اذا بنشرت في البر ولاعندك اسبير ولا ماطور هواء .. وش تسوي ؟؟
36
4
إضغط هنا للإخفاء
كيف حالكم جميعاً..اليوم عندي لكم موضوع(كيف تعبي كفر سيارتك المبنشر بالهواء وأنت مامعك لاماطور هواء ولا لــي هــواء..
يمكن الكثير مننا تعرض لموقف صعب في البر ولا حوله أحد أن بنشر عليه أحد الكفرات ومعه رقعة للكفر أو نسم الكفر ويحتاج للهواء.. ولكن لايوجد معه ماطور هواء أو لي هواء أو لمن نزل ماطور الهواء تفاجأ بأنه لايعمل..حدثت وتحدث كثيراٍ مثل ذالمواقف,مره حدثت لي وسويت هذي الطريقه .,!!...
يقول المثل(من له حيلة فليحتال)وايضاً(الحاجة أم الإختراع)
شغلت راسي ونزلت عدتي وقعدت أضرب الأفكار(كيف وكيف وكيف).....
أنا عندي مصدر الدفع للهواء البواجي.. ولكن لو مديت لي مباشرة من البوجي للكفر ما أستفيد شيء..لأن البوجي الهواء اللي يدفعه يسترده مره ثانية..يعني يبيلي شيء يمنع البوجي من استرداد أنفاسه..دورت في عدتي شيء يسمح يدخول الهواء ولا يسمح بخروجه...وبعد عناء وتدوير في كل شيء,,
إكتشفت حاجتين..وحدة في العزبة بمعية إسطوانة الغاز..
والثانية في الكبوت بمعية باكم الفرامل...
اللي في إسطوانة الغاز هي(الساعة)كما يسمونها...
وإللي في الباكم الوصلة الصغيرة اللي يركب فيها لي هواء الباكم..طبعاً سيارتي جمس(جمي)ذاك الوقت....
قلت بستخدم ساعة الإسطوانة أخاف مع الحرارة أخرب وصلة الباكم وإلا وصلة الباكم أسهل من ساعة الإسطوانة..لكني بديت بالساعة لعدم أهميتها...
إخواني تراها فكرة بسيطة جداً..ولكنها..إنقذتني بعد الله..
احفظوها ترى يمكن تحتاجونها في أحد الأيام...
تراها بتفزع لك لنقطعت في المهمهية وبتغنيك عن إنتظار السراب..اللي كم وكم من الشباب وجدوهم أموات بجنب سياراتهم ينتظرون سراب المهمهية...
*
*
شوفوا القطع يابسطها بسطاه..
*
باقي بس الهوز اللي يركب في البوجي..ولاحظوا طريقة تثبيته وياليت لو يكون معك بوجي ماتبيه وتكسره وتحشر الهوز فيه أفضل..لكن طريقتي بدائية لكنها فعالةواذا كانت الليات قصيرة فك الكفر ورفعه في الكبوت..تحرك لاتموت..
*
*
*
*
باقي مشكلة ابرة البلف افرض مامعك شيء يطلعها عشان الهواء يدخل..لاتخاف..محلولة قطعة خشبة اوشجرة بس تكون قاسية شوي عشان تنحشر داخل البلف وتبقى متبته الإبرة لين يمتلئ الكفر..ثم بأول سكروب شلها.. اليكم الشرح بالصور ... ** منتدى مكشـات
إبلاغ
الردود
1
0
لاتكزب لاتكزب
قبل 7 سنه و 7 شهر