوراً وَسُرورا
وَجَبالاُ مِنِ الحَسنآتْ تُعآنِقُهآ بُحورا
جَعَلَهُا آلله في مُيزانَ آعمآلَگ
دَآمَ لَنآ عَطآئُگ


up 1 down 0
حسن القحطاني 1743
قبل 8 سنه و 4 شهر



ارحب ياحسن والله يجزاك خير والله لا يغير علينا ولا عليك والسامعين


up 1 down 1
نادر القحطاني 506
قبل 8 سنه و 4 شهر



جزاك الله كل خير و الله انا احد من استفادوا من كلامك و يبدوا انه في اربعه شريطيه قيموا موضوعك سالب ههههههههههههه


up 1 down 0
abu zain 259
قبل 8 سنه و 4 شهر



اكيد مافيها كلام هههههههههههههههههههه


up 0 down 1
نادر القحطاني 506
قبل 8 سنه و 4 شهر



ليه اغلب الشريطيه عساكر او كانوا عساكر .. واذا شبع وصار عنده معرض او معيرض جاب ابو يمن فقط من بين الجنسيات .... هذا الكلام من تجربه في المحاكم ومشاكل الشريطيه ... وبنظري هم شياطين الله في ارضه في اي سوق سواء سوق السيارات او الاراضي او الانعام او حتى الصابون ............


up 0 down 0
aboalmahdi 13
قبل 8 سنه و 3 شهر